2 SEMUEL 17:2 - Susula Malalaok Hehelu Palak Ma Hehelu Beuk

² Neukose, au u sapu-alan, nai lelek ana sota-mangu, ma aon-na ma'as-sa. Neukose, au tao anggengek-kana, nalosa basa solda'dun-nala lala'en-na lalai. Soona neukose, au taoisa ka'da Dauk mesak-kana.

2 SEMUEL 17:2 Referans Kwoze

1RAJA-RAJA 22:31

Nai lelek ndia Siria malanga solda'du matuainak-ka teluhulu duan fo manasa'e kaleta musu la, manen-na fe paleta basa fo ala sapu la ka'da mane Israel-la.

2 SEMUEL 16:14

Manek-ka no solda'dun-nala sota-mangu lanseli, lelek ala losa Lee Yarden-na, boema ala hahaeaon-nala leme ndia.

YOHANIS 11:50

Ade emi ta mame'da mae, hu ka nde lauingu a de, malole lenak mate hataholi esa, neme basa leoina lala'e na, lakalulutuk?”

MATEOS 26:31

Boema Yesus nafa'da ana mana tunga nala nae, “Nai le'odaek ia boe, neukose emi basa-basa mala malai la'oela Au; nanahu nai Susula Malalaok dale nanasulak nae: Manetualain nafa'da, ‘Neukose Au taoisa manafoo ndia, fo bi'ilopo nala lalai tapasasala.’

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

MATEOS 21:38

Tehu hataholi mana'a ngga'di la lita dae lamatuak ndia ana na boema, esa kokolak no esa nae, ‘Na, manoo nuu ka, ana mai nde ia so. Tao tisan leona, fo daenga ita hapu pusaka nala!’

ULANGAN 25:18

Ala ta bii-lamata'u neu Manetualain fa, de ala sapu-la emi neme dea mai, fo nai lelek emi sota-mangu, ma emi aom-ma ndole-ndaku, boema ala taolisa la'iesak hataholi makabuik-kala, nanahu ala sota-mangu lanseli, no lala'ok-ka so.

2 SEMUEL 17:1

Basa ndia boema, Ahitofel nafa'da seluk Absalom nae, “Fe au loak, fo au hele-a hataholi lifun sanahulu dua. Fo le'odae soona, neukose au u usi Dauk.

NEHEMIA 4:5

Boso fe do'o do ampon neu tatao-nono'i mangalaun-nala, ma boso mafandeleheni sala-singon-nala, nana lakamumulu-lakamamaek basa ami, fo besak ia ami mafofo'a O umam-ma ia.”