2 KORINTUS 2:2 - Susula Malalaok Hehelu Palak Ma Hehelu Beuk

² Nana, metema au tao akahehe'dik emi soona, see ka nde kokoe-nanasi au, metema ta nde emi fo au akahehe'dik basa emi dale ma ndia fa do?

2 KORINTUS 2:2 Referans Kwoze

2 KORINTUS 7:8

Leomae au susula nga nini dale he'dik fe emi, tehu au ta asasaledale sulak susulak ndia fa. Memak nai lelek au bubuluk basa, au susulang ndia nakahehehe'dik emi dale ma leomae ka'da fai keke'uanak esa mesa kana, tehu au hihii ae asasale dale boe.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

ROMA 12:15

Mamahoko mo hataholi manamamahoko kala, ma kii mo hataholi manakii kala.

2 KORINTUS 11:29

Metema hapu nggelok tapandoe soona, au boeo ame'da tapandoe. Metema hapu nggelok tu'da leo sala-singo ka dalek leu soona, au dale nga nakalulutuk.

MATEOS 19:22

Tou muli-soluk ndia namanene dede'ak ndia boema ana la'o no dale he'dik, nanahu touanak ndia hataholi kamasu'i ina.