2RAJA-RAJA 1:2 - Susula Malalaok Hehelu Palak Ma Hehelu Beuk

² Faik esa boema, Mane Ahazia neme Israel mai, de ana tu'da neme uma manek manai Samaria, ta'dak lain mai, nalosa makahina belak. Boema nadenu hataholi, fo neu natane Baal-Zebub, fo kota Ekron-na nai Filistin, lamatua daebafan-na, ade neukose ana lea-hai do ta.

2RAJA-RAJA 1:2 Referans Kwoze

2RAJA-RAJA 1:16

Boema Elia nafa'da manek-ka nae, “Manetualain nae, ‘O madenu hataholi neu noke natutu'duk neme Baal-Zebub, fo kota Ekron-na, lamatua daebafan-na, nono'ka bai, ta hapu Manetualain nai Israel so'on, fo o bole matane neun fa. Hu ndia de, o ta lea-hai so'on, de neukose mate o!’ ”

MARKUS 3:22

Mese agama la leme Yerusalem mai de lafa'da lae, “Baalzebul masok nai dalen dale so! Malanga dula dale mangalauk ndia nde fen koasa soaneu Ana usiheni dula dale mangalau kala.”

MATEOS 10:25

Metema ni'iana sakola ana esa, ana da'di sama leo mese na, ma ata esa, ana da'di sama leo malanga na soona, dai so. Makanaema malanga uma lo a, ala foi basa na'de na lae Baalzebul, soona muda hata no uma isi nala bai. Neukose ala fes na'dek esa, mangalau na ba'u lena seluk ndia bai!”

YESAYA 37:19

Ala hotuheni, ma ala tao lakalulutuk lamatua daebafan-nala boe, nana lamatua daebafak sila-la, ta lanuu koasa makandondook fa. Sila ka'da ai-batu nanadoki-dulak, fo hataholi daebafak-ka nde taon-nana.

LUKAS 11:15

tehu hapu nggelok kokolak lae, “Ana bisa usiheni dula dale mangalau ka nanahu Baalzebul koasa na, fo dula dale mangalauk ndia malanga na.”

YESAYA 37:12

Nai lelek, au bei-ba'i kaing-ngala, ala tao lakalulutuk kota Gozan, Haran, ma Rezef-pa, boema ala taolisa hataholi Eden fo, manaleo lai Telasar-ra, sila lamatua daebafan-nala ta esa boen, soi-tefa fas.

2RAJA-RAJA 1:6

Boema lataa lae, “Touk esa mai, de nadenu ami fali ma'im-ma, fo ami mafa'da Manetualain halan-na, neu Ama Manek nae leo ia, ‘Ade ta hapu Manetualain nai Israel so'on, de nalosa o madenu ami neu moke natutut'duk neme Baal-Zebub, fo kota Ekron-na, lamatua daebafan-na? O ta lea-hai so'on, de neukose mate o!.’ ”

2RAJA-RAJA 1:3

Tehu Manetualain ata nusa so'dan esa, nadenu Elia, fo nabi esa neme Tisbe mai, fo neu natongon-no Mane Ahazia, hataholi nadedenun sila-la, fo nafa'das nae, “Ade, nai Israel ta hapu Manetualain so'on, de nalosa, emi nau meu moke natutu'duk, neme Baal-Zebub, fo kota Ekron-na lamatua daebafan ndia mai?

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

HATAHOLI 20:9

Ndia te, touanak esa na'de Eutikhus, nangatuuk nai jendela lain. Hu ka nde Paulus ta hahae kokola ka fa, de touanak ndia mata na ndua ka, de ana sungu neme jendela lain, boema ana tu'da neme ta'da katelu a leo dae neu. Boema leu de ala ko'olan te maten so.

AYUB 31:3

Tao leo bee-o, Ana fe soe ma susa neu hataholi manatao tatao-nono'i mangalauk-ka!

1RAJA-RAJA 22:34

Solda'du Siria esa ta name'da fa te napo'iheni kokou isin-na. Tehu kokou isik ndia la'e Ahab de ana tola ba'du musu na nai ba'du seseu natuti na. Ahab bouk manaho'u kaleta na nae, “La'e au! Po'de falik kaleta fo moo au kalua eme natee-natati ka dalek mai!”

1RAJA-RAJA 14:3

Meni fen loti biak sanahulu, kokis lumanak, ma fanioe boto esa. Fo matanen, hata fo neukose ana da'di neu Abia, fo ita anan-na. Neukose nabi ndia nafa'dan neu o.”

SEMUEL SUSULAK-KA ESAN-NA 5:10

Boema leni Peti Hehelu-balataak ndia leo Ekron neu, fo kota fe'ek esa seluk nai Filistin. Peti ndia losa ndia boema, laun-na nggasi ma lae, “Leni Israel Manetualain Peti Hehelu-balataan ndia leo ia mai, fo ana taonisa ita basa-basa-tala.”

HAKIM-HAKIM 11:24

De besak ia, ade, o nau ho'i falik-kasa do? O bole manuu mahele Kamos, fo o lamatua daebafam ndia, ana fe o dae-a. Tehu, hata fo Manetualain, fo ami Manetualaim-ma, fe basan neu ami so, neukose ami manea mahelen.

HAKIM-HAKIM 5:28

Sisera inan mete neme jendela mai, de nafa'da nae, “Tao le'e de, kaletan-na ta losa boen, tao le'e de, ta tamanene ndalan-na, ei ndu'un-na fa?”

YESAYA 2:6

Ou Manetualain, O la'oela O anam fo, Yakob tititi-nonosin-nala so! Nana nai mamanak lala'en-na, hataholi manai nusak ia, ala pake bale mata neme dulu, ma neme Filistin mai, ala na'da hataholi nusa dea-la ha'dan-na.

YOSUA 15:11

Neme Timna mai, de too ndia nakandoo leo Letek Ekron-na boboan kii neu, boema ana pilu leo Sikron tunga Letek Baala neu, de nakandoo leo Yabneel neu, boema nate'e nai Tasi Tala'dak,

1RAJA-RAJA 22:40

Mate basa Ahab boema, Ahazia fo anan-na nggatin da'di manek.

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

YESAYA 19:3

Neukose Au tao-a Masir dale tutu'un-na buna-boan ta, ma Au fes pela-bale. Neukose loke tutulu-fafalik neme sosongo-tatangok-kala mai, ma loke nanoli-nafa'dak ma natutu'duk neme duladalek-kala mai.