2TAWARIKH 16:12 - Susula Malalaok Hehelu Palak Ma Hehelu Beuk

¹² Asa paleta neu teu kateluhulu sio-na boema, ana hapu he'di belak nai ein duas. Leomae leondiak boe, ana ta sanga tutulu-fafalik neme Manetualain mai fa, te noke neme dotel-la mai.

2TAWARIKH 16:12 Referans Kwoze

YEREMIA 17:5

Manetualain nafa'da nae, “Metema hataholi la'o ela Au, fo ndia Manetualain-na, fo namahena neu ka'da hataholi daebafak-ka boema nasalai dean-na neu ka'da be'i-balakain soona, neukose Au huku.

2TAWARIKH 28:22

Nai maso'dak fo henuk no toto'a-tataak ndia dalek, Ahas boetai tao sala-singok neu Manetualain.

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

MARKUS 5:26

Nase'o basa hata-heto nala fo ana bae dote la, tehu dotel sila la esa boeo ta hapu tao nahai fan. Te he'di na boetai namabela nakandoo.

MARKUS 2:17

Yesus namanene hataholi sila natatanen ndia boema nataa nae, “Hataholi so'da-la'da ka ta paluu dotel fa. Ka'da hataholi kamahe'di kala dei. Au mai ta soaneu alo hataholi fo nafa'da nae ndia hataholi malole fa, te Au mai soaneu hataholi fo lafa'da lae, hataholi taidae ka dei.”

MATEOS 9:12

Yesus namanene hataholi sila la natatane na boema nataa nae, “Hataholi so'da-la'da ka ta paluu dotel fa, te ka'da hataholi kamahe'di ka dei.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.

KOLOSE 4:14

Dote Lukas, fo ita sue-lai ka, no Demas ala haitua fe emi, nate'ak boe.

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

YEREMIA 8:22

Beek-ka nde tataon, de nalosa, losa besak ia, au leoinang, beita lea-hai boen? Ade nai Gilead lala'en-na, ta hapu dote, do mo'do-akidook fa do?

AYUB 13:4

Nana, emi mafuni emi nggoam-ma, ma emi tipu-daim-ma, emi sama leo, hataholi malelak pepekok-kala.

KEJADIAN 50:2

Boema Yusuf nadenu hataholi fo ana lose mo'do-akidok neu Yakob popolan-na.

2TAWARIKH 16:13

Basa teuk dua boema maten.