2 PETRUS 1:6 - Susula Malalaok Hehelu Palak Ma Hehelu Beuk

⁶ ma fe'ek neme malelak ndia mai, emi boeo, muse paleta ma emi ao ina ma. Fe'ek neme paleta ao ina ka mai, ela leo bee na emi boeo, makatatakak nai lelek fo, emi masasale matak mo basa hata lala'ena. Ma fe'ek neme nakatatakak nai lelek fo emi masasale matak mo basa hata lala'ena, emi boeo muse maso'da tunga Manetualain hihii-nanaun.

2 PETRUS 1:6 Referans Kwoze

2 PETRUS 1:3

Manetualain pake koasa na, de Ana fe ita, basa hata fo ita paluun soaneu maso'da ndo sa. Ana tao dede'ak ndia, nanahu ita talelak Yesus fo nalo basa ita, soaneu ita tame'da tita matua-mademan ma dale malole na.

IBRANI 10:36

Paluu emi boso haelai mamanasa, fo ela emi hapu tao-no'i Manetualain hihii-nanaun, ma no enok ndia, emi sipo hata fo Ana helu ka.

LUKAS 21:19

Metema emi makatatakak ma ta haelai mamanasa fa soona, neukose emi maso'da.”

IBRANI 12:1

Naa, la'eneu ita mesa tala soona, nai ita boboa-kaisun hapu sakasii makadotok nanseli! Hu ndia de, mai fo ata tu'u-tapaheni basa hata fo ana tao nambela ita, ma basa sala-singok fo lakadita lahele ita. Ma mai fo no te'e-te'ek teu tunga nakasusu'di ka nde ita mata na.

1 KORINTUS 9:25

Hataholi fo bei nai nanoli ka dalek, nakatatakak aoina na nai basa dede'ak lala'ena dalek. Ana tao leondiak, nana ana hii ala bokolii bunga sesengi ka neu botolii na, fo nde bunga manamale lai-lai ka. Tehu ita ia soona, takatatakak aoina tala neme basa dede'ak lala'ena mai, nana ita hii nanabokoliik ninik bunga fo neukose ana ta male lai-lai fa.

TITUS 2:2

Manoli toulasi kala, fo daenga lakatatakak ao ina nala, manatee-tenok, boema laso'da sama leo hataholi fo nanda nanafe ha'da-holomata. Muse ala ho'u lahele nanoli ndoos fo, maneme Manetualai na mai, lasue-lalai ao no matetu-mandaak, ma lakatatakak nai doidoso ka dalek.

GALATIA 5:23

lanuu dale nakaloe-nakadaek, ma ala paleta labe'i ao ina nala tataas esa. Ta hapu agama esa boen, fo hoholo-lalanen ana kena-ka'i dede'ak leo sila kala fa.

NINITAK 14:12

Nai dede'ak ia dalek, Manetualain hataholi kamahehele manatunga Manetualain paleta nala, ma manalilineka neu Yesu sa, paluu lakatatakak.

NINITAK 2:2

Au bubuluk hata fo emi taon: Emi maue-male'di puselaipana ma emi makatatakak manseli. Au bubuluk emi ta tao dalek neu hataholi mangalau kala fa. Ma emi boeo so'ba basa hataholi fo manaku aoina na hataholi nadedenuk, te se'ko na ta, nana emi bubuluk mae sila masapepeko kala.

TITUS 1:8

Te muse hele hataholi fo, ana hii sipok hataholi leo nai uman no namahokok, ana hii ka'da tatao-nono'i malalole, nakatatakak na ao ina na, ana tao tunga ka'da ndo na, malao-malalafuk, ma mana ito-ato malole.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

2 KORINTUS 6:4

Nasafali na, nai basa hata lala'ena dalek, ami matu'du mae, ami nde bee na Manetualain ata nala. Nana basa toto'a-tataa mata-mata kala, ami la'ola'di basan no ta haelai mamanasa fa:

ROMA 8:25

Tehu metema ita tamahena hata esa, fo ita beita tita fan soona, ata boso haelai tamanasa fo tahani tahele.

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

HATAHOLI 24:25

Tehu lelek fo Paulus kokolak nakandoo la'eneu tao tunga ka'da ndo na, ma nakatatak nasa-melu ka, ma la'eneu huhukuk nai Fai Mate'e ka boema, Feliks bii nanseli de nafa'da Paulus nae, “O bole fali besak ia leona, fo au hapu fai loak soona, de'i fo au alo seluk o.”

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

MAZMUR 37:7

Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

NINITAK 13:10

“Hataholi fo muse nanatahan soona, tao leo beeo neukose nanatahan. Ma hataholi fo muse nanataonisak ninik tafaina soona, tao leo beeo neukose nanataonisak ninik tafaina. Hu ndia de, Manetualain hataholi kamahehele nala muse lakatatakak ma lilineka.”

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

2 PETRUS 3:11

Hu ka nde basa sila lala'ena, nanatao nakalulutuk ninik enok matak leondia ka, soona emi maso'da tao leo beek bai? Emi muse maso'da no ndoos ma malalaok,

IBRANI 6:15

Abraham nahani no ta haelai namanasa fa, de ana sipo hata fo Manetualain helu ka.

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

TITUS 1:1

Susulak ia neme au, Paulus. Au sulak susulak ia, da'dileo Manetualai natan ma Yesus Kristus hataholi nadedenun. Au nanahelek ma nananadenuk, soaneu au tulu-fali Manetualain hataholi kamahehele nala, fo ela ala da'di balakaik nai namahehele nala dalek. Au boeo muse hela-noles, fo ela lalelak nanoli ndoos fo agama nanoli kala.

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

1 TIMOTIUS 6:11

Tehu Manetualain nuun o de, o muse madook ao ma neme basa dede'ak sila la mai. Sanga enok fo daenga o da'di hataholi ndoos nai Manetualain matan, boema fe o so'da ma neu Manetualain, ma mamahele Kristus, sue-lai o nonoo hataholi ma, matea-mahele nai doidoso ka dalek, ma heo hilum mangana'uk.

1 TIMOTIUS 6:6

Memang agama nini hahapu matua ina, metema nai hataholi ndia dale nameme'da na, ndia hahapu-dadain sila la, dai so.

1 TIMOTIUS 6:3

See nanoli fe'ek neme nanolik ia la ma sila nanolin ndia, ta nandaa no ita Lamatuan Yesus Kristus nanoli ndo na ma ita agama na nanoli na fa soona,

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

1 TIMOTIUS 2:10

Te ela leo bee na, ina kala bubu'u-dada'a ao ina nala, ninik tatao-nono'i malole, fo besa ka nandaa ba'eneu inak fo, lamahehele neu Manetualai na.

1 TIMOTIUS 2:2

soaneu mane-mane kala, ma basa hataholi mana ho'u koasa lala'ena. Moke fo ela ita taso'da no nee nee-lino linok, mole-dame soaneu Manetualain, no ha'da-tatao matetu-mandaak.

2 TESALONIKA 3:5

Ela leo bee na, Lamatua ka hela-nole emi, fo daenga emi boetai malelak Manetualain susue-lalain neu emi a, boema Kristus fe emi be'ibalakaik fo emi hapu makatatakak nai basa dede'ak lala'ena dalek.

2 TESALONIKA 1:4

Hu ndia de, tao le'e de ami kokolak la'eneu emi, nai lelek fo ami meu donge-dama Manetualain salani nala. No namahokok, ami tuis tao tao leo beek de, emi mamahele mahele Kristus, nai fefepa-lili'uk ma doidosok fo emi la'oladi kala dalek.

YESAYA 57:1

Hataholi malole ma manatao tatao-nono'i malaole-a maten soona, ta hapu manabubuluk, do manataoafik neu fan. Mate basa soona, sila lala soe-a deak, ma sila hahaeaon no mole-dame.

KEJADIAN 5:24

Hu kande Hanok naso'da teik esa-dalek esa no Manetualain, de nalosa mopok-kana, nanahu Manetualain ho'i-nan.