2TAWARIKH 4:19 - Susula Malalaok Hehelu Palak Ma Hehelu Beuk

^19-22 Manek Salomo boeo nadenu tao bua-lo'a fe'ek neme lilopilas isik ka mai soaneu Manetualain Uman-na. Ana tao bua-lo'as sila-la nde ia: Mei tutunu-hohotuk Mei soaneu loti tunu-hotuk Basa banu eik-kala loo banun-nala neme lilopilas isik-ka mai soaneu nanade'dek nai Kama Malalao-Malalafuk Nanseli-a matan-na, nandaa no nanatutu'u basak-ka so Balias-balias fo nalupa bunga Banuk-kala Banu eik-kala Buas soaneu tao balisi banuk-ka tetelun-na Mango-la Pingak-kala soaneu boomenik Pingak-kala soaneu ha'ikaak Basa lelesu fo masok leo Manetualain Uman neu ma Kama Malalao-Malalafuk Nanseli-a lelesun-na nananakadiditak nenik lilopilas.

2TAWARIKH 4:19 Referans Kwoze

NINITAK 9:13

Basa boema, ata nusa so'da kane puu pupuu na. Boema au amanene hala ka mai neme mei lilopila tutunu-hohotuk manai Manetualain mata na bu'un has mai.

NINITAK 8:3

Ata nusa so'da fe'ek esa nini mango tutunu boominik lilopilas esa ana mai de napadeik neu mei tutunu-hohotu ka mata na. Ala fen boominik makadotok nanseli fo ana po'an neu basa Manetualain hataholi kamahehele nala huhule-haladoin fo ana tunu-hotus nai mei tutunu-hohotu lilopilas manai kandela mane ka mata na.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

YEREMIA 28:3

Nai teuk dua dalen ia neukose Au ho'i falik hata-heto maneme Au umang-nga, fo nanaho'i nenik neme anek Nebukadnezar-ra lo Babel neu-a.

2TAWARIKH 36:18

Manek Babel ndia loso neni la'iesak Manetualain Uman-na hata-heton, ma bua-lo'a kabelin-nala, manek-ka ma basa hataholi mana'a ngga'din-nala hata-heton boema nenis leo Babel neu.

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

1 TAWARIKH 28:16

soaneu tao mei neme lilofulak-ka mai, ma soaneu mei lilopilas fo mamanak sadia loti ba'eneu Manetualain.

2RAJA-RAJA 24:13

Nebukadnezar tao nakalulutuk la'iesak, Mane Salomo-a taon-na basa hata-heto lilopilas soaneu Manetualain Uman-na. Boema ala ho'i leni la'iesak, hata-heto kabelik manai Manetualain Uman-na, ma manai uma manek-ka, leo Babel neu. Basa sila-la, ala da'di, fo nandaa no hata fo, Manetualain nafa'da nakahuluk-kana so.

MATEOS 12:4

Dauk masok leo Manetualain Uman dale neu, boema na'a loti fo nanafe basak neu Manetualai na. Te se'kona tunga ita agama na hoholo-lalanen soona, nau Dauk do hataholi nala boeo, ta bole la'a loti ndia fa. Te ka'da imam ala, nde la'a loti ndia dei.

2TAWARIKH 2:3

Salomo haitua halak ia leo Hiram fo manek Tirus-sa nae, “Ela leo been-na Tuan dangan sama-sama moo au sama leo moo au amang Dauk. Tuan mase'o basa fen ai kaiou Libanon soaneu nafofo'a ndia uma manen-na.