2 KORINTUS 1:4 - Susula Malalaok Hehelu Palak Ma Hehelu Beuk

⁴ Ana tao natea-nahele ami dale ma, nai lelek fo ami la'ola'di toto'a-tataa ka, fo ela no be'i-balakaik fo ami sipon neme Manetualain mai ndia, ami boeo hapu tao matea-mahele basa hataholi manai toto'a-tataa ka dalek.

2 KORINTUS 1:4 Referans Kwoze

1 TESALONIKA 5:11

Hu ndia de, ela leo been-na emi esa nanoli-nafa'da esa, ma esa natetea-nahehele esa, sama leo besak ia, emi tao ka.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YESAYA 40:1

O Manetualaim-ma, nafa'da nae leo ia, “Kokoe-nanasi, kokoe-nanasi, au leoinang-nga leona!

MAZMUR 32:7

O nde, au mamana nafuning-nga, O soi-po'i au neme toto'a-tataak-ka mai. Boema au eki ma amahoko-setelee, nana O soi-tefa-mala au so.

IBRANI 12:12

Hu ndia de, tao balakai emi limam mana ndole-ndaku mala, ma emi lungulanga mana delem ndia!

YOHANIS 14:18

Au ta la'oela emi mesa mala leobai ana maa ka fa. Neukose, Au mai akanini emi.

YOHANIS 14:16

neukose Au oke Ama ka fo Ana fe emi, Mana Tulu-Fali fe'ek esa, fo ana leo nakabubua no emi losa dodoo na.

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

YESAYA 52:9

Eeki-matadale leon, hai Yerusalem ai-batu manatapasasak-kala lemin, nana Manetualain kokoe-nanasi anan-nala, ma ana soi-po'i Yerusalem.

MAZMUR 32:5

Boema, au manaku au sala-singong neu O, ma au ta afuni au salang esa boen. Au ho'i nakeketuk, soaneu au manakun neu O, de O fe do'o do ampon neu basa au sala-singong-ngala.

1 TESALONIKA 4:18

Hu ndia de, ela leo bee na, emi esa natetea-nahehele esa dale na, ninik dede'ak ia la.

2 KORINTUS 7:13

Hu ndia de ami dale ma loa-loak mesan. Fe'ek neme ami dale ma loa-loak mesan, lena-lenak ami mamahoko hu ka nde ami mita Titus namahoko, nanahu emi kokoe-nanasim.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

MAZMUR 86:17

Ou Manetualain, fe au O dale malolem-ma ta'du-tanan, fo ela hataholi manamakamuu-makadau au-a, ala mae, metema lita O tulu-fali, ma kokoe-nanasi au.

MAZMUR 66:16

Mai leona, fo mamanene hai basa hataholi kamahehelek-kala lemin, fo au tui hata fo, Manetualain taon soaneu au.

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

FILIPI 1:14

Ma no au nanatahan ia de, nini fe hataholi kamahehelek ba'u ka nai kota ia, boetai lamahele Lamatua ka ma boetai lapalani tui benga Manetualain Hala Malole na.

2 KORINTUS 7:4

Au amahele emi te'e-te'e. Nakalenak bai, au amatutua-amadedema emi nanseli! Leomae ami la'ola'di toto'a-sosotak ba'u ka, tehu au hapu kokoe-nanasik ba'u ka, hu ka nde emi. Tete'e ka au dale nga namahoko!