1 TIMOTIUS 1:16 - Susula Malalaok Hehelu Palak Ma Hehelu Beuk

¹⁶ Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

1 TIMOTIUS 1:16 Referans Kwoze

1 TIMOTIUS 1:13

leomae makahulu na, au tao anggenggeo na'de na, au fepa-li'un boema au akamumulu-akamamae kana. Tehu Manetualain sue-lai au, nana lelek ndia, au beita amahele fa de, au ta bubuluk hata fo au taok ndia fa.

EFESUS 2:7

Manetualain tao leondiak, fo ela nai le'do fai mana mai ka, hataholi daebafa ka hapu lita Manetualain susue-lalain ba'u na seli. Manetualain nafa'da susue-lalaik ndia, tunga dale malole na neu ita, fo Kristus Yesus nde da'di lelete a.

LUKAS 7:47

Te'e-te'e, susue-lalain fo matuainan ndia, natu'du nae sala-singo makadoto nala, nanafe do'o do ampon so! Metema hataholi a nanafe do'o do ampon faa anak soona, neukose susue-lalain faa anak boe.”

2 PETRUS 3:15

Bole tafa'da tae, Lamatua ka ta hae lai namanasa ita ndia nde bee na, Ana fe ita fai loak soaneu ita tuka tei-sale dale, fo daenga ita hapu so'da ka. Paulus, fo ita tolanoo susue na, ana sulak fe emi susulak nae leondia boe. Manetualain fen dudu'a-aafi manatee tenok, de ana sulak susulak ndia.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.

MAZMUR 25:11

Manetualain, fe do'o do ampon neu au, nandaa no O hala hehelu-balatam-ma, nana au salang-nga ba'un-na seli.

1 PETRUS 3:20

fo nde Noh tepo-lele na, hataholi fo ta mana tunga Manetualai na, samane nala. Nai lelek ndia, Manetualain nahani no ta haelai namanasa, losa Noh tao na ofa ka. Hataholi manai ofak lai na basa-basas ka'da hataholi falu laso'da leme faa tua ka mai.

YOHANIS 20:31

Tehu ala sulak basa ia la, fo daenga ela emi mamahele mae, Yesus nde been-na Mane Mana Fe So'dak fo Manetualain Anan, boema hu ka nde emi mamahelen, de emi hapu maso'da ka.

YOHANIS 3:36

Hataholi fo namahele neu Anak ndia, neukose ana hapu so'da matetu ka, ma manaketu basa ta ka. Tehu hataholi fo ta namahele Anak ndia, ana ta hapu maso'da ka fa. Te Manetualain hukun losa dodoo na.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

YOHANIS 6:54

Nana see na'a Au ao paa nga, ma ninu Au ao daa nga soona, ana hapu maso'da matetu ka, ma manaketu basa ta ka, boema neukose Au tao aso'da fali kana nai Fai Mate'e ka.

YOHANIS 6:40

Fo memak dede'ak ndia nde nandaa no Au Amang hihii-nanau na. Au Amang hihii-nanaun nde, metema see nita Ana ka fo namahelen soona, ana hapu maso'da matetu ka, ma manaketu basa ta ka, boema Au tao aso'da fali kasa nai Fai Mate'e ka.”

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YESAYA 43:25

Tehu Au, Manetualain, fo manalose heni o sala-singom, manafe do'o do ampon neu o, nanahu Au ha'da-paliing leondiak; Au ta afandele o sala-singom fa.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

2 TESALONIKA 1:10

Basa sila la, neukose ala da'di nai faik fo Ana mai, fo basa hataholi kamahehele kala lamatutua-lamadedeman ma ala fe ha'da-holomata neun. Emi boeo, neukose nai Manetualain hataholi kamahehelen sila la dalek, nana emi mamahele halak fo, ami tui-bengan neu emi a.

EFESUS 1:12

Neme na fo, ita nde makasososa tamahena neu Kristu sa, koa-kio Manetualain, hu ka nde matua-madema na!

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

2 KORINTUS 4:1

Ami ho'u ue-le'dis ia nanahu Manetualain dale malole na. Hu ndia de ta ketu ami namahehena ma fa.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

LUKAS 23:43

Yesus nafa'dan nae, “Mamahele leona! Faik ia neukose o sama-sama mo Au nai Firdaus dalek.”

LUKAS 15:10

Leondiak boe Manetualain ata nusa so'da nala neukose lamahoko, metema hapu hataholi mangalau ka tukatei-saledale neme sala-singo nala mai.”

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

BILANGAN 23:3

Boema, Bileam nafa'da Balak nae, “Mapadeik deka moo Tuan, tutunu-hohotu nanatunun-na. Fo au mete, ade Manetualain nau natongon-no Au do ta. Mahani te, neukose au afa'da o, basa hata lala'en fo, Manetualain nafa'dan neu au.” Boema, Bileam mesak-kana neu leo pupukuk esa lain neu,

KELUARAN 34:8

Hatematak ndia boe, Musa sene-do'ok.

1 KORINTUS 7:25

Besak ia la'eneu hataholi fo ala beita saoana fa. La'eneu dede'ak ndia soona, au ta sipo paleta hata-hata neme Lamatua ka mai fa. Tehu da'dileo hataholi fo hu ka nde Lamatua ka baba'e-babatin de nandaa nananamahelek, au nau fe au nanoli-nafa'dang neu emi.