2 SEMUEL 2:23 - Susula Malalaok Hehelu Palak Ma Hehelu Beuk

²³ Lelek Asael nahele ka'da, ana ta nau nate'e fa boema, Abner tee leo dea neu, de la'e Asael tein-na, losa tee ndia tola sapiselik muliha'in-na. Asael bala neu, de maten neme mamanak ndia boe. Basa hataholi manamaik leo Asael lololin-na ndia, late'e leme ndia.

2 SEMUEL 2:23 Referans Kwoze

2 SEMUEL 3:27

Abner losa Hebron tutik-ka, Yoab lelekon leo boboak neu, deka no lelesuina, nono'kabai, ana sanga kokolak non dede'a nafufunik esa. No kaiboik, Yoab pau tafainan-na neu Abner tein-na, de maten. Yoab taonisa Abner, soaneu ana balas nape'da dalen-na neu Abner, nana ana taonisa fa'din Asael so.

2 SEMUEL 4:6

Inak manea uma tekauk nai lelek ana da'i-eeko gandum, boema ana sungu. Hu ndia de, Rekhab ma Baana, hapu loak loi leo uma dale leu.

2 SEMUEL 20:10

Amasa ta nita tafaina nai Yoab lima kiin-na fa. No kaiboik, Yoab pau tafaina ndia neu Amasa tein-na, nalosa tein-na poka leo deak mai. Maten nai hatematak ndia boe, de Yoab ta paluu pau seluk-kana so'on. Boema Yoab no fa'din Abisai, usi lakandoo Seba.

2 SEMUEL 5:6

Faik esa boema, Mane Dauk-ka no solda'dun-nala la'o, fo sanga leu sapu-la Yerusalem. Hataholi Yebus, fo kota ndia laun-nala, beedoo lae, neukose Dauk ta bisa sengi Yerusalem fa. Hu ndia de, lafa'dan lae, “Neukose, o ta hapu masok leo ia mai fa; hataholi pokek-kala ma hataholi ei helak-kala boeo, ala bisa usi heni o.”

2 SEMUEL 2:24

Tehu Yoab ma Abisai usi lakandoo Abner. Lelek le'do tenak boema, ala losa Pupukuk Ama, fo nai Giah boboan dulu, nasale leo moo solokaek Gibeon-na neu.

2 SEMUEL 3:30

Yoab no fa'din Abisai, ala balas nape'da dalen-na leondiak neu Abner, nanahu Abner taonisa sila fa'din Asael, nai natee-natatik dale neme Gibeon.