2 PETRUS 1:8 - Susula Malalaok Hehelu Palak Ma Hehelu Beuk

⁸ Basa sila la nde bee na, ha'da-tataok fo paluu emi tao tungan nai emi so'da ma dalek. Metema emi manuu la'iesak ha'da-tataok sila la soona, neukose emi boetai manggate ma emi hapu buna-boan, boema emi malelak ita Lamatuan Yesus Kristus no malole seluk bai.

2 PETRUS 1:8 Referans Kwoze

TITUS 3:14

Ita hataholi nala muse lanoli fo, ala tao-no'i tatao-nono'i malole, fo daenga ala tao latetu sila paluu nala; fo boso nalosak sila laso'da no sosoa-ndandaa tak.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

YOHANIS 15:2

Ndanak manai Au dale ka, metema ta naboa fa soona, Ana tati henin, boema ndana maboa ka, Ana seselu nanggo'de doo na, fo Ana tao balisin, fo ela boetai naboa ka.

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

FILIPI 1:9

Au huhule-haladoi nga nde ia, soaneu emi: ela leo bee na, emi boetai sue-lai Manetualain, ma emi nonoo hataholi ma, ma emi malela ma tama nakandoo nai dede'a ndo sa, ma dudu'a-aafi manatee teno ka dalek.

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

2 PETRUS 1:2

Ela leo bee na Manetualain fe baba'e-papalan ma mole-dame na, ana sasi kao-kao neu emi, nanahu emi malelak Manetualain ma Yesus, fo ita Lamatua na.

FILEMON 1:6

Au hule-haladoi fo ela leo been-na, ita hataholi kamahehele ka nakabuan ia, nini fe ita malelak ba'u ka soaneu basa baba'e-papalak fo ita tanuun, nanahu ita da'di esa to Kristus.

2 TESALONIKA 1:3

Tolano-tolanoo ngala lemin! Ami muse moke makasi tataas esa neu Manetualain, hu ka nde emi. Ma memak nandaa ami tao leondiak, nana emi boetai mamahele neu Kristus, ma emi boetai masue-malai ao.

FILIPI 2:5

Ela leo bee na, emi heheo-hihilum ma ha'da-tataom sama na leo Yesus Kristus:

2 KORINTUS 13:5

So'ba emi so'ba su'dik emi aoina ma, ade emi te'e-te'e maso'da tunga namahehelek neu Kristu sa do ta! Tao leo bee o emi nameme'da mae, Kristus Yesus nai emi dalek! Dede'a na fe'ek, metema memak emi ta mamahele te'e-te'e fa.

KOLOSE 2:7

ma mahuu-maoka nai Kristus dalek. Ela leo bee na emi mapadedeik emi maso'da ma neu netes esa lain, fo nde Kristus. Ela leo bee na emi boetai mamahele Kristus, tunga hata fo lanoli basan neu emi a so. Boema ela leo bee na, emi mamahoko ma moke makasi ba'u ka neu Manetualain.

2 KORINTUS 9:14

Soona neukose ala hule-haladoi fe emi no susue-lalaik, nanahu Manetualain dale malole na ba'u na seli neu emi.

2 KORINTUS 8:2

Sila nanafola basak ninik toto'a-tataa mabelaina la so. Tehu nai toto'a-tataak sila la tala'da, ala lamahoko ma dale nala malole lanseli nai fe tutulu-fafali ka dalek soaneu tulu-fali hataholi fe'ek, leomae sila nuu ta-hata tak lanseli.

1 TIMOTIUS 5:13

Nakalenak seluk bai, ala tu'u-tapa heni le'do fain fo leu dakak hinga uma tai kala. Boema mangalau ina na nde, ala kokolak langgenggeo hataholi na'den, ma hataholi dede'an o, leu sese'dok leo dalek leu, boema ala kokolak dede'ak fo tunga ndo na, ta nandaa ala kokola kana fa.

1 TESALONIKA 3:12

Ela leo been-na Lamatua ka, tao na emi, boetai masue-malai ao, ma boetai sue-lai basa hataholi lala'ena, nalosa emi susue-lalaim ndia boetai tama nakandoo, sama leo ami susue-lalaim neu emi a.

2 KORINTUS 8:7

Emi nai uluk nai basa-basan lala'ena: Emi nai uluk nai dede'a namahele ka dalek, nai dede'a nafa'da hahapu ka dalek, nai dede'a malela ka dalek, nai tutulu-fafalik no te'e-te'e ka dalek, ma nai emi susue-lalaim neu ami dalek. Hu ndia de, malole lenak emi nai uluk nai tatao-nono'i malole ia dalek boe.

ROMA 12:11

Maue-male'di no manggatek. Boso pela-bale. Maue-male'di soaneu Lamatua ka tunga Manetualain Dula Dale na hehela-nonolen.

YOHANIS 5:42

Nana Au alelak basa emi so. Au bubuluk emi ta sue-lai Manetualain nai emi dalem dale fa.

MATEOS 25:26

Boema tuan ndia naen nae, ‘O malalau-maoono mangalauk ma pelatua! Ade o bubuluk mae, au seu ai boak nai mamanak fo au ta sele ai fa, ma au ketu-kolu buna-boak nai mamanak fo au ta sele-nggali bini-ngges fa do?

MATEOS 20:6

Fafaka ma li'u lima le'donoso na, boema neu sanga seluk hataholi, de ana bei hapu seluk hataholi la tee bekau. Boema natanes nae, ‘Tao le'e de fai katemak esa dale na, ka'da emi mapadeik bee ta mahele mai ia, te emi ta tao hata-hata esa boen?’

MATEOS 20:3

Li'u sio fafai na boema, osi lamatuak ndia, neu sanga seluk hataholi, boema nita hataholi de'u bee ala tee bekau nai pasak.

MATEOS 13:22

Bini-ngges fo mana tu'da nai dila-nggauk tala'da, nakasasama na leo hataholi fo namanene halak sila la, tehu dale nala laba'e la'eneu so'da nala, ma ala hii ka'da laso'da lai hahapu-dadai mana dai lena ka dalek. Hu ndia de, halak maneme Manetualain mai a, nananakahapik nai dale nala dalek, de nalosa ta nabuna naboa fa.

AMSAL 19:15

Pelatua mangananalok-ka, ana taon-na hataholi-a sungu-sungu mesan, de mate'en-na, tou pelatua, neukose namala'a-namandoe.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

2 PETRUS 1:3

Manetualain pake koasa na, de Ana fe ita, basa hata fo ita paluun soaneu maso'da ndo sa. Ana tao dede'ak ndia, nanahu ita talelak Yesus fo nalo basa ita, soaneu ita tame'da tita matua-mademan ma dale malole na.

2 PETRUS 2:20

Hataholi mana malelak Amak Manetualain, ma ita Mana Soi-Tefan, Yesus Kristus soona, hataholi ndia natapo'i neme basa koasa daebafak fo mana tao nanggenggeo hataholi daebafa ka. Tehu metema neu fai makabuin fo lakahihi'ik la selu kana soona, neu mate'e na te, hataholi ndia ha'da-tataon mangalau na, lenaheni ha'da-tatao makasososa na.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus