2RAJA-RAJA 2:3 - Susula Malalaok Hehelu Palak Ma Hehelu Beuk

³ Nabi bubuak esa, ala leo lai ndia, de leu latongo loo Elisa, boema latane lae, “Ade, o bubuluk faik ia, o tuam-ma, neukose ana la'o ela o, nanahu Manetualain so'un leo nusa so'dak-ka neu do ta?” Boema Elisa nataa nae, “Hei au bubuluk, tehu le'on-na leona, ata boso kokolak dede'ak ndia.”

2RAJA-RAJA 2:3 Referans Kwoze

2RAJA-RAJA 4:38

La'i esa boema, la'a-ndoes-sa, ana da'di nai basa nusak-ka lala'en-na. Boema Elisa fali ne'un leo Gilgal neu. Lelek ana bei nanoli nabi bubuak esa, te nadenu atan-na ho'i-na uledae matua esa, fo ana do'de-nasu sila nana'a-nininun.

2RAJA-RAJA 4:1

Faik esa boema, nabi manamatek esa, soainan-na neu leo Elisa neu, de nafa'da nae, “Ama, au saotoung-nga maten so! De Ama bubuluk, mae ndia boeo, hataholi manatunga Manetualain boe, tehu nahuta hataholi esa. Besak ia, hataholi ndia, ana mai fo ana ho'i-na au anang duas, fo ana taos da'di ata, fo ketu au saotoung-nga huta-bu'un.”

2RAJA-RAJA 9:1

Nai lelek ndia, Elisa naloo hataholi esa, neme basa nanoli nabi-la mai, de nafa'da nae, “Mahehele aom, fo muu leo Ramot nai Gilead muu, ma ho'i meni boto mina setun-na nai dalek ia.

1RAJA-RAJA 20:35

No Manetualain paletan-na, de nabi esa nadenu nono nabin esa fepa ndia. Tehu nonon ndia ta nau fa.

HATAHOLI 22:3

“Au hataholi Yahudi, bongi au neme Tarsus nai nusa Kilikia, tehu au amatua nai Yerusalem, de mese matuaina esa na'de Gamaliel, nanoli lutu-lutuk au, Musa fe ita bei ba'ikai nala, hoholo-lalane kala. Sama leo tolano-tolanook fo faik ia manai ia la, au boeo puse nga titi te'e-te'e neu Manetualain.

YESAYA 8:18

Au ma Manetualain fe au anak-kala nde ia. Manetualain Fo Manakoasa, paleta nai Pupuku Sion-na, nadenu au da'di ta'du-tana soaneu hataholi Israel-la.

2RAJA-RAJA 5:22

Gehazi nataa nae, “Ampon Tuan, au nananadenuk, fo au afa'da Tuan, ae besak-ka nabi muli-soluk 2, ala mai leme nusak manai letelepak Efraim-ma mai. Au Ama Manek noke, fo ela Tuan fe doifulak 3.000, ma bua-lo'a papake mana'ahiik, pasang 2, soaneu nabi ka duak sila-la.”

2RAJA-RAJA 2:15

Nabi ka limahuluk, fo manai Yerikho sila-la, litan boema, lafa'da lae, “Elia koasan-na, lali leo Elisa neu so!” Boema, ala mai, de ala senek leu matan-na,

2RAJA-RAJA 2:7

de nabi 50 tunga duas. Boema, Elia ma Elisa late'e leme lee su'un-na, ma nabi ka limahuluk sila-la, lapadeik ta dook-ka leme duas mai fa.

2RAJA-RAJA 2:5

Nabi bubuak esa, ala leo lai ndia, de leu latongo loo Elisa, boema latane lae, “Ade, o bubuluk nai faik ia, o tuam-ma, neukose ana la'o ela o, nanahu Manetualain so'un leo nusa so'dak-ka neu do ta?” Elisa nataa nae, “Hei, au bubuluk, tehu le'on-na leona, ata boso kokolak dede'ak ndia.”

1RAJA-RAJA 18:4

Nai lelek Isebel taonisa Manetualain nabin-nala, Obaja ia tulu-fali na nabi natun esa nenik nafunis leme leak dale fo hataholi limahulu soona lai leak esa dalek – boema ana fes la'a linu.)

SEMUEL SUSULAK-KA ESAN-NA 19:20

Hu ndia de, Saul nadenu hataholi de'ubee, leu ho'u Dauk. Tehu hataholi ia-la, lita nabi bubuak esa, ala foti-longe ma ala eki sama-sama, fo Semuel nde da'di mauli-malangan. Boema, Manetualain Duladalen-na, koasan-na basa Saul nadenu hataholi-la, nalosa sila boeo, mulai foti-longe ma ala eki.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

SEMUEL SUSULAK-KA ESAN-NA 10:5

Basa ndia soona, o muse muu leo Manetualain pupukun-na nai Gibea, fo hataholi Filistin-nala mamana ofun-na. Nai lelesu masok leo kota dale neu, neukose o matongo moo nabi bubuak esa, kona leme pupukuk tutunu-hohotuk lain mai. Ala foti-longe ma ala eki beekao, lakaminak gambus, rebana, seruling ma kecapi.

2RAJA-RAJA 6:1

Faik esa boema, Elisa nanoli nabi-la, ala haladoi neu Elisa lae, “Ita mamana leleon-na, makabi'anak nanseli!

AMOS 7:14

Boema Amos nataa nae, “Au ta nde nabi fo ana tui-benga soaneu hapu doik fa. Tunga ndoon-na, au hataholi manamakaboboi bana-manu ma manaseu kaa boak.