2RAJA-RAJA 16:3 - Susula Malalaok Hehelu Palak Ma Hehelu Beuk

³ So'da-na sama leo mane-manek Israel-la, nakalenak ana tunu-hotu anamanen-na, da'di leo tutunu-hohotuk neu lamatua daebafak-ka, fo tunga tatao-nono'i manggenggeok-ka, neme hataholi fo Manetualain usihenis, leme nusa Kanaan-na, nai lelek hataholi Israel-la masok nusak ndia.

2RAJA-RAJA 16:3 Referans Kwoze

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

IMAMAT 18:21

Boso fe o anam esa, fo tunu-hotun nai sosongo-tatangok Molokh-ka dalek, nanahu tatao-nono'ik ndia, tao nakadadaek o Manetualain na'den-na.

2RAJA-RAJA 21:2

Manasye nasala-nasingo neu Manetualain, nanahu ana tunga ha'da-tatao mangalauk-ka, neme leoina fo Manetualain usihenis leme Kanaan mai, nai lelek, hataholi Israel-la masok nusak ndia.

2RAJA-RAJA 21:11

“Manek Manasye-a mangalauk nanseli. Tatao-nono'in mangalauk nanseli, lena heni hataholi Kanaan-nala tatao-nono'in. Hu kande, ana taon-na sosongo-tatangok-kala, de ana taon-na hataholi Yehuda-la, lasala-lasingo.

2RAJA-RAJA 17:17

Ala tunu-hotu anan-nala, da'di leo tutunu-hohotu nanatunuk, soaneu lamatua daebafak-ka. Ala pake malela makahatuk, ma loke natutu'duk leme hataholi malelak, fo latuti-lanatok loo dula dalek-kala. Ala manggate lanseli, no tao-no'i tatao-nono'ik, fo ta tao namahoko Manetualain dalen-na fa,

YESKIAL 20:31

Nakalenak losa besak ia boe, emi tao manggenggeo emi aoinam-mala nenik, emi bei meni tutunu-hohotuk, ma emi tunu-hotu emi anam-mala, da'di leo tutunu-hohotuk neu sosongo-tatangok-kala. Boema, emi bei mapalani, moke natutu'duk neme Au mai? No Au, Manetualain fo maso'dak-ka na'den-na, neukose Au ta fe emi loak, fo moke natutu'duk neme Au mai fa.

YESKIAL 20:26

Au po'ilotak-kasa, fo ala tao langgenggeo aoinan-nala nenik, sila tutunu-hohotu mesan-nala, nakalenak bai, ala tao anatou ulun-nala, da'di tutunu-hohotuk. No enok ndia de Au hukus, fo ela ala bubuluk lae Au nde, Manetualain-na.

YESKIAL 16:47

Ade, o dalem-ma tesa-tama, tunga sila ei tata'bun-na, ma o na'da sila tatao-nono'in nanamaluak ndia de, dai so do? Beik! Ta dook-ka so'on te, nalutu o lena heni sila bai.

YESKIAL 16:21

Ade, o muse ho'i-ma Au anang-ngala boe, fo o tunu-hotu fes neu sosongo-tatangok do?

YEREMIA 32:35

Ala tao mei tunu-hotuk soaneu Baal-la nai Bafak Hinom, ma ala tunu-hotu anan-nala neu lamatua debafak Malokh. Te sekona Au beita adenus ala tao dede'ak ndia lai esa boen, nakalenak beita da'di nai Au dudu'ang dale lai esa boen nae, neukose ala tao tatao-nono'i mangalauk ndia, de tao-la hataholi Yehuda-la lasala-lasingo.”

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

2TAWARIKH 33:2

Ana nasala-nasingo neu Manetualain, nanahu ana tunga ha'da-tatao mangalauk neme leoina fo Manetualain usihenis leme Kanaan mai, nai lelek Israel masok nusak ndia.

2RAJA-RAJA 23:10

Ana tao nanggenggeo Tofet, fo mamanak sene-do'ok neu lamatua daebafak, manai Bafak Hinom-ma. No enok ndia, ta hapu seluk hataholi, fo ana tunu-hotu anan-na, da'di leo tutunu-hohotu nanatunuk, soaneu Lamatua Daebafak Molokh-ka so'on.

2RAJA-RAJA 21:6

Ana tunu-hotu anan-na, da'di leo tutunu-hohotuk nanatunuk. Manasye boeo, ana tao tunga hataholi malelak-kala, manasiula-tongonok-kala tatao-nono'in, ma noke natutu'duk neme dula dalek-kala mai. Nasala-nasingo nanseli neu Manetualain, nalosa ana tao nafo'a nasa-melun.

2RAJA-RAJA 8:18

Ana sao Ahab anan-na, de sama leo Ahab teidalen-nala tatao-nono'in, ndia boeo, nasala-nasingo neu Manetualain sama leo mane-manek Israel-la.

1RAJA-RAJA 14:24

Nai mamanak sila-la ala tao tatao-nono'i sosoa-piaok da'dileo sosongo-tatangok neu lamatua daebafak-ka. Nakalenak touk-kala boeo hapu bela-ba'uk da'dileo mana sosoa-piaok. Hataholi Yehuda-la tao basa tatao-nono'i manggenggeok fo nanatao-no'ik neme leoina fo Manetualain usihenis nai lelek hataholi Israel-la masok leo nusak ndia dalek leu.

ULANGAN 18:10

Nai emi dalek, ta bole hapu hataholi esa boen, ana tunu-hotu anan-na, da'di leo tutunu-hohotu nanatunuk fa. Ma ta bole hapu hataholi esa boen, ana da'di hataholi manasiula-tongonok, manasanga ta'du-tana, manapake dede'a-kokolak fo nakahahaik hataholi kamahe'dis, do

IMAMAT 20:2

nafa'da dede'ak ia neu leoina Israel-la nae, “Hataholi see, fo nai emi dalek, do hataholi nusa dea, fo ana leo nahele no emi, metema ana tunu-hotu anan-na soaneu nitu Molokh-ka soona, basa laun-na lala'en-na, muse tapan nenik batu losa maten.

2RAJA-RAJA 17:8

ma ala tunga ha'da tataok neme leoina, fo Manetualain usi henis nai lelek leoina Israel-la, ala tutulumatak, fo latee-lata'ti loo leoina sila-la. Leoina Israel-la tunga ha'dak, fo mane-manek Israel-la laketuk-ka,

2RAJA-RAJA 17:19

Hataholi Yehuda-la boeo, ta tunga sila Manetualain hoholo-lalanen-nala fa. Ala tunga hataholi Israel-la, ha'da-tataon,

MIKHA 6:7

Ade, neukose Manetualain namahoko, metema ita teni fen bi'ilopo lifu-lifun, do mina setun makadotok do? Ade, ita muse fen, ita ana ulun-na da'dileo manasoi-manatefa neu ita sala-singon-nala do?

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

2RAJA-RAJA 21:9

Tehu, hataholi Yehuda-la ta tunga Manetualain fa, ma nakalenak, hu kande Manasye, de ala tao sala-singok, fo mangalaun-na lena heni sala-singok fo nanatao-no'ik neme leoina fo, Manetualain usi henis leme Kanaan mai, nai lelek hataholi Israel-la masok kota ndia.

YESAYA 57:5

Emi sene-do'ok neu lamatua daebafak fo, manafe dae-a nalole, nenik emi po'ilotak emi dale hihiim-ma, neni emi aoinam-ma leo emi ai manitum-mala huun-na neu. Emi matoi-matono emi anam-mala, lai bafak manai lee-la, ma nai batu-la lelan-nala.