1 TAWARIKH 9:1 - Susula Malalaok Hehelu Palak Ma Hehelu Beuk

¹ Basa hataholi Israel-la lala'en-na nanasulak tunga esa-esak teidalen. Susulak ndia nanasulak nai Mane-manek Israel-la susulan dale. Da'di leo huhukuk neu sila sala-singon-nala, de laun Yehuda-la nanafook leo mamana ookak-ka neu.

1 TAWARIKH 9:1 Referans Kwoze

NEHEMIA 7:5

Hu ndia de, Manetualain nakababale au daleng-nga, soaneu au alo akabubua basa laun-nala ma basa mauli-malangan-nala boema lasi ngolok-kala, fo ela au hapu lekes tunga esa-esak susula bei-ba'in. No enok ndia de, au hapu susulak la'eneu hataholi manafali makasososak leme mamana tu'u-tapak mai. Susulak nanasulak nai nisidaen ia nde bee soona, au hapu tutui mangale'dok neme susulak ndia mai nae:

EZRA 2:59

Hataholi manala'o leme kota-kota Tel-Melah, Tel-Harsa, Kerub, Adan ma Imer mai, dede'un-na, hataholi natun nee limahulu dua. Hataholi sila-la, nanalekek nai teidale-bobongi Delaya, Tobia ma Nekoda dalek, tehu ala ta hapu latu'du buti, lae sila nde been-na leoina Israel-la, tititi-nonosin sila fa.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

YEREMIA 39:9

Mate'en-na laun fo bei hapu nai kota, lo basa hataholi-hataholi fo lalai, de lok hataholi Babel-lala Nebuzaradan, fo Babel malanga matee-matatik musun-na los lo Babel neu.

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

1 TAWARIKH 8:40

Ulam anan-nala basa-basas solda'du ao makadelek ma manakou malelak mesa-mesan. Upu-anatoun-nala basa-basas, hataholi 150. Sila basa-basas nde been-na, leo Benyamin-na, hataholin sila.

1RAJA-RAJA 14:19

Tutui fe'ek la'eneu Mane Yerobeam-ma, fo nde paletan-na ma natee-natatik fo nauli-nalangan-na, nanasula basak nai Mane-mane Israel-la buku Tutuin dale so.

2RAJA-RAJA 24:14

Mane Yoyakhin, inan, saon-nala, hataholi mana'a ngga'din-nala, ma mauli-malangan Yehuda-la, basa-basan lala'en-na, hataholi nananita – nalelak 7.000 – ala da'di hataholi nanafook, de foo lenis leo Babel neu. Boeo basa tuka ai-la, tuka besi-la, dede'un-na hataholi 1.000, basa-basas hataholi mabe'i-balakaik ma palani mesa-mesan, nai natee-natatik-ka dalek. Hataholi daa manek-kala, hataholi nananita-nalelak-kala boeo, foo lenis leo mamana ookak-ka neu – basa-basan lala'en-na, hataholi 10.000. Isabai-na, foo leni la'iesak laun Yerusalem-mala; ela ka'da laun nuu-taa hata-taak-kala.

EZRA 2:1

Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

NEHEMIA 11:1

Basa mauli-malangan manaleo lahele lai Yerusalem, ma laun-na tu'ubatu soaneu uma loo sanahulu, soaneu ala hele teidale-bobongik esa neme teidale-bobongik sanahulu mai, fo muse leo nai kota malalao-malalafuk Yerusalem. Bee ta nanahelek fa soona, ana bole leo nai kota fe'ek-kala.

YESAYA 3:2

basa palani ta'ti batu-la, solda'du-la, manakee-manafula, nabi, manasiula-tongonok, ma manamanoli-mafa'dak,

YEREMIA 13:19

Yehuda kota-kotan manai kona-la nana sapu nak so, ma ta hapu masok leo nanasapunak sila-la dalek neu fa. Basa hataholi Yehuda-la nanafua leo mamana ookak-ka neu.”