1 TAWARIKH 21:7 - Susula Malalaok Hehelu Palak Ma Hehelu Beuk

⁷ Manetualain ta hii sulak laun nala dede'un na ndia fa, de Ana huku hataholi Israel-la.

1 TAWARIKH 21:7 Referans Kwoze

1 TAWARIKH 21:14

Boema Manetualain fe he'di-laus sa leo hataholi Israel-la neu, nalosa mate sila hataholin lifun hituhulu.

1RAJA-RAJA 15:5

Manetualain tao dede'ak ndia hu kande Dauk tao namahoko dalen-na so. Ta la'iesa boen fo Dauk la'olena Manetualain paletan-nala fa, ta'da fe'e nai Uria fo hataholi Het ndia, dede'a na dalek.

2 SEMUEL 24:1

Manetualain namanasa seluk Israel, boema Ana fufu'di-oodok Dauk no dudu'ak, fo ela neni toto'a-sosotak fe leoina ndia. Manetualain nafa'dan nae, “Leke hataholi Israel-la ma hataholi Yehuda-la dede'un-nala.”

2 SEMUEL 21:14

Basa boema, natoi Saul no Yonatan ma hataholi ka hituk-kala, dui-kalun nai Kish, fo Saul aman loo-laten nai Zela, fo nai dae Benyamin-na. Ala tao basa-basan, nandaa no manek-ka paletan-na, de Manetualain sipok sila huhule-haladoin soaneu nusak ndia.

2 SEMUEL 21:1

Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

2 SEMUEL 11:27

Basa fai susan-na boema, Dauk nadenu hataholi neu nala inak ndia, leo uma manek-ka mai, de ana taon da'di ndia saoinan. Basa bulak de'ubee boema, ana bongi-na ni'iana touanak esa. Tehu Manetualain ta hii Dauk tatao-nono'in ndia fa.

YOSUA 7:13

Besak ia, fo'a leon Yosua! Tao malalao-malalafu hataholi Israel-la, ma madenus laheheleaon-nala, fo ala mai lataa Au. Paletas, fo balahaa soona, laheheleaon-nala, nana Au, Manetualain fo Israel Manetualain-na, neukose afa'das dede'ak-ka nde ia nae, ‘Hai hataholi Israel-la lemin! Au paleta basa emi, fo tao nakalulutuk bua-lo'as-sala, emi bei mafuni seli. Emi beita tapa heni bua-lo'as sila-la fa soona, emi ta makatatakak la'ban musu-a fa!’

YOSUA 7:5

Hataholi Ai-la usis leme kota Ai lelesuinan-na, losa leo mamana kali lilopilas-sa neu, de ala taolisa, fafa'kama hataholi teluhulu nee, neme hataholi lifu ka teluk-kala mai, nai pupukuk-ka huun-na. Boema hataholi Israel-la hela-hae, ma ala bii.

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

2 SEMUEL 15:26

Tehu metema, Manetualain ta sue-lai au fa soona, au sadia sipok hata fo Ana taon la'eneu au aoinang-nga!”

1 TAWARIKH 21:6

Tehu leo Lewi ma leo Benyamin na, ta nanasulak nai susulak ndia dalek fa. Yoab ta sulak kasa fa nana ana ta hii nakalala'ok manek-ka paletan ndia fa.

1 TAWARIKH 21:8

Boema dauk hule-haladoi neu Manetualain nae, “Ou Manetualain, au asala-asingo anseli! Fe do'o do ampon neu au, nana au tatao-nono'ing ndia nggoak nanseli.”

2 SEMUEL 24:10

Tehu lelek Dauk leke basa leoina ndia dede'un-na boema, name'da nasala, de nafa'da Manetualain nae, “Ou Manetualain, au asala-asingo anseli so. Fe do'o do ampon neu au, nana au tatao-nono'ing ndia, nggoak nanseli.”