2 SEMUEL 21:10 - Susula Malalaok Hehelu Palak Ma Hehelu Beuk

¹⁰ Boema Rizpa, fo Saul sao makahatun-na, ana bela si'di kalong neu batu bebelak fo, lakandondoo mamates-sala neme lain-na, de nanea naheles neme ndia. Rizpa ta la'oela mamanak ndia, mulai neme fai keketu-kokolu makasososan-na mai, losa u'dan-mai, fo nai fai hanas-sa. Ana ta fe manupui-la la'a mamates sila-la, nai fai lele'don-na, do bana makaak-kala nai fai le'odaen-na.

2 SEMUEL 21:10 Referans Kwoze

ULANGAN 21:23

soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.

ZAKHARIA 10:1

Metema fai hanan-na losa soona, moke u'dan neme Manetualain mai. Soona neukose, Manetualain Ana tao-na lalai nasakoko'a, fo u'daina mai, nalosa tina osi da'di momo'dok ma lalole, ba'eneu hataholi lala'en-na.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

1RAJA-RAJA 21:27

Elia kokolak basa boema, Ahab siiheni bua papaken-na de ana pake si'di lafa lapik da'di neu ta'du-tana sale dalek, boema ana okaaon-na. Nai lelek ana sungu, ana pake si'di lafa lapik boeo, ma metema ana la'o-la'o soona, matan-na ka'da masu-masu nakandoo.

2 SEMUEL 3:7

Faik esa boema, Saul anamanen Isyboset, nakasasa'ek dede'ak neu Abner nae, Abner sungu no Saul sao makahatun esa, na'de Rizpa, fo Aya anafe'on-na.

YOEL 1:18

Bana-manu lakadii-lakau ma hela hae, nana ta hapu moo mana'uk fo la'a so'on. Bi'ilopo-la boeo, bendole-bendaku.

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

YESKIAL 39:4

Gog no basa solda'dun-nala, ma basa leoina fo manalook-kana, neukose mate la'iesak-kasa lai Israel leten-nala lain, fo Au fe popolan-nala neu manupui-la, ma bana makaak-kala, fo la'ahenis.

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

ULANGAN 21:13

ma ana nggatiheni bua papaken-na. Ana muse leo nai o umam, ma ana falu, ina-aman mamaten-na, bulak esa dalen-na. Basa ndia soona, o bole sao-man.

ULANGAN 11:14

Metema eni tao leondiak, soona la'e fain-na te, neukose Manetualain fe emi daem-ma, u'dan nai lelek emi ketu-kolu basa, ma nai lelek emi mulai sele-nggali. Soona, neukose emi hapu gandum, angol ma mina setun, dai emi mi'a-pake,

SEMUEL SUSULAK-KA ESAN-NA 17:44

Bai te, nahee Dauk nae, “Ayo, tutulumatak leona! Te neukose au fe manupui, ma bana-la la'a o aopaam-ma.”

KEJADIAN 40:19

Nai faik telu dalen-na ia, neukose manek-ka nadenu hataholi te'teheni o langa ma, boema o popola ma nanalonak nai dii esa lain, de neukose manupui la la'a o aoisi ma.”

SEMUEL SUSULAK-KA ESAN-NA 17:46

Faik ia boe, neukose Manetualain fe o leo au mai; neukose au sengi o, fo au te'te heni o langam-ma. Neukose au fe o aopaam-ma, ma solda'du Filistin-nala aopaan-nala, neu manupui-la ma bana-la fo la'an. Soona basa daebafak-ka lala'en-na, neukose bubuluk, lae ami leoinam Israel, manuu Manetualain, de ami sene-do'ok-kana,

2 SEMUEL 21:11

Lelek lafa'da Rizpa tatao-nono'in ndia neu Dauk boema,

ULANGAN 21:22

“Metema hataholi esa nanahukunisak, nanahu tatao-nono'i mangalauk esa, fo popolan-na nanalonak nai dii esa lain,