2 SEMUEL 15:2 - Susula Malalaok Hehelu Palak Ma Hehelu Beuk

² Tunga faik, Absalom fo'a fafaianak, fo napadeik neu enok manadeka no uma manek-ka lelesuinan-na. Metema, hataholi sanga neu kalaak dede'an-na neu manek-ka soona, Absalom naloon fo natanen nae, “O leom-ma, leo beek?” Fo metema, hataholi ndia nataa nae, “Au eme leo ia, do leo ndia mai,”

2 SEMUEL 15:2 Referans Kwoze

MATEOS 27:1

Fafai anak boema malanga imam ala ma lasi-lasi Yahudi la ho'i nakeketuk, fo tao lisa Yesus.

AMSAL 4:16

Hataholi managalauk-ka, ana ta hapu sungu fa, metema ana beita tao tatao-nono'i ta malole fa. Ala beita tekauk fa, metema ala beita tao soe hataholi fe'ek fa.

AYUB 24:14

Nai fai lolobahaan-na, tou kanisak-ka, fo'a neme susungun-na mai, boema, ana kalua, fo neu taonisa, hataholi matasi'da-matasaek-ka, ma beita le'do a mai fa, te ana loi-loi mesan, sama leo nakodaa.

2 SEMUEL 19:8

Basa boema, manek-ka fo'a de neu leo deak neu, de nangatuuk deka no lelesuina. Solda'dun-nala lamanene lae manek-ka nai ndia boema, basa-basas mai leona. Ndia te, solda'du Israel-la lala'en-na, lalai so, de esa-esak fali ne'un leo ndia uman neu.

RUT SUSULAN-NA 4:1

Boas neu leo mamana natotongok-ka, nai kota lelesuinan-na. Nangatuuk boema, touk esa tunga ndia, fo tunga Boas soona, hataholi ndia nde been-na, Elimelekh teidale mata dalen. Boema Boas naloon de nafa'dan nae, “Tolanoong-nganei, mai fo mangatuuk mai ia!” Hataholi ndia mai boema, nangatuuk.

KELUARAN 18:26

Lakalala'ok sila bela-ba'un da'di leo manakee-manafula neu leoina Israel-la. Leni dede'a matua-la leo Musa neu, te sila laketu-lala'di aon dede'a nale'a-napilik anak-kala.

KELUARAN 18:16

Metema, lale'a-lapilik soona, ala mai leo au mai, fo ela au aketu sila dede'an-na, ma au tui-benga fes, Manetualain paletan ma hoholo-lalanen-nala.”

KELUARAN 18:14

Lelek Yitro nita basa hata fo Musa tao-no'in boema, natane nae, “O muse tao beek soaneu leoina ia? Tao le'e de, muse o mesa-mesam-ma tao-no'i basa ia-la, nalosa soaneu hataholi sila-la loke ka'da o nanoli-nafa'dam, boeo ala muse lapadeik lai ia, neme fafaik losa le'odae?”

KEJADIAN 34:20

Basa boema, Hemor ma Sikhem leu leo mamana natotongok-ka nai kota lelesuinan-na, de ala kokolak loo laun manai sila kotan-na, lae leoia,

ULANGAN 17:8

Metema, manakee-manafula manai mamanak ndia, ala ta laketu-lala'di lalelak dede'ak ndia fa, nanahu nakeketun-na, tean-na seli, fo nde hataholi fo ana tutu'u basa, soaneu ana taonisa hataholi, do ana ta name'da fa te, ana taonisa hataholi, nale'a-napilik la'eneu pusaka, do esa tao nakahina esa soona, emi muse meu leo, emi Manetualaim-ma hele mamanak-ka meu.

2TAWARIKH 10:7

Lataa lae, “Metema Ama Manek nau tao malole neu laun-na, ma tao mamahoko dalen-nala fo fes natataa malole, soona neukose ala lilineka lahele neu Ama Manek losa dodoon-na.”

DANIAL 11:21

Ata nusa so'dak ndia, nafa'da seluk au nae, “Manek manamaik fo ana paleta nusa kii nde been-na, hataholi matasi'da-matasaek esa, fo ta nanu haak da'di manek fa. Tehu neukose, ana mai no kaiboik fo ana loso-na nangatutuu manek-ka nenik tipu-daik.