2TAWARIKH 11:4 - Susula Malalaok Hehelu Palak Ma Hehelu Beuk

⁴ “Boso matee-matati moo o tolanom hataholi Israel-la. Fali leon-na! Hata manada'di basak-ka nde bee na, Au hihii-nanaung ndia.” Boema basa-basas tunga Manetualain paletan-na de ala ta da'di latee-latati loo Yerobeam fa.

2TAWARIKH 11:4 Referans Kwoze

KEJADIAN 50:20

Emi malahalak basa soaneu tao mangalauk neu au, tehu Manetualain nggati mangalauk ndia nenik malole, fo ela no manada'dik makahulun ndia, hataholi maso'dak makadotok, hapu nanasoi tefak.

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

IBRANI 13:1

Ela leo bee na emi masue-malai ao mahele, da'dileo tolano-tolanook fo namahehelek esa.

HATAHOLI 7:26

Balahaa boema nita seluk hataholi Israel dua laki'duao, boema ana sanga enok fo ana mole-dame duas. Musa nafa'da duas nae, ‘Emi dua tolanoo kala. Ma tao le'e de emi dua maki'duao?’

HOSEA 8:4

Au anang-ngala hele manek, tehu ta latane Au hahapung-nga fa. Ala so'u mauli-malangan, tehu ta latane Au dale hihiing-nga fa. Ala ho'i sila lilopila lilofulan, fo ala tao dodoki-dudula sosongo-tatangok, fo mate'en-na neni nakalulutuk ba'eneu sila seluk.

MAZMUR 33:11

Tehu Manetualain dale tutu'un-na nakatatakak nahele, dale tutu'un-na, matea-mahelek losa dodo-na.

1RAJA-RAJA 22:36

Le'do sanga nae tenak boema, ala paleta solda'du Israel-la lala'en-na fo ala fali leo kota ma leo esa-esak nusan-na neu,

2 SEMUEL 2:26

Abner naloo bou-bou neu Yoab neme naa mai nae, “Ita muse tatee-tatati losa dodoon-na do? O ta mame'da mae natee-natatik ia, ka'da neni makahe'duk fa do? Ami ia, o tolanoom, fo ita leoina esa. O nau mahani losa faihi'da, fo besak-ka o paleta o solda'dum-mala, fo daenga ala hahae usi ami?”

KEJADIAN 13:8

Abram nafa'da Lot nae, “Ita ia, tolanook, de ta malole, metema o hataholim-mala, ma au hataholing-ngala, esa nale'a no esa.

2TAWARIKH 11:3

nanduku-nalosak hala heheluk ia neu Rehabeam ma neu basa hataholi manai leo Yehuda ma Benyamin-na dalek nae,