2RAJA-RAJA 1:10 - Susula Malalaok Hehelu Palak Ma Hehelu Beuk

¹⁰ Boema, Elia nata nae, “Metema, memak au ia Manetualain atan soona, ela leo been-na, ha'i-a kona neme lalai mai, fo ana hotunisa, o moo basa o solda'du anam-mala!” No hatematak ndia boe, ha'i kona mai, de ana hotunisa malanga solda'du manai lain ndia, no solda'du anan ka 50-nala.

2RAJA-RAJA 1:10 Referans Kwoze

LUKAS 9:54

Nai lelek ndia Yesus ana manatuga nala fo nde, Yakobis ma Yohanis ala bubuluk dede'ak ndia, boema lae, “Lamatuak, ade Lamatua ka nau ami moke ha'i kona neme lalai mai fo ana hotunisa hataholi ia la do?”

DANIAL 3:25

Boema manek-ka nae, “Tehu tao le'e de au ita hataholi 4 beela'o nai ha'i ndia tala'da heon? Ta nanapa'ak-kala so'on, ma ta lame'da he'dis hata esa boen. Ma hataholi ka 4, mata-panan sama leo lamatua daebafak-ka.”

IBRANI 12:29

Nana ita Manetualain ndia, sama leo ha'i fo manahotu naputu ka.

DANIAL 3:22

Hu kande manek-ka paletan ndia balakaik nanseli, boema ala tao-la ha'i manafolokakaak ndia nahaa nanseli, nalosa ana haa nisa hataholi manako'o Sadrakh, Mesakh ma Abednego leo ha'i manafolokakaak ndia matan-na neu.

NINITAK 11:5

Metema hataholi so'ba tao hata esa ta malole neu duas soona, ha'i kalua neme bafa nala mai fo ana tao namate-mopo musu nala. No enok leondia ka, basa hataholi fo ala nau tao lahe'dis neukose nanataonisak.

MAZMUR 106:18

Ha'i kona mai, de ana sapu-na sila nakabubuan-na, ma na'a naputu basa manamalelesi basak-kala.

AYUB 1:16

Lelek ana bei kola-kola te, ata ka dua, ana mai de nafa'da nae, “Ta'tas-sa ho'i Tuan bi'ilopon-nala loo basa manafoo-la, de mate la'iesak-kasa. Ela ka'da atam-ma mesak-kana naso'da, de atam-ma mai nafa'da Tuan.”

HATAHOLI 12:19

Boema Herodes nadenu hataholi neu sanga Petrus, tehu ala ta hapu fan. Da'di Herodes fe paleta fo latane solda'du mana manea sila la fo tao lisas. Basa ndia boema, Herodes la'oela Yudea de neu leo neme Kaisarea, faik de'ubee dale na.

MATEOS 21:41

Lataa lae, “Tao leo bee o ana taonisa hataholi mana'a ngga'di mangalauk sila la, fo ana fe hataholi fe'ek se'ba osi angol ndia, fo neu fai na soona, hataholi ndia ana nau laba'e dae ndia isi na.”

DANIAL 6:24

Manek-ka namahoko nanseli, de ana paleta fo kalua heni Danial neme leak ndia dalek mai. Lakalala'ok basa paleta ndia boema, ala mete te ta hapu hinak faa anak boen nai Danial aon-na fa, nanahu namahele neu ndia Manetualain-na.

MAZMUR 105:15

“Boso tao Au hataholi heheleng-ngala, boso tao mangalauk neu Au nabing-ngala!”

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

1RAJA-RAJA 22:28

Mikha nae, “Metema Ama Manek falima'in no so'da-molek soona, sosoan-na nae, Manetualain ta kokolak tunga au fa! Basa hataholi manai ia la da'di sakasii.”

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

BILANGAN 11:1

Neu faik esa boema, leoina ndia mulai haladoi neu Manetualain la'eneu sila toto'a-tataan. Manetualain namanene sila haladoin ndia boema namanasa, de Ana fe ha'i mai neus. Ha'i ndia sii lapa-lapa nai sila tala'da, de na'a heni lalaa ofu-a seli.

2RAJA-RAJA 1:11

Boema, manek-ka nadenu malanga solda'du manai lain fe'ek esa, no solda'du anan 50, ala leu boema lafa'da Elia lae, “Hey, Manetualain atan-na, Manek-ka paleta nae besak ia boeo o kona!”

IMAMAT 10:2

Boema Manetualain nakona ha'i-a mai, de ana hotu nisas nai Manetualain Lalaa Teman dale.