2TAWARIKH 15:6 - Susula Malalaok Hehelu Palak Ma Hehelu Beuk

⁶ Leoina esa tuni-ndeni leoina esa, ma kota esa tuni-ndeni kota esa, nanahu Manetualain fe tasibu matuaina neu sila.

2TAWARIKH 15:6 Referans Kwoze

MARKUS 13:8

Neukose leoina esa natati no leoina esa. Nusaina esa natati no nusaina esa. Dae nanggengo, ma la'andoes da'di nai basa mamanak lala'ena. Basa sila la, besa ka makasososa na nde ndia. Sama na leo inak esa name'da he'di bobongi na.

MATEOS 24:7

Neukose leoina esa natati no leoina esa, ma dedeo esa natati no dedeo esa, neukose la'a-ndoe sa nai basa mamanak lala'ena, ma dae manggengo ka ana da'di.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

MAZMUR 106:41

Boema, Ana fe henis leo leoina fe'ek-kala neu, Ana po'ilotak musu koasas.

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

2TAWARIKH 13:17

Abia taon-nalas kala matuaina de solda'dun-nala sengi solda'du Israel-la; mate sila solda'du neulaun lifun natun lima.

2TAWARIKH 12:15

Tutuik la'eneu Rehabeam neme makasososan-na losa mate'e-na ma bei-ba'in tutuin-na nanasulak nai Nabi Semaya susula Tutuin dale ma nai Nabi Ido susula Tutuin dale. Nai Rehabeam ma Yerobeam tepo-lelen-na, natee-natati-ka ka'da ana da'di tataasesa.

YEREMIA 25:32

Manetualain Fo Manakoasa nafa'da nae, “Anin-na nadodolo neme pe'dak leu pe'dak neu; susa-soe tuni-ndeni leoina esa basa soona esa.”

YESAYA 19:2

Manetualain nafa'da nae, “Neukose Au afofo'a natee-natati tolanok-ka nai Masir: fo tolanok la'ban tolanok, titia-tataik la'ban titia-tataik, kota la'ban kota, nusak la'ban nusak.

HAGAI 2:22

Au tao akalulutuk nusa-nusak-kala, ma Au tao akalulutuk koasan-nala. Neukose Au fae alenga kaleta natee-nata'tin-nala loo hataholi manaho'un-nala; neukose mate basa ndalan-nala, ma hataholi manasa'ek-kala, esa taonisa esa.