2RAJA-RAJA 21:3 - Susula Malalaok Hehelu Palak Ma Hehelu Beuk

³ Aman Hizkia, tao nakalulutuk lamatua daebafak-ka mamana sosongo-tatangon-nala, ana nafofo'a falik-kasa. Ana tao mei tunu-hotuk, fo ana sene-do'ok neu Baal, ma ana tao Lamatua Daebafak Inak Asyera, dodoki-dudulan, sama leo Ahab, fo manek Israel-la tao-ka. Manasye sene-do'ok neu nduuk-kala boe.

2RAJA-RAJA 21:3 Referans Kwoze

2RAJA-RAJA 18:4

Ana tao nakalulutuk lamatua daebafak-ka mamana sosongo-tatangon-nala, ma ana tao natu'u batu lutun-nala, boema ana tao nalutu lamatua daebafak Inak Asyera, dodoki-dudulan. Boeo ana tao nakalulutuk menge liti, fo Musa taok-ka, fo loken lae Nehustan. Nana, losa lelek ndia, hataholi Israel-la, bei tunu boomenik fo fe ha'da-holomata neu menge liti ndia.

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

ULANGAN 17:3

ma paletan-nala nenik ana sene-do'ok ma amahele neu lamatua daebafak fe'ek-kala, do neu le'do-a, bulak-ka, do nduuk-kala,

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

MIKHA 6:16

Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

AYUB 31:26

Beita la'i esa fo, au sene-do'ok neu le'do-a, do bulak-ka boen.

2TAWARIKH 34:3

Yosia da'di manek teuk falu, fo nai lelek bei muli-soluk nanseli boema, ana mulai sene-do'ok neu Manetualain fo ba'in Manek Dauk-ka sene-do'ok-ka. Basa teuk haa boema, ana mulai tao nakalulutuk mamana sosongo-tatangok-kala, lamatua daebafa Inak Asyera dodoki-dudulan, ma sosongo-tatango fe'e-fe'ek-kala.

2TAWARIKH 32:12

Ndia de tao nakalulutuk mamana makaluku-makatele ma mei tunu-hotuk-kala soaneu Manetualain, boema nadenu hataholi Yehuda-la ma Yerusalem-mala sene-do'ok boema ala tunu boomenik nai ka'da mei tunu-hotuk esa.

2RAJA-RAJA 18:22

Basa boema, Asyur malanga solda'du manai lain ndia, nafa'da nae, “Do fafa'kama, emi mafa'da, mae emi mamahena neu emi Manetualain do? Nai lelek, Hizkia fe paleta, fo ela hataholi Yehuda-la, ma hataholi Yerusalem-mala, maso-kasasi ka'da nai mei tunu-hotuk manai Yerusalem-ma matan-na, ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain-na hetu?

2RAJA-RAJA 8:27

Hu kande, sasaon-na ndia, de Ahazia teidalen-nala, bisa latutik loo Mane Ahab-pa teidalen-nala. Ahazia nasala-nasingo neu Manetualain sama leo Ahab teidalen-nala, tatao-nono'in.

2RAJA-RAJA 8:18

Ana sao Ahab anan-na, de sama leo Ahab teidalen-nala tatao-nono'in, ndia boeo, nasala-nasingo neu Manetualain sama leo mane-manek Israel-la.

1RAJA-RAJA 18:26

Boema ala hele la sapi esa de ala sadia lan. Basa boema ala hule-haladoi neu Baal-la neme fafain ndia losa le'dohana no ala nggasi-nggasi mesan lae, “Mataa ami leon, Baal-la!” Ala tao dede'ak ndia no ala foti longe okofefeok sila mei tunu-hotu na. Tehu ta hapu hala natataak makandondook fa.

1RAJA-RAJA 18:21

Boema Elia neu deka no laun sila-la de nafa'das nae, “Emi dalem-ma naba'e nahele losa faihi'da? Metema Amak ndia Manetualain soona, sene-do'ok Manetualain leona! Metema Baal-la ndia Manetualain soona, sene-do'ok Baal-la leona!” Laun mana lakabubua lai ndia, ka'da bedenge.

ULANGAN 16:21

Metema, emi tao fe emi Manetualaim-ma mei tunu-hotuk soona, boso tao ai nanadoki-dulak sosongo-tatangok fo nalupa Asyera mata aon, neu boboan-na,

ULANGAN 17:2

Metema, emi mamanene, lae nai emi kotam esa, hapu hataholi tao sala-singok neu emi Manetualaim-ma, nanahu ana la'olena hehelu-balataak-ka,

ULANGAN 20:18

Taomisas, fo ela ala boso tao-la emi, masala-masingo neu emi Manetualaim-ma, nenik lanoli emi tao tatao-nono'ik fo nanamaluak, ba'eneu sila lamatua daebafak-na.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

2RAJA-RAJA 13:6

Leomae leondiak boe, hataholi Israel-la, ta hahae tao sala-singok-ka fa, fo mane Yerobeam-ma nde mulai nakahuluk-ka. Ala tao lakandoo sala-singok sila-la, ma ala po'ilotak lamatua daebafa Inak Asyera, dodoki-dudulan nahele neme Samaria.

YESAYA 65:11

Tehu hataholi fo, manala'oela Au-a, ma ta manataoafik neu Sion, fo Au pupuku malalao-malalafung-nga, fo manatunu-hotu nana'ak fe Gad ma Meni, fo lamatua daebafak maneni nanalak ma ua-nalek-ka, hataholi sila-la, ua-nalen ta leondiak fa.