2TAWARIKH 7:13 - Susula Malalaok Hehelu Palak Ma Hehelu Beuk

¹³ Metema Au ta fe u'dan-na mai do Au haitua lamak-ka mai soaneu la'aheni buna-boak manai daebafak-ka do Au fe he'di-laus neu Au anang-ngala,

2TAWARIKH 7:13 Referans Kwoze

ULANGAN 11:17

Metema, emi la'olena paleta sila-la soona, neukose Manetualain namanasa emi. Neukose Ana ta fe emi u'dan fa; fo emi daem-ma namatuu, nalosa mate emi bubu'u-palusam-mala. Soona, ta dooanak so'on te, emi mate nai dae maoe-maisik fo, Manetualain fen neu emi ndia.

NINITAK 11:6

Ala hapu koasa soaneu kena lalai fo u'da na boso mai nai lelek ala po'a-benga Manetualain dede'a-kokolan. Sila boeo koasa basa oemata la, fo ala tao lasafali oe da'di daak. Ma duas boeo lanuu koasa soaneu fepa daebafa ka ninik susa-soe mata-mata kala, faihi'da ndia boe sa'di ala nau taon.

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.

YOEL 2:25

Neukose Au nggati basa emi hata manamopom lala'en-na nai teu-teuk, fo lelek lamak-kala la'a heni emi keketu-kokolum buna-boan. Nana, Au nde haitua lamak bubua matuaina sila-la leo emi neu.

AYUB 12:14

Hata fo, Manetualain ofe henin, soona ta bisa nafofo'a falik-kana so'on, Manetualain tao see, da'di hataholi nanafook soona, ta nana po'ik so'on.

LUKAS 4:25

Tehu mamanene leona: te nai lelek Elia tepo-lele na, lelek u'dan ta teuk telu seselik dale na, boema la'a-ndoe matuaina da'di nai basa nusak a lala'ena. Nai lelek ndia, hapu inafalu makadotok nai Israel.

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

MAZMUR 105:34

No Manetualain paletan-na, de lamak-kala mai, dede'un-nala makadotok nanseli, de ta leke-nala fas

AYUB 11:10

Metema, Ana ho'un-na o, fo no o leo manakee-manafulan neu, soona see kande napalani napanggenggee Ndia?

BILANGAN 14:12

Neukose, Au tao amopo-amates nenik Au fe he'di laus madaik-ka la'es. Tehu, neukose Au tao o da'di amak, neme leoina esa matua lena, ma balakain-na lena henis!”

AMOS 4:7

Au kena-ka'i u'dan-na nai lelek emi bubu'a-palusam-mala paluu oe. Au akona u'dan leo kota esa neu, tehu kota fe'ek-kala ta. Tina esa hapu u'dan, tehu tina fe'ek-kala lamatuu.