2 KORINTUS 1:9 - Susula Malalaok Hehelu Palak Ma Hehelu Beuk

⁹ nakalenak ami mame'dan sama leo ala huku lisa ami nde ndia so. Tehu dede'ak ndia ana da'di, fo daenga ami boso masalai neu ami be'i-balakai mesa ma, tehu ami masalai neu Manetualain fo manatao naso'da hataholi manamate kala.

2 KORINTUS 1:9 Referans Kwoze

2 KORINTUS 3:5

Ami ta manuu ne'ek hata esa boen soaneu ami mafa'da mae, ami mapalani tao-no'i ue-le'dis ia, tehu Manetualain nde fe be'i-balakaik ndia neu ami a.

IBRANI 11:19

Abraham namahele nae Manetualain nabe'i tao naso'da falik Isak neme mamate sa mai. Da'di bole tafa'da tae, Abraham name'da nana, nono'ka bai ana hapu falik Isak.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

AYUB 40:14

Soona neukose, Au koa-kio o, hu kande, o sengi menik, o be'i-balakai mesam-ma.

LUKAS 18:9

Yesus boeo tui nakandandaak ia neu hataholi fo ana mete hataholi fe'ek nai daeanak, tehu namahele aoina na mesa kana nde malole.

AMSAL 28:26

See dalen-na namatua neu hahapu mesan-na soona, ta nanuu dudu'a-aafi neulauk fa. See tunga hataholi manatee-tenok-ka, nanolin-na soona, neukose naso'da.

YESKIAL 33:13

Bole da'di, Au aheluk basa, Au sanga fe hataholi malole-a naso'da, tehu metema ana mulai tao sala-singok, nana namahena neukose ana hapu so'dak, nanahu makahulun-na, ana tao tatao-nono'i malole soona, ana dudu'a sala ndia. Au ta afandele ndia tatao-nono'i malole makahulun sila-la fa, de neukose maten, nanahu sala-singon-nala

MAZMUR 22:29

Nana Manetualain nde manakoasa, Ana paleta leoina-la.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

YESAYA 38:10

“Au afa'da ae, Au teunga besak-ka ba'e duak te, au muse la'o, fo au akababasak au maso'dang fo bei elak-ka, nai hataholi manamatek-kala daebafan-na.

ROMA 8:36

Nai Susula Malalaok dale nanasulak nae leoia, “Fai katemak esa ami maso'da nai susa-soe mamate sa dalek nanahu O. Ala tao ami sama leo bi'ilopo fo sanga do'don.”

2 KORINTUS 1:8

Tolano-tolanoo ngala lemin! Ami nau emi bubuluk la'eneu toto'a-tataak fo ami la'ola'din nai nusa Asia. Doidosok fo ami lu'a-lepak ndia, ana ne'e nambela ami de nalosa ami ta mamahena neukose maso'da so'ok;

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.