2 KORINTUS 3:1 - Susula Malalaok Hehelu Palak Ma Hehelu Beuk

¹ Ade meten soona, nono'ka bai de ami koa-kio seluk ami aoina ma do? Do bole da'di ami paluu susula kokoa-kikiok soaneu emi, do neme emi mai, sama leo hataholi fe'e kala paluu ka do?

2 KORINTUS 3:1 Referans Kwoze

2 KORINTUS 12:11

Tete'e ka, au tao nono'ka bai sama leo hataholi nggoak so – tehu emi nde tao ma au da'di tao leondiak. Tunga ndo na, emi nde muse koa-kio au. Nana leomae au ta soa-ndaa hata esa boen, te au ta kala makandondook la'eneu hataholi nadedenuk fo nananita-nalelak sila la fa!

2 KORINTUS 10:12

Tao leo beeo, ami ta mapalani makasasamak do ami tao ami aoina ma, dedenak esa no hataholi fo lafa'da lae sila hataholi matua-madema la fa. Hataholi sila la, nggoa na seli! Ala tao aon ai uukuk fo ala uku seluk aoina nala.

2 KORINTUS 5:12

Ami kokolak mae leondia, tehu ami ta moke emi koa-kio ami. Ka'da ami nau fe emi ne'ek malole esa soaneu mamatutua-mamadedema neu ami, fo ela emi bubuluk, tao leo beek fo emi muse mataa hataholi fo ana mete ka'da hataholi a mata aon, te ana ta mete ha'da-paliin fa.

HATAHOLI 18:27

Basa boema Apolos dodoo nae, sanga neu leo Akhaya neu. Boema hataholi kamahehelek manai Efesu sala sulak fe tolanoo kamahehelek manai Akhaya la susulak fo ala sipok Apolos. De lelek fo Apolos losa Akhaya boema, tutulu-fafalin nananitak masosoa-ndandaak ba'eneu hataholi fo hu ka nde Manetualain susue-lalain de lamahele Yesus so.

1 KORINTUS 16:3

Mahani te metema au losa soona, neukose au adenu hataholi fo emi hele ma kala. Au fes susula la'o enok, fo ela lini doik sila leo Yerusalem leu.

2 KORINTUS 12:19

Bole da'di emi maedaenga dodoo basa ia, ami sanga enok masala'e ami aoina ma, la'eneu emi do? Emi dudu'a sala manseli! Manetualain bubuluk nae, basa hata fo ami mafa'dak ndia, nde bee na tunga Kristus hihii-nanaun. Ma basa hata fo ami tao-no'i ka nde bee na soaneu mafofo'a emi maso'da samane ma.

2 KORINTUS 10:8

Au ta bii-mae metema au muse amatutua-amadedema lena ba'u ka neu koasa fo Lamatua ka fe basan neu ami a, nana koasa ndia nanafek soaneu mafofo'a emi, te ta soaneu tao nakalulutuk fa.

2 KORINTUS 2:17

Ami ta sama leo hataholi makadotok, fo ala tao halak maneme Manetualain mai a, sama leo bua dangan. Ami dale tutu'u ma nde bee na neuisik, nana Manetualain nde ami. Ma Manetualain mesa kana nde nita ami manduku-malosak halak ndia da'dileo Kristus ata nala.

1 KORINTUS 10:33

Maso'da sama leo au leona. Au sanga enok, fo au tao amahoko basa hataholi lala'ena dale na, nai basa hata lala'ena dalek, ta no dudu'ak soaneu aoina ka paluu na mesa kana. Au dale tutu'u nga nde bee na ka'da, fo ela sila nanasoi-tefak.

1 KORINTUS 4:15

Nana au nde dadi emi amam, leomae da'dileo hataholi salanik, fafa'ka ma emi hapu mesen lifun sanahulu so. Nai emi maso'dam fo da'di esa mo Kristu sa dale ka, au nde da'di emi amam, nana au uni fe emi Hala Malole la'eneu Kristus.

1 KORINTUS 3:10

No Manetualain fe au malela ka de, au da'dileo ndolu uma malelaina, de au tao basa uma ndia fanderen na so, boema hataholi fe'ek nde nafofo'a uma ndia neu fanderen ndia lai na. Hataholi a esa-esak, muse taoafik matalolole, tao leo beek fo nafofo'a uma ndia neu fanderen ndia lain.

ROMA 16:1

Au hii fe emi malelak ita tolano inan, Febe. Nalalau-naoono nai salani Kengkrea la.

2 KORINTUS 10:18

Nana hataholi nanakoa-kio ka nde bee na hataholi fo Lamatua ka koa-kion, te ta nde hataholi fo ana koa-kio seluk aoina na fa.