2TAWARIKH 5:2 - Susula Malalaok Hehelu Palak Ma Hehelu Beuk

² Basa ndia boema, Manek Salomo nadenu basa mauli-malanga leo-la ma teidale-bobongik-kala leme leoina Israel-la fo lakabubua nai Yerusalem soaneu ala laliheok Manetualain Peti Hehelu-balataan neme Sion, fo Kota Dauk-ka leo Manetualain Uman neu.

2TAWARIKH 5:2 Referans Kwoze

2 SEMUEL 6:12

Mane Dauk-ka namanene, lae Manetualain fe baba'e-papalak neu Obed-Edom teidalen-nala, ma hata-heton lala'en-na, nanahu Peti Hehelu-balataak ndia. Boema, neu leo Obed-Edom uman neu, de ana ho'in-na Peti-a, fo ana lali heok-kana leo Yerusalem neu, de ana tao feta matuaina.

2TAWARIKH 1:4

Tehu Manetualain Peti Hehelu-balataan nai Yerusalem nai Manek Dauk-ka tao pandopo dalek, fo nai lelek ana lalihenin neme Kiryat-Yearim mai.)

MAZMUR 87:2

Ana sue-lai-na Yerusalem ba'un-na seli, neme basa kota manai Israel-la.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

2TAWARIKH 5:1

Manek Salomo nafofo'a basa Manetualain Uman ndia boema, ana pe'da basa lilofulak, lilopilas, ma bua-lo'a fe'e-fe'ek fo aman Dauk fe basan neu Manetualain-na lai Uman ndia gudang-ngala dalek.

1 TAWARIKH 28:1

Manek Dauk-ka paleta fo ela basa mauli-malangan Israel-la lakabubua. Da'di basa maneleo, malangan teidale-bobongik, basa manamanea manek-ka ma anamanen-nala hata-heton boema bana-manun-nala – dede'a keke'un-na, basa uma manek-ka hataholi matua-mademan-nala, malanga solda'du matuaina-la ma hataholi nananita-nalelak-kala, fo basa-basas lakabubua lai Yerusalem.

1 TAWARIKH 26:26

Selomit no tolano ka'a-fa'din nala hapu bela-ba'uk neu basa tutunu-hohotuk fo Manek Dauk, malanga uma loo la, mauli-malangan teidale-bobongik, ma basa malanga solda'du matuaina la tunu-hotuk kala.

1 TAWARIKH 24:31

Soaneu sila-langganggatiaok bela-ba'un na, de malanga uma loo la esa-esak, sama-sama no fa'di toun esa hela lot sama leo hata fo sila tolano ka'a-fa'din nala taok-ka, fo nde basa imam fo Harun tititi-nonosin nala. Manek Dauk ka sama-sama no Zadok, Ahimelekh boema malanga uma loo la leme imam mala buaon na mai ma leme hataholi Lewi la buaon na mai, sakasii matan hehela lot ndia.

1 TAWARIKH 24:6

Eleazar tititi-nonosin ma Ipopo-tamar tititi-nonosin hela lot langganggatiaok, boema manasulak susulak esa na'de Semaya fo Netaneel, hataholi Lewi ndia, anan na, nde sulak sila na'den nala. Basa sila-la ala taon nai manek-ka matan sama-sama no hataholi mana'a ngga'di nala, Imam Zadok, Ahimelekh fo Abyatar anan na boema malanga uma loo la leme bubuak imam mala ma bubuak Lewi la malanga uma loon-na la mai.

1 TAWARIKH 16:1

Peti Hehelu-balataak ndia nanape'dak nai Lalaa Temak fo Dauk sadia basan soaneu Peti ndia so. Boema ala tunu-hotu fe Manetualain tutunu-hohotuk nanatunuk ma tutunu-hohotuk mole-dame.

1 TAWARIKH 15:25

Boema Dauk sama-sama no mauli-malangan Israel-la ma malanga solda'du matuaina la leu leo Obed-Edom uman leu fo ho'ileni Peti Hehelu-balataak ndia no feta matuaina.

1 TAWARIKH 15:12

Dauk nafa'das nae, “Emi nde been-na mauli-malanga teidale-bobongik nai leo Lewi dalek. Hu ndia de, ela leo been-na emi ma hataholi Lewi fe'ek kala tao malalao-malalafu aoina mala fo ela emi hapu laliheok Amak, fo Israel Manetualain na Peti Hehelu-balataan leo mamanak fo au sadia basan so.

2 SEMUEL 5:7

Boema, Dauk nafa'da solda'dun-nala nae, “Ade, hapu hataholi nai ia, nape'da dale nasak hataholi Yebus-sala, sama leo au ta ahiik-kasa boen do? Ta nahiik-kasa dai so, nalosa nahiik nanseli taonisas do? Metema leondiak soona, ata masok tunga oe lolok dale, fo ata sapu-ta, hataholi ei helak-kala ma hataholi pokek fo au ta ahiik-kasa sila fa.” (Hu ndia de, hataholi-la lafa'da lae, “Hataholi pokek ma hataholi ei helak, ta bole masok Manetualain Uman-na fa.”) Dauk hapu loso-na kota musu Sion-na, de nangatuu-nan. Ana foin na'de, “Kota Dauk” Kota ndia, napadeik nai kota musu ndia boboa kaisun, mulai neme pupukuk fo po'a lamademan nenik dae-a, boboan dulu.

BILANGAN 10:36

Ma nai lelek Peti Hehelu-balataak ndia losa mamana hahaeaon-na soona, Musa kokolak nae, “Fali maim-ma leon, ou Manetualain muu leo teidalek Israel fo lifu-lifun sila-la muu.”

BILANGAN 10:33

Leoina Israel-la la'oela basa Sinai, fo Manetualain lete leleon-na boema, ala la'ok faik telu dalen-na. Leni Manetualain Peti Hehelu-balataan, fo nakahuluk sila tataas esa, soaneu ana sanga fes mamana ofu.

IMAMAT 9:5

Leni Musa helu basa hata-la, leo lalaa Temak-ka matan-na neu, ma basa salanik lala'en fo lakabubua lai ndia soaneu ala sene-do'ok neu Manetualain.

1 TAWARIKH 15:1

Dauk napadedeik uman-nala nai kota Dauk ka, ma ana sadia mamanak soaneu Manetualain Peti Hehelu-balataa na, boema ana tao pandopo ba'eneu Peti ndia.

1 TAWARIKH 15:3

Boema Dauk naloo basa hataholi Israel-la lala'en-na mai leo Yerusalem mai, soaneu ala laliheok Manetualain Peti Hehelu-balataan leo mamanak fo ana sadia basan so.