2TAWARIKH 19:6 - Susula Malalaok Hehelu Palak Ma Hehelu Beuk

⁶ ma ana fes paleta nde ia nae, “Tao hata esa nenik dudu'a-aafi manatee tenok, nanahu emi ta maketu-mala'di menik hataholi daebafak na'den fa, te nenik Manetualain na'de-na Ana taoafik besa-besa neu emi nai lelek emi maketu-mala'di dede'ak.

2TAWARIKH 19:6 Referans Kwoze

ULANGAN 1:17

Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

1 TAWARIKH 28:10

Mafandendelek matalolole mae Manetualain hele basa o soaneu mapadedeik uma hehelik ba'eneun. Nah, besak ia taon no hihii-nanauk matea-mahelek leona.”

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

HATAHOLI 22:26

Malanga solda'du matuaina ndia namanene dede'ak ndia boema, neu leo malanga solda'du neu de nafa'dan nae, “Ade ama sanga tao beek ia? Hataholi ia nusa Roma laun ndia!”

HATAHOLI 5:35

Basa boema nafa'da Mana Maketu-Mala'di Agama Matua Ina sila la nae, “Tolano-tolanook fo hataholi Israe lala lemin! Dodoo matalololen la'eneu hata fo emi sanga taon neu hataholi ia la.

LUKAS 21:8

Yesus nae, “Manea matalolole leona, fo boso nalosak ala ke'dindiu la emi. Hataholi ba'u ka neukose ala mai no ala pake Au na'de nga fo lafa'da lae, ‘Au nde Ndia!’ ma ‘Fai na losa so.’ Tehu emi boso tungas.