1 TAWARIKH 19:6 - Susula Malalaok Hehelu Palak Ma Hehelu Beuk

^6-7 Boema Manek Hanun na ma hataholi Amon nala lame'da lae sila tatao-nono'in tao na Dauk musu no sila. Hu ndia de, ala haitua lilofulak kilo lifun teluhulu haa leo nusak Mesopotamia Lain neu, boema leo Maakha ma Zoba nai Siria soaneu ala se'ba kaleta musu lifun teluhulu dua ma solda'du manasa'e ndala la. Boema manek Maakha solda'du nala mai loo basa kaleta musu nanase'bak sila-la, de ala ofu deka loo Medeba. Hataholi Amon nala boeo ala mai leme basa sila kotan nala mai fo latee-latati.

1 TAWARIKH 19:6 Referans Kwoze

1 TAWARIKH 18:9

Manek Tou neme Hamat mai, namanene lae Dauk sengi basa Hadadezer solda'dun lala'en-na.

1 TAWARIKH 18:5

Hataholi Siria la leme Damsyik mai, ala haitua solda'du soaneu tulu-fali Manek Hadadezer a, tehu Dauk sengis, de ana taonisa hataholi lifun duahulu dua.

2 SEMUEL 10:6

Basa boema, hataholi Amon-nala, lame'da lae sila tatao-nono'in ndia, tao-na Dauk musu no sila. Hu ndia de, ala se'ba solda'du Siria fo manaleo nai Bet-Rehob ma Zoba, lifun duahulu, ma solda'du Tob lifun sanahulu dua boe, boema nusa Maakha manen-na, no solda'dun lifun esa.

KEJADIAN 34:30

Yakob nafa'da Simeon ma Lewi nae, “Emi tao susa au. Besak ia, hataholi Kanaan-nala ma hataholi Feris-sala, ma basa nusak ia laun-nala, neukose lakamuu-lakadau au. Ita hataholin-nala ta ba'uk-ka fa; de metema basa laun-na teik esa-dalek esa, fo ala la'ban ma sapu-la au soona, basa ita teidalen-nala lala'en-na, neukose nanatao namate-namopok.”

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

MAZMUR 14:3

Tehu basa hataholi-la, la'ok sala ma ha'da-tataon-nala ta kandaak fa, ta hapu hataholi esa boen, fo ana tao malole fa.

2TAWARIKH 27:5

Ana natee-natati no manek Amon-na de ana sengin sama-sama no solda'dun-nala, boema nakaseti hataholi Amon-nala fo ala bae bea. Tunga teuk fo nai teuk telu dalen-na tunga-tunga, ala muse bae lilofulak kilo lifun telu natun haa, gandum matak dua, fo mata esa soona, ton lifun esa.

2TAWARIKH 25:6

Fe'ek neme ndia mai boe, ana seba solda'du Israel lifun natun esa, de ana bae lilofulak fafa'kama kilo lifun telu natun haa.

2TAWARIKH 18:9

Nai lelek ndia Ahab ma Yosafat pake papake matua-madema, de langatuuk lai kandela manek lain nai mamanak popo'de gandum manai lelesuina Samaria matan-na, fo ndia te basa nabi-la mai lataa de landuku-lalosak sila hala nafa'da elan-na.

2TAWARIKH 18:5

Boema Ahab naloo nakabubua nabi fafa'kama natun haa de natanes nae, “Au bole u sapu-a Ramot do ta?” Lataa lae, “Bole! Neukose Manetualain fe kota ndia neu Ama Manek.”

2TAWARIKH 18:3

Natane nae, “Ka'a nau sama-sama moo au fo teu sapu-ta Ramot do?” Yosafat nataa nae, “Hei, au solda'dung-ngala neukose lakabubua loo ka'a solda'dun-nala. Teu tatee-tatati sama-sama.

2 SEMUEL 8:3

Basa boema, Dauk sengi Mane Hadadezer, fo Rehob anan-na, ana paleta nai Zoba, fo nusak esa deka no Damsyik. Nai lelek ndia, Hadadezer bei nai leleo-lala'on dale, fo sanga neu tao matalolole koasan-na neu nusak manadeka no Lee Efrat-ta, langan-na.

SEMUEL SUSULAK-KA ESAN-NA 27:12

Tehu Akhis namahele Dauk, de ana dudu'a-dodoo nai dalen dale nae, “Leoinan, ta lahiik loon makadondook fa, nalosa no nakasetik, ana da'di au atang, nai fai maso'dan-na dalek.”

SEMUEL SUSULAK-KA ESAN-NA 14:47

Saul da'di mane Israel-la boema, natee-nata'ti nai basa mamanak lala'en-na, fo la'ban Israel musun-nala, fo nde hataholi Moab, hataholi Amon, ma hataholi Edom, nusak Zoba manen-nala, ma hataholi Filistin-nala. Natee-nata'ti su'di nai bee boe, tehu ana sengi tataas esa.

SEMUEL SUSULAK-KA ESAN-NA 13:4

Basa leoina Israel-la lala'en-na hapu halak, lae Saul taonisa Filistin malanga solda'du matuainan ndia, ma lae hataholi Filistin-nala ta hii hataholi Israel-la lanseli fa. Hu ndia de, laun-na tunga hala nalolook-ka, de lakabubua loo Saul nai Gilgal.

KELUARAN 5:21

Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”

1 TAWARIKH 19:5

Tehu ala mae no fafalik ka, da'di leu leo Yerikho leu. Lelek dede'ak ndia nananafa'dak neu Dauk boema, ana haitua hala heheluk fo ela hataholi nadedenuk sila-la leo leme Yerikho losa nggolomein-nala moli seluk.