1 TAWARIKH 23:4 - Susula Malalaok Hehelu Palak Ma Hehelu Beuk

⁴ Boema neme hataholi sila-la, ana fe hataholi lifun duahulu haa ho'u tatao-nono'ik manai Manetualain Uman na, hataholi lifun nee soaneu ito-ato susulak kalua masok ma manamaketu-mala'di dede'ak kala,

1 TAWARIKH 23:4 Referans Kwoze

2TAWARIKH 19:8

Nai Yerusalem boeo, Yosafat so'u manamaketu-mala'dik-kala leme hataholi Lewi-la, imam-mala ma lasi nggolok-kala. Sila muse laketu-lala'di dede'ak la'eneu la'olena Manetualain hoholo-lalanen ma dede'a fe'e-fe'ek-kala.

ULANGAN 16:18

“Nai emi Manetualaim-ma fe emi kota-la esa-esak, emi muse so'u manakee-manafula, ma manapaleta, soaneu laketu-lala'di laun-na dede'an-na, no ndoos ma matetuk.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

NEHEMIA 11:22

Manamanea hataholi Lewi fo manaleo lai Yerusalem-ma nde, Uzi fo Bani anan-na ma Hasabya upun-na. Bei-ba'i kain-nala nde: Matanya ma Mikha. Ana masok leo-ingu Asaf, fo bela-ba'un nde ana ito-ato sasanu nai lelek ala tao mamasok nai Manetualain Uman.

NEHEMIA 11:9

Yoel fo Zikhri anan-na ma lima boa konan-na nde, Yehuda fo Hasenua anan-na.

1 TAWARIKH 6:48

Bela-ba'u fe'e-fe'ek manai uma makaluku-makatele-a, nanafek neu sila nonoon-nala, fo bei hataholi Lewi boe.

YESKIAL 44:24

Nai dede'ak esa dalek, sila muse fe nakeketuk, da'di leo manakee-manafula, ma sila muse laketun tunga Au nakaneneteng-ngala; sila muse ho'u lahele Au hoholo-lalaneng, ma Au nakeketung-ngala, nai Au fai maloleng-ngala, ma ala tao lalalao-lalafu Au fai Sabat-ta.

2TAWARIKH 23:18

Boema Yoyada fe imam-ma ma hataholi Lewi-la bela-ba'uk soaneu ito-ato tatao-nono'ik manai Manetualain Uman tunga baba'ek fo Manek Dauk-ka naketu basan so. Sila muse fe tutunu-hohotu nanatunuk neu Manetualain – nandaa no Musa hoholo-lalanen – nenik feta ma nakameek sama leo Dauk ito-ato basak-ka.

2TAWARIKH 34:13

ala fes lanea hataholi manalu'a ai-batu-la, lalanga hataholi manamaue-male'dik manai tatao-nono'ik mata-matak-kala, ala da'di hataholi manasulak susulak, ma lanea lelesu-la.