2RAJA-RAJA 11:4 - Susula Malalaok Hehelu Palak Ma Hehelu Beuk

⁴ Neu teu ka hitun-na boema, Imam Yoyada naloo basa ina manek-ka manamanean-nala, malanga solda'du manai lain-nala, ma basa uma manek-ka, manamanean-nala, fo latongo loon nai Manetualain Uman. Nai naa, nadenus fo ala soo-supa, fo lakala'ok ndia dale tutu'un-na. Ana natu'du fes Yoas, fo Mane Ahazia anamanen-na,

2RAJA-RAJA 11:4 Referans Kwoze

2RAJA-RAJA 11:19

boema ndia sama-sama no basa malanga solda'du manai lain-nala, basa manamanea manek-ka, ma basa manamanea uma manek-ka, boema basa laun-na lala'en-na, la'ok loo Mane Yoas-sa, neme Manetualain Uman-na, leo uma manek-ka neu. Yoas masok tunga Lelesuina Manamanea, boema nangatuuk neu kandela manek lain.

2RAJA-RAJA 11:9

Basa malanga solda'du manai lain sila-la, ala tunga Yoyada paletan-na, de leni fen, sila solda'du anan fo, muse lanea, ma manahahae naneak-ka, nai fai sabat ndia dalen-na.

2TAWARIKH 15:12

Ala tao hehelu-balataak neu Manetualain lae no dale katematuak ma sila aopaa samanen, neukose laso'da tunga Amak, fo sila bei-ba'i kain-nala Manetualain-na.

2RAJA-RAJA 11:17

Imam Yoyada, nadenu Mane Yoas-sa, ma laun-na, fo ala tao hehelu-balataak loo Manetualain lae, neukose sila da'di Manetualain Anan. Nadenu manek-ka, fo ana tao hehelu-balataak no laun-nala boe.

HATAHOLI 5:26

Boema solda'du la malanga matuan mana manea Amak Manetualain Uma na, sama-sama no mana manea nala de leu lala falik Lamatua ka hataholi nadedenun sila la. Tehu ala tao balakaik neu fas, nana ala bii hataholi makadoto kala; boso nalosak hataholi makadotok sila la ala tapas linik batu.

HATAHOLI 5:24

Lelek malanga matuaina mana manea Amak Manetualain uma na ma malanga ima mala lamanene hala nafafa'dak ndia boema lapangamak la'eneu hataholi nadedenuk sila la, ma ala bii neu hata fo neukose ana da'di so.

NEHEMIA 10:29

Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.

NEHEMIA 9:38

Hu ka nde manada'dik sila lala'en-na, de ami laun Israel-la tao hehelu-balataak matea-nahelek ma nanasulak, ma ami cap-pana nenik ami mauli-malangam fo hataholi Lewi-la, ma ami imam esa cap-pa.

NEHEMIA 5:12

Boema basa mauli-malangan sila-la lataa lae, “Neukose ami tunga nanoli-nafa'dak ndia. Neukose ami fe falik la'iesak-kasa, ma ami ta makasetis fo ala bae hata esa boen.” Boema au aloo basa imam-mala, ma au adenu mauli-malangan naka'sa soo-supa nai imam-imam sila matan, lae hata fo sila kokolak-kana ndia, tete'ek-ka neukose ala tao latetun.

2TAWARIKH 29:10

Besak ia au nau emi tao hehelu-balataak moo Amak, fo Israel Manetualain-na, fo ela Ana boso boe namanasa ita bai.

1 TAWARIKH 9:13

Basa imam manada'di malanga uma loo-a, basa-basan hataholi 1.760. Hataholi sila tao lalelak basa tatao-nono'i mata-matak lala'en-na nai Manetualain Uman.

1RAJA-RAJA 18:10

No o Amam Manetualain fo maso'dak-ka na'den-na, au afa'da ae manek-ka nadenu basa au sanga Ama nai mamanak lala'en-na. Metema nai nusak esa manakoasan-nala lafa'da lae Ama ta nai naa fa soona, Ahab nakasetis fo ela nusak ndia manakoasan-nala soo lae memak Ama ta nai ndia fa.

SEMUEL SUSULAK-KA ESAN-NA 23:18

Basa boema, Dauk no Yonatan tao hengenee-balataa tia-laik nai Manetualain matan. Basa boema, Yonatan fali ne'un leo uman neu, te Dauk leo nahele neme Hores.

SEMUEL SUSULAK-KA ESAN-NA 18:3

Hu ndia de, Yonatan soo, neukose ana tao tia-laik no Dauk losa dodoon-na.

YOSUA 24:25

Boema nai faik ndia, fo nai Sikhem, Yosua tao hehelu-balataak no hataholi Israel-la; ma nai ndia boe, ana fes hoholo-lalanek ma nakanenetek fo ala muse tungan.

KEJADIAN 50:25

Boema Yusuf nadenu basa tolanoon-nala soo-supa. Nae, “Maheluk moo au, mae metema Manetualain hela-nole emi leo nusak ndia meu soona, emi mude meni au popolang-nga boe.”

2 SEMUEL 20:23

Dauk so'u manapaleta manai lain-nala nde ia: Solda'du Israel-la lala'en-na, malanga solda'du matuainan-na nde, Yoab. Solda'du manamanea Dauk-ka, malangan-na nde, Benaya, fo Yoyada anan-na.

2RAJA-RAJA 11:3

Teuk 6 dalen-na, Yoseba nakaboboi ni'iana ndia, nai Manetualain Uman dale, nai lelek Atalya paleta da'di leo ina manek.

2 SEMUEL 8:18

Solda'du manamanea manek-ka, malangan-na nde, Benaya, fo Yoyada anan-na; Imam-imam manai uma manek-ka, nde, Dauk anamanen-nala.

1RAJA-RAJA 14:27

Boema da'dileo ngganggati nala, de Mane Rehabeam-ma tao bua sisili musu neme liti mai, de ana fen neu basa malanga solda'du matuaina fo manamanea manek-ka uma manen-na, lelesuinan-na.

2RAJA-RAJA 12:7

Hu ndia de, Yoas naloo Imam Yoyada, no imam fe'ek-kala, de nafa'das nae, “Tao le'e de, emi beita tao mahii Manetualain Uman-na boen? Mulai faik ia, ta bole pe'da doik fo, emi sipok-kala fa. Emi muse fe la'iesak-kasa mai, soaneu tao nahii Manetualain Uman-na.”