2 SEMUEL 19:16 - Susula Malalaok Hehelu Palak Ma Hehelu Beuk

^16-17 Gerar anan Simei, fo hataholi Benyamin ndia, no hataholi lifun esa leme leo Benyamin-na mai, de no lai-laik, ala mai sama-sama loo hataholi Yehuda sila-la, fo ala soluk manek-ka. Leondiak boe, Ziba, fo Saul teidalen-nala atan-na, sama-sama no anatoun ka sanahulu lima-nala, ma atan ka duahulu-nala; manek-ka beita losa fa te, ala lena lai Lee Yarden-na selik so.

2 SEMUEL 19:16 Referans Kwoze

1RAJA-RAJA 2:8

La'eneu Simei fo Gera anan-na neme kota Bahurim ma, nai leo Benyamin nusan-na, hapu au hala-hehelung-nga neu o. Nai au leleo-lala'ong leo Mahanaim dalek, makahulun-na Simei ndia soo-supa au no nasak. Tehu basa boema, nai lelek ana mai soluk au nai Lee Yarden na, au soo-supa neun nenik Manetualain na'den-na ae neukose au ta taoisa fan.

MATEOS 5:25

Leo uni ka, hapu hataholi kalaak emi leo mana kee-fula manai lai na neu, soona mole-dame mon beidai ana beita losa mana kee-fula manai lai na fa. Metema ta soona, neukose hataholi ndia, ana kalaak emi leo mana kee-mana fula neu, fo basa soona no emi leo polisi la neu. Fo daenga polisi la tao emi leo bui dale neu.

AYUB 2:4

Tehu, Nitu-a nataa nae, “Maso'dak ma so'da-la'dak-ka, belin-na lena heni hata-heto. Hataholi daebafak-ka, nau fe heni basa hata-heton lala'en-na, sa'di ana hapu naso'da nahele.

2 SEMUEL 3:16

Tehu Paltiel tunga nahele Mikhal, ma ana kii. Lelek ala losa kota Bahurim-ma boema, Abner nafa'dan nae, “Le'on-na leon, fo ka'da fali mu'um-ma!” Boema, Paltiel fali ne'un leona.

SEMUEL SUSULAK-KA ESAN-NA 10:8

Basa ndia soona, muse o muu leo Gilgal muu, fo mahani faik hitu nai naa. Mahani te, au mai fo tunu-hotu tutunu-hohotu nanatunuk ma tutunu-hohotu mole-dame, ma au afa'da o, hata fo o muse taon.”