2TAWARIKH 7:1 - Susula Malalaok Hehelu Palak Ma Hehelu Beuk

¹ Manek Salomo-a hule-haladoi basa boema, ha'i-a kona neme lalai mai de ana hotu tutunu-hohotuk fo nanafek neu Manetualain-na. Boema Manetualain mai de mangale'do-na henu Manetualain Uman ndia,

2TAWARIKH 7:1 Referans Kwoze

1RAJA-RAJA 18:38

Boema Manetualain haitua ha'i a neme lalai mai, de ana hotu naputu tutunu-hohotuk ndia no ai ha'i na, batu nala ma daen-na boema anan-nahaa nama'da oe manai oelolok ndia dalek-ka.

1 TAWARIKH 21:26

Boema Dauk napadedeik mei tunu-hotuk esa neu dia soaneu Manetualain, de ana fe tutunu-hohotuk nanatunuk, ma tutunu-hohotuk mole-dame. Basa boema ana hule-haladoi de Manetualain nataa hule-haladoin ndia nenik Ana haitua ha'i neme lalai mai de na'aheni tutunu-hohotuk manai mei tunu-hotuk ndia lain.

1RAJA-RAJA 18:24

Neme na fo nabi Baal-la sila-la hule-haladoi neu sila-lamatua daebafan-na, ma au boeo neukose hule-haladoi neu Manetualain. Fo bee ka nde nataa nenik Ana haitua ha'i mai soona, ndia kande Manetualain-na.” Basa laun-na lala'en-na lataa lapane'e lae, “Ami makaheik!”

YESKIAL 44:4

Basa boema, touk ndia noo au leo lelesuina kii, fo nasasalematak no Manetualain Uman-na. Au taoafik matalololen boema, au ita Manetualain mandela-masa'an poti-na Manetualain Uman-na, fo da'di ta'du-tana nae, Manetualain nai ndia. Boema au bala uu de, au sene-do'ok,

YESKIAL 43:5

Manetualain Duladalen-na, ana so'u-na au, de noo au leo uma so'dan manai dalek-ka neu; nai ndia, au ita Manetualain mandela-masa'an, poti-na Manetualain Uman-na.

KEJADIAN 15:17

Lelek le'odae boema, no kaiboik la'o esa masu-masu, ana to'da mai no obol manapilak, boema ala la'ok tunga paa bibiak sila-la tala'da.

HAKIM-HAKIM 6:21

Basa boema, Manetualain ata nusa so'dak ndia look liman-na neu, de ana due paa ma loti ndia, nenik ana ho'u aianak-ka pe'dan-na. Boema, batu ndia ana pila, de ha'i na'a heni paa ma loti ndia. Basa boema, ata nusa so'dak ndia, mopok-kana.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.

HATAHOLI 4:31

Ala hule-haladoi basa boema lakabubua lai mamana ka, nanggengo. Boema Manetualain Dula Dale na koasa na basa-basas de ala mulai kokolak no napalanik nanseli la'eneu halak maneme Manetualai na mai a.

DANIAL 9:20

Au hule-haladoi akandoo fo manaku au sala-singong ma au leoinang Israel sala-singon-nala, boema au dokodoe neu Manetualain fo au Manetualaing-nga, fo tao matalolole uma malalao-malalafun-na.

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

KELUARAN 29:43

Nai ndia nde, neukose Au atongo o leoina Israel-la, ma Au ndela-sa'ang neukose taon-na mamanak ndia da'di malalao-malalafuk.

KELUARAN 19:18

Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

MALEAKHI 3:4

Boema sama leo nai tepo-lelek makahulun-na, neukose Manetualain nahiik tutunu-hohotuk fo laun Yehuda, ma laun Yerusalem-mala tunu-hotuk-ka.

1RAJA-RAJA 9:1

Salomo napadedeik basa Manetualain Uman-na ma manek-ka uma manen-na boema basa hata fo ana tutu'un boema,

MAZMUR 26:8

Au sue-lai O Umam-ma, ou Manetualain, mamanak fo O leok-ka, henuk no matua-madema.