2RAJA-RAJA 24:3 - Susula Malalaok Hehelu Palak Ma Hehelu Beuk

³ Memak, dede'ak ndia muse ana da'di, nanahu Manetualain nafa'da basa, nae neukose leoina Yehuda, nanatu'u-tapa henik, neme Manetualain fes nusak-ka mai. Sila nanatu'u-tapa henik, hu kande Mane Manasye-a, tao basa sala-singok-kala;

2RAJA-RAJA 24:3 Referans Kwoze

2RAJA-RAJA 18:25

Emi maedaenga, ami sapu-ma emi, de ami sengi emi nusam-ma, ta no Manetualain tutulu-fafalin fa do? Manetualain nde nadenu ami sapu, ma ami tao makalulutuk mamanak ia!”

MIKHA 2:10

Fo'a fo la'o leona; te nai ia ta nee-nee lino-lino so'on. Emi sala-singom neni susa-soe maneni bibii-namata'uk-ka, nai mamanak ia so.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

YESAYA 45:7

Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

2TAWARIKH 24:24

Solda'du Siria-la dede'un-na ka'da lumanak mesan, tehu Manetualain po'ilotak-kasa sengi solda'du Yehuda-la fo dede'un-na makadotok nanseli, nanahu hataholi Yehuda-la ta taoafik neu Amak fo sila bei-ba'i kain Manetualain-na fa. No enok ndia, Manetualain huku Manek Yoas-sa.

YOSUA 23:15

Tehu, sama leo Ana tao natetu hehelu balataan lala'en-na, leondiak boe, tao leo bee-o neukose nakalala'ok huhukun lala'en-na soaneu emi.

ULANGAN 29:28

Manetualain nasa-melun fo'a nanseli, de nai nasa-melu matuainan ndia dalek, Ana usiheni leoina Israel-la neme sila nusan-na mai, de Ana tapas leo nusa dea neu, boema ala leo leme ndia.’

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KEJADIAN 50:20

Emi malahalak basa soaneu tao mangalauk neu au, tehu Manetualain nggati mangalauk ndia nenik malole, fo ela no manada'dik makahulun ndia, hataholi maso'dak makadotok, hapu nanasoi tefak.

YEREMIA 32:31

Nai lelek lafofo'a kota ia, laun-nala tao-la Au nasang-nga fo'a nan seli. Au aketu basa so, soaneu tao amate-amopos,

YEREMIA 52:28

Dede'un-na hataholi lifun haa natun nee. Nebukadnezar fuas nakatata'dak leoiak: nai teuk kahitun-na fo ana paleta ndia ana fua hataholi lifun telu dua huluh telu, nai teuk kasanahulu falun-na fo ana paleta ndia ana fua hataholi natun falu telu huluh dua neme Yerusalem manai teuk kaduahulu telun-na fo Nebukadnezar paletan-na ana fua hataholi natun hitu haahuluh lima.

YESKIAL 24:6

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Kota ndia, sama leo ulek-ka nalulutu, fo beita lose nita fan. So'deheni paa manai ulek ndia dalek-ka, biak esa-esa, fo boso ela biak esa boen.

2RAJA-RAJA 17:18

nalosa Manetualain namanasas nanseli, ma Ana ta taoafik-kasa so'on, Ana tu'u-tapa henis, neme Ana fes dae-a mai; de ela ka'da nusa Yehuda.

2RAJA-RAJA 17:20

boema Manetualain ta manaku basa hataholi Israel-la lala'en-na so'on. Ana hukus, ma ana fes leo sila musu-musun, fo ha'da hataholi taak-kala neu. Ana ta taoafik-kasa so'on, de Ana tu'u-tapa henis, neme Ana fes dae-a mai.

2RAJA-RAJA 17:23

nalosa mate'ena, Manetualain ta taoafik-kasa so'on, de Ana usi henis leme Ana fes dae-a mai. Manada'dik ndia, ana da'di, fo nandaa no Manetualain fes nasanene'dak, tunga atan-nala, fo nde basa nabi-la. Leondiak, hataholi Israel-la, nanafook leo mamana ookak-ka nai Asyur neu, de ala leo lain ndia losa faik ia.

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

2RAJA-RAJA 24:20

Manetualain namanasa nanseli no laun Yerusalem-mala, ma hataholi Yehuda-la, de nalosa, Ana ta taoafik-kasa so'on.

YESKIAL 22:3

Manetualain Fo Mademaina, nadenu au fo, anduku-alosak hala heheluk ia, neu Yerusalem nae, “O masala, nanahu o taomisa o laum makadotok so, ma o tao manggenggeo o aoinam-ma, nenik o sene-do'ok neu sosongo-tatangok fo, o tao-kala. Hu ndia de, o fai naketu-nala'dim-ma, ana deka so, fo no lai-laik, mopo o na'dem-ma. Au po'ilotak leoina-kala, ma basa nusak-kala, ala hakinonoli ma ala hika o.