2 SEMUEL 21:16 - Susula Malalaok Hehelu Palak Ma Hehelu Beuk

¹⁶ Boema hataholi ao matua ei madema esa na'de Yisbi-Benob, ana mai. Teen-na, tee liti, belan-na, fafa'kama kilo telu seselik. Nasakue tafaina beuk boe, de namahele te'e-te'e, ana bisa taonisa Dauk.

2 SEMUEL 21:16 Referans Kwoze

2 SEMUEL 21:20

Natee-nata'tik la'ban hataholi Filistin-nala ndia, ana da'di seluk nai Gat. Nai ndia, hapu hataholi ao matua ei madema esa, ana hii natee-nata'ti nanseli. Hataholi ndia, limaku'un nee, ma eiku'un nee.

2 SEMUEL 21:18

Natee-nata'tik la'ban hataholi Filistin-nala, ana da'di seluk nai Gob. Nai natee-natatik ndia dalek, Sibkhai, fo hataholi Husa ndia, taonisa hataholi ao matua ei madema esa, na'de Saf.

2 SEMUEL 21:22

Dauk no solda'dun-nala, taolisa hataholi ka haak sila-la nde been-na, hataholi ao matua ei madema manai Gat-tala, tititi-nonosin sila.

2 SEMUEL 5:18

Hataholi Filistin-nala losa Bafak Refaim-ma boema, langatuu-la bafak ndia.

ULANGAN 9:2

Hataholin-nala, ao matuaina, ma balakain-na seli; hataholi ao matua ma ei madema sila, de emi mamanene basa, lae ta hapu hataholi esa boen, bisa la'ban hataholi sila fa.

ULANGAN 3:11

Hataholi Refaim fo maso'dak-ka, ela ka'da Mane Og-ka mesak-kana. Kopan-na, nanataok neme batu-a mai, nanataok neme batu mai, nanalun-na metel haa, ma loloan-na hihii nae metel dua, uukuk ia, tunga uukuk fo nananaketu basak-ka so. Losa besak ia, kopak ndia bei titan nai Raba fo hataholi Amon-nala kotan-na.)

ULANGAN 2:21

Hataholi sila-la, sama leo hataholi Enak-kala boe, fo ao matuaina-la. Hataholi sila balakain-na seli, ma hataholin-nala makadotok. Tehu Manetualain tao namopo-namates, nalosa hataholi Amon-nala loso-la dae ndia, de ala leo leme ndia.

ULANGAN 2:10

Makahulun-na, hataholi Emim-mala, ala leo leme Ar. Hataholi sila aon-nala matuaina, sama leo hataholi Enak-kala, fo hataholi ao matua ma ei madema-la.

ULANGAN 1:28

Da'di, sosoak hata, ita teu leo naa teu? Ita tadenu hataholi manaleu leo naa leu-a, ala tao-la ita bii-tamata'u, nenik sila hala nafafa'dan-na, lae leoina ndia, balakain-na ma aon-nala makadelek lena heni ita, ma lae ala leo nai kota-kota fo papala nanadaman-nala dedeman-na losa lalai. Lita hataholi ao matua ma ei madema-la lai naa boe!’

KEJADIAN 14:5

Nai teu ka sanahulu haan-na dalek, boema Kedorlaomer no mane-manek fo, ala dalek esa loon-na, ala mai loo solda'dun-nala, de ala sengi hataholi Refaim-mala neme Asyterot-Karnaim, hataholi Zuzim-mala neme Ham, hataholi Emim-mala neme Syawe-Kiryataim,

KEJADIAN 6:4

Nai tepo-lelek ndia, ma tepo-lelek maneuk-ka boe, hapu hataholi ao matua ma mademaina, nai daebafak-ka. Hataholi sila-la tititi-nonosik neme hataholi daebafak-kala, anafe'oanan-nala mai, fo ala saoana loo Manetualain anan-nala. Hataholi ao matua ma mademaina sila-la nde been-na palani ta'ti batu-la nanseli, ma hataholi nananita-nalelak nai tepo-lelek makahulun eli.

BILANGAN 13:22

Makasososan-na, leu leo nusak ndia boboan kona leu, de ala losa kota Hebron-na, fo hataholi Ahiman, Sesai, ma Talmai, fo Enak tititi-nonosin-nala, mamana leleon-na. Kota Hebron-na, napadedeik nakahuluk teuk hitu, neme kota Zoan-na nai Masir.

BILANGAN 13:28

Tehu nusak ndia, laun-nala, ao makadelek mesa-mesan. Nusan-nala matuaina mesa-mesan, ma makota musuk. Bai te, ami mita hataholi ao matua, ei madema-la tititi-nonosin-nala lai naa.

YOSUA 15:14

Enak tititi-nonosin nde hataholi Sesai, Ahiman, ma Talmai. Kaleb usi heni basa-basas leme Hebron mai.

ULANGAN 2:11

Loke hataholi sila soona lae, hataholi Refaim boe, sama leo hataholi Enak-kala, tehu hataholi Moab-pala foi hataholi sila na'de hataholi Emim.

YOSUA 11:22

Ta ela leoina Enak ndia, hataholin esa boen, nai nusa Israel-la, ka'da bei hapus lai Gaza, Gat, ma Asdod.

SEMUEL SUSULAK-KA ESAN-NA 17:7

Tee ndia ain-na, ba'u ina manatenu-hengek-kala bolen esa, ma tee ndia isin-na belan-na, fafa'kama kilo hitu. Solda'du esa ho'u babaa fanan-na, de ana la'ok nai matan-na.