2TAWARIKH 21:12 - Susula Malalaok Hehelu Palak Ma Hehelu Beuk

¹² Boema Yehoram hapu susulak esa fo Nabi Elia nde sulak-kana nai lelek ana bei naso'da. Susulak ndia liin-na nae leo ia, “Manetualain fo Dauk sene-do'ok-ka, huku Ama Manek nana Ama Manek ta tunga Ama Manek aman ma ba'in ei tata'bu-na fa.

2TAWARIKH 21:12 Referans Kwoze

2RAJA-RAJA 2:1

Fain-na losa, fo Manetualain sanga so'u Elia leo nusa so'dak-ka neu, nenik ani kutus-sa. Lelek ndia, Elia ma Elisa la'ok leme Gilgal mai,

DANIAL 5:5

No kaiboik, lita hataholi liman-na ana sulak hata esa nai uma manek-ka solosiun-na nai mamanak fo banuk-ka nasalaa la'en, nalosa manek-ka hapu nitan no mangale'dok.

YEREMIA 36:23

Yehudi bei lees basa dalak telu do haa te manek-ka kena nanalees basak ndia, nenik dope anak esa de ana tapan leo ha'i dale neu. Ana tao leondiak nakando losa susulak nanalunuk ndia nanahuto-heni la'iesak.

YEREMIA 36:2

“Ho'im-ma susulak nanalunuk esa, fo sulak-kana nai ndia basa hata fo Au afa'da basan neu o la'eneu Israel ma Yehuda, ma la'eneu basa leoina lala'en-na. Sulak ma laiesak Au hala-kokolang ndek lelek Au kokolak makasososang neu o-a nai manek Yosia paletan-na tepo-lelen-na losa faik ia.

2RAJA-RAJA 2:11

Duas beela'o, ma beekola lakandoo. No kaiboik, ndala maha'ik-ka, ana hela kaleta maha'ik esa mai, de ana si'da ba'e duas, boema ani kutus-sa so'u neni Elia leo nusa so'dak-ka neu.

1RAJA-RAJA 22:43

Sama leo aman Asa, Yosafat tao-no'i hata fo malole nai Manetualain mata memete na. Nai nusan dale, ana tao namopo basa ina touk manandolo lee fo manai mamana sene-do'ok neu sosongo-tatanok fo bei ela kala neme aman Asa tepo-lele na mai. Tehu sosongo-tatango kala mamanan-nala ana ta tao nakalulutu kasa fa. Laun-na bei ka'da fe tutunu-hohotuk ma boomenik nai naa. Yosafat tao na ofan-nala sama leo Tarsis ofan-nala fo ala ho'i lilopilas neme Ofir mai, tehu ofak sila-la ta da'di la'o fa, nanahu nalutus nai Ezion-Geber. Mane Ahazia neme Israel kokoe fo daenga ofa isin-nala la'o sama-sama loo Yosafat ofa isin-nala, tehu Yosafat ta sipok fa, leomae nanuu tututi-nanato malole no mane Israel-la. Basa boema mate Yosafat de latoin nai mane-manek manai kota Dauk ka late nala. Anan Yoram nggatin da'di manek. Tutui fe'ek la'eneu Yosafat, la'eneu palani tati batu na, ma natee-natati nala nanasulak nai Mane-manek Yehuda-la buku Tutuin dale. Nai tepo-lelek ndia, nusa Edom ma manen ta. Fo manapaleta manai naa, malanga nusak esa.

1RAJA-RAJA 15:11

Sama leo Dauk, fo ba'ikai na, Asa tao namahoko Manetualain dalen-na.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

2TAWARIKH 14:1

Mate basa Manek Abia de latoin nai mane-manek manai Kota Dauk-ka late mamanan-na boema, anamanen Asa nggatin da'di manek. No Asa paletan-na de nusak Yehuda tetu-temak teuk sanahulu dalen-na.