2TAWARIKH 21:7 - Susula Malalaok Hehelu Palak Ma Hehelu Beuk

⁷ tehu Manetualain ta nau tao namate-namopo manek fo neme Dauk tititi-nonosin-na mai fa, nanahu Ana helu-balataa basa nae Dauk tititi-nonosin neukose ala paleta lahele.

2TAWARIKH 21:7 Referans Kwoze

1RAJA-RAJA 11:36

Tehu Au ela leo esa soaneu ndia, fo ela hapu hataholi esa neme Au atang Dauk tititi-nonosin mai, fo ana paleta soaneu Au nai Yerusalem tataas esa, kota fo Au hele basan da'dileo mamana hule-haladoik neu Au.

LUKAS 1:79

leondiak boe, Ana fe mangale'do na neu basa hataholi fo laso'da nai makahatu ka dalek ma bibii-namata'u ka. Ana hela-nole ita leo enok fo manaleo mole-dame neu.”

LUKAS 1:69

Ana fe ita manasoi-tefa balakai lea, Dauk fo ata na tititi-nonosin.

1RAJA-RAJA 11:13

Tehu Au ta loso-a nusak ndia lala'en-na neme o anam-ma mai fa. Hu kande Au atang Dauk, ma hu kande Yerusalem fo Au taon da'di Au kotang ndia so, de neukose Au ela leo esa soaneu o anamanem-ma.”

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

MAZMUR 89:39

Tehu besak ia, O mamanasa neu manek-ka, O tapa heni, ma O ta sipok O hele hataholi-a fa.

2TAWARIKH 22:11

Ahazia tolanoo inaanan esa na'de Yoseba fo ana sao imam esa na'de Yoyada. No denge-dengek, ana ho'i-na Ahazia anatoun esa na'de Yoas neme manek-ka ana-anan fo Atalya sanga taonisak-kala. Ni'iana ndia no inak fo manamasu'un-nana nai kama esa dalek nai Manetualain Uman. Eno-na leondiak, Yoseba soi-tefa-na ni'iana ndia, de nalosa Atalya ta taonisa fan.

2RAJA-RAJA 8:19

Tehu, Manetualain ta nau tao namopo-namate Yehuda fa, nanahu Ana helu basa neu atan Dauk, nae neukose tititi-nonosin, da'di manek lahele.

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

2 SEMUEL 21:17

Tehu Abisai, fo Zeruya anan-na, ana mai tulu-fali Dauk. Ana sapu-na hataholi ao matua ei madema ndia de, ana taonisan. Basa ndia boema, Dauk solda'dun-nala dokodoe, fo ela Dauk naheluk nae, neukose ana ta tunga nai natee-natatik dale so'on. Lafa'da lae, “Ama Manek nde been-na, Israel hataholi namahehenan, de boso nalosak, mopo Ama Manek neme ami mai.”

1RAJA-RAJA 15:4

Tehu, hu kande Mane Dauk ka, boema Manetualain fo Dauk sene-do'ok-ka, fe basa Abiam, ni'iana esa fo ana paleta nggatin nai Yerusalem fo nanea nahele kota ndia.

2RAJA-RAJA 8:24

Maten, de latoin nai mane-manek manai kota Dauk-ka mamana loo-laten. Boema, anan Ahazia, ana nggatin da'di manek.

2TAWARIKH 23:3

Ala lakabubua nai Manetualain Uman, de ala tao hehelu-balataak loo Yoas, fo manek ndia anan-na. Yoyada nafa'da nae, “Manek Ahazia manamate-ka anamanen-na nde ia! Besak ia muse ana nangatuuk kandela manek-ka, nana Manetualain helu-balataa basa nae Dauk tititi-nonosin neukose paleta lahele.

2TAWARIKH 6:16

O boeo helu basa neu au amang mae te'e-te'e tititi-nonosin tunga Au hoholo-lalaneng sama leo ndia, soona hataholi esa neme tititi-nonosin mai, neukose ana paleta da'di manek nai Israel losa dodoon-na. Besak ia, ou Amak fo Israel Manetualain-na, tao matetu basa hata fo O helun neu au amang Dauk fo O atam ndia boe.