2TAWARIKH 15:16 - Susula Malalaok Hehelu Palak Ma Hehelu Beuk

¹⁶ Basa boema Asa kaluaheni bein Maakha neme nangatutuun fo da'di leo Ina Manek nana ana taon-na dodoki-dudula sosongo-tatangok sosoa-piaok soaneu Asyera, fo lamatua dabafak inak fo manafe bubu'u-palusa lalole. Asa hea nabuu dodoki-dudulak ndia de ana tao nakalulutuk-kana, boema ana hotuhenin neme Bafak Kidron-na.

2TAWARIKH 15:16 Referans Kwoze

2RAJA-RAJA 23:15

Yosia boeo, ana tao nalutu mamana sene-do'ok manai Betel-la. Mane Yerobeam, fo Nebat anan-na, nde napadedeik-kana-manek fo, manataon-na hataholi Israel-la lasala-lasingo so. Boema, Yosia tao naba'e mei tunu-hotuk, fo mamana sene-do'ok ndia, de ana hotu henin, sama-sama no lamatua daebafa inak Asyera, dodoki-dudulan, neme ndia.

2RAJA-RAJA 23:6

Ana kalua heni Lamatua Daebafa Inak Asyera, dodoki-dudulan neme Manetualain Uman dale mai, de nenis leo kota deak neu, fo leo Bafak Kidron-na neu. Ana hotu heni dodoki-dudulak sila-la, neme Bafak Kidron-na, boema ana pau ha'i kaan-na, de sopuanak, boema ana nggali afun-na leo laun-nala mamana loo-laten neu.

1RAJA-RAJA 15:10

Ana paleta teuk haahulu esa dalen-na nai Yerusalem. Bein nde Maakha, fo Abisalom anan-na.

1RAJA-RAJA 15:2

ma ana paleta teuk telu dalen-na nai Yerusalem. Inan nde Maakha, fo Abisalom anan-na

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

MARKUS 3:21

Hataholi la lafa'da lae, “Namulu so!” Nai lelek fo uma isi nala lamanene dede'ak ndia boema, leu lala fali kana.

ZAKHARIA 13:3

Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

2TAWARIKH 34:7

Yosia tao nakalulutuk mei tunu-hotuk-kala ma lamatua daebafa Inak Asyera dodoki-dudulan nai basa Nusak Kii lala'en-na, ma ana tao nakalulutuk basa mei tunu-hotu boomenik-kala. Basa boema Yosia fali ne'un leo Yerusalem neu.

2RAJA-RAJA 23:12

Ana tao nakalulutuk basa mei tunu-hotuk, fo mane-manek Yehuda-la lapadedei-kasa, lai Manek Ahas-sa kama hahaeaon-na, lain. Yosia tao nakalulutuk Mane Manasye-a, napadedeik-na basa mei tunu-hotuk, manai Manetualain Uman-na, so'dan duas boe, de ana tapa henis leo Bafak Kidron-na neu.

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.

ULANGAN 9:21

Au tapa heni, emi taom-ma, sapi liti nanadoki-dulak-ka, leo ha'i dale neu. Boema, au tao akalulutuk-kana, ma au paun losa lutu-lutu sama leo afu-ka, boema au tapa heni afu ndia leo leeanak dale neu; lee anak ndia, ana faa neme letek ndia huun-na mai.

ULANGAN 7:5

Hu ndia de, tao makalulutuk leoina sila-la, mei tunu-hotun-nala, tao makalulutuk lutubatu sosongo-tatangon-nala, tao makalulutuk dii sosongo-tatangon-nala, ma hotu heni dodoki-dudula sosongo-tatangok fo ala sene-do'ok-ka.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

KELUARAN 32:20

Basa boema, ana ho'in-na hataholi Israel-la tao-la sapi nanadoki-dulak ndia de ana hotun, boema ana ha'bo nan lutu-lutu sama leo daesopuk, boema ana nggalin leo oe lain neu. Basa boema, nadenu hataholi Israel-la linun.

YOHANIS 18:1

Yesus hule-haladoi basa nae leondia boema, no ana manatunga nala leu leo lee Kidro na selik leu. Osi esa nai ndia, de Yesus no ana manatunga nala leu leo osi ndia dalek leu.

2TAWARIKH 15:17

Leomae leondiak boe, Asa ta tao nakalulutuk la'iesak mamana sosongo-tatangok manai nusak ndia fa, tehu nai fai maso'dan-na dalek, ana lilineka nahele neu Manetualain.

2RAJA-RAJA 23:4

Basa ndia boema, manek-ka paleta Imam Manai lain-na, fo Hilkia, basa imam manai Hilkia dae, ma basa manamanea Manetualain Uman-na lelesun-na, fo daenga ala kalua heni basa bua-lo'as fo, ala paken soaneu ala sene-do'ok neu Baal-la, neu lamatua daebafa inak Asyera, ma nduuk-kala, neme uma ndia dalek mai. Manek Yosia hotu heni basa bua-lo'as sila-la, neme kota deak, fo deka no Bafak Kidron-na, boema ana hulu nini afun-na, de ninin leo Betel neu.

2TAWARIKH 30:14

Basa mei tunu-hotuk manai Yerusalem fo nanapakek soaneu fe tutunu-hohotuk ma hotu boomenik fe lamatua daebafak-kala, ala ko'o-las de ala tu'uhenis leo Bafak Kidron-na dalek neu.