1 TAWARIKH 24:5 - Susula Malalaok Hehelu Palak Ma Hehelu Beuk

⁵ Nanahu nau nai Eleazar tititi-nonosin na dalek do nai Ipopo-tamar tititi-nonosin na dalek hapu manaho'u paleta nai Manetualain Uman na, mauli-malangan agama, boema baba'e bela-ba'uk ka ala taon nenik ala hela lot.

1 TAWARIKH 24:5 Referans Kwoze

1 TAWARIKH 24:31

Soaneu sila-langganggatiaok bela-ba'un na, de malanga uma loo la esa-esak, sama-sama no fa'di toun esa hela lot sama leo hata fo sila tolano ka'a-fa'din nala taok-ka, fo nde basa imam fo Harun tititi-nonosin nala. Manek Dauk ka sama-sama no Zadok, Ahimelekh boema malanga uma loo la leme imam mala buaon na mai ma leme hataholi Lewi la buaon na mai, sakasii matan hehela lot ndia.

HATAHOLI 5:24

Lelek malanga matuaina mana manea Amak Manetualain uma na ma malanga ima mala lamanene hala nafafa'dak ndia boema lapangamak la'eneu hataholi nadedenuk sila la, ma ala bii neu hata fo neukose ana da'di so.

HATAHOLI 4:6

Latongo lo Hanas fo Imam Matua Ina, boema Kayafas, Yohanis, Aleksander ma basa imam matua ina ndia tei dale nala.

HATAHOLI 4:1

Lelek fo Petrus ma Yohanis bei kokolak lo hataholi sila la te, malanga ima mala ma malanga mana manea Manetualain Uma na, boema hataholi Saduki la ala mai leo Petrus no Yohanis mai.

HATAHOLI 1:26

Basa boema ala tu'u batu fo ala sanga nai hataholi kaduak sila la, see ka nde ala hele nana. Boema batu tu'da la'e Matias. Hu ndia de ala so'un da'di Lamatua ka hataholi nadedenun, fo ana tunga sama-sama no Lamatua ka hataholi nadedenu kasanahulu esa fe'e nala.

MATEOS 27:1

Fafai anak boema malanga imam ala ma lasi-lasi Yahudi la ho'i nakeketuk, fo tao lisa Yesus.

MATEOS 26:3

Ndia te malanga imam ala ma lasi-lasi Yahudi la lakabubua nai Imam Matua Ina Kayafa sa uma mane na.

YUNUS 1:7

Yunus ma manaho'u uli ndia kae lala lain boema, ofak ndia ofa isin-nala esa kokolak no esa nae, “Mai fo ata tu'u batu, fo ela ata bubuluk, see kande nasala, nalosa ita hapu soe ia!” Ala tu'u batu boema, la'e Yunus na'den-na.

AMSAL 16:33

Hataholi daebafak-ka tu'u batu, fo ana bubuluk ua-nalen, tehu ka'da Manetualain mesak-kana, nde naketu natataan-na.

2TAWARIKH 35:8

Basa Yosia hataholi mana'a ngga'din-nala boeo fe tutulu-fafalik soaneu imam-mala, ma hataholi Lewi fo maneme laun-na lala'en-na mai. Hataholi mana'a ngga'di manahapu bela-ba'uk soaneu Manetualain Uman-na, fonde Imam Matuaina Hilkia, ma Zakharia, boema Yehiel, telus fe basa imam-mala bi'ilopo ana lifun dua natun nee, ma bi'ihii ana boema sapi mane natun telu soaneu tutunu-hohotuk nai feta ndia.

YOSUA 18:10

Boema Yosua tu'u batu, fo ana bubuluk Manetualain nakeketun soaneus. Basa ndia boema, leoina Israel-la, leon fo ana beita hapu dae baba'ek fa, Musa fe esa-esak dae baba'ek.

1 TAWARIKH 24:4

Ipopo-tamar tititi-nonosin nanaba'ek neu bubuak falu, tehu Eleazar tititi-nonosin nanaba'ek neu bubuak sanahulu nee, nana nai Eleazar tititi-nonosin na dalek, hapu touk malanga uma loo lena ba'uk ka.

1 TAWARIKH 26:13

Teidale-bobongik kala esa-esak, nau teidale-bobongik matua do teidale-bobongik ana boe, ala hela lot soaneu bubuluk sila muse lanea nai lelesuina beek ka

1 TAWARIKH 25:8

Soaneu langganggatiaok bela-ba'uk ka de sila basa-basas hela lot – nau mulik do lasik boe, nau malelak do besak ka nanoli boe.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”