2RAJA-RAJA 2:4 - Susula Malalaok Hehelu Palak Ma Hehelu Beuk

⁴ Basa boema, Elia nafa'da Elisa nae, “Mahele neme ia, te Manetualain nadenu au u leo Yerikho u.” Tehu Elisa nataa nae, “No Manetualain fo maso'dak-ka na'den-na, ma Ama samanen-na, neukose au ta la'o ela Ama fa.” Da'di duas la'ok lakandoo leo Yerikho leu.

2RAJA-RAJA 2:4 Referans Kwoze

2RAJA-RAJA 2:2

de nai eno tala'dak, Elia nafa'da Elisa nae, “Mahele neme ia, te Manetualain nadenu au u leo Betel u.” Tehu Elisa nataa nae, “No Manetualain fo maso'dak-ka na'den-na, ma no Ama samanen-na, neukose au ta la'oela Ama fa.” Da'di, duas la'ok lakandoo leo Betel leu.

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”

LUKAS 19:1

Lelek Yesus losa Yerikho, boema Ana la'ok nakandoo de Ana la'ok seli kota ndia.

2RAJA-RAJA 4:30

Boema, inak ndia nae, “Ama Elisa! No Manetualain fo maso'dak-ka na'den-na, ma no Ama samanen-na, neukose au ta la'oela Ama fa!” Hu ndia de, Elisa sama-sama no inak ndia, leu leo inak ndia uman leu.

1RAJA-RAJA 16:34

Nai tepo lelek fo Ahab paleta, Hiel fo hataholi Betel ndia napadedeik falik kota Yerikho-a. Tehu sama leo hata fo makahulun-na Manetualain nafa'dan tunga Yosua fo Nun anan-na nae, neukose mate Hiel anan dua fo nde: Abiram fo uluk-ka, maten nai lelek Hiel pe'da kota ndia batu makasososan-na, ma Segub fo muliana ka maten nai lelek Hiel pasak kota ndia lelesuinan-nala.

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.

HATAHOLI 2:42

Ala tunga Lamatua ka hataholi nadedenu nala nanoli nala tunga faik, no manggatek. Lakabubua tataas esa, ma la'a-linu leu esa, ma ala hule-haladoi sama-sama.

SEMUEL SUSULAK-KA ESAN-NA 1:26

Hana nafa'da Eli nae, “Ampon Ama. Ama bei mafandendelek au do ta? Au ia, inak fo Ama nita hain napadeik neme ia, fo hule-haladoi neu Manetualain.

YOSUA 6:1

Nai kota Yerikho, lanea lahele lelesuinan-nala so, ma ala kena laheheles, fo ela hataholi Israel-la ta hapu masok leo dalek leu fa. Ala ta fe hataholi esa boen, bole masok, do kalua kota ndia fa.

RUT SUSULAN-NA 1:16

Tehu Rut nataa nae, “Ina, Ina boso madenu au fali u'ung-nga, fo au la'oela Ina! Au nau tunga o Ina. Ina leo bee neu soona, au u leo ndia u. Ina leo nai bee soona, au leo nai ndia boe. Ina leoinan-na, au leoinang boe. Ina sene-do'ok neu Manetualain-na, neukose au sene-do'ok-kana boe.