1 TAWARIKH 15:12 - Susula Malalaok Hehelu Palak Ma Hehelu Beuk

¹² Dauk nafa'das nae, “Emi nde been-na mauli-malanga teidale-bobongik nai leo Lewi dalek. Hu ndia de, ela leo been-na emi ma hataholi Lewi fe'ek kala tao malalao-malalafu aoina mala fo ela emi hapu laliheok Amak, fo Israel Manetualain na Peti Hehelu-balataan leo mamanak fo au sadia basan so.

1 TAWARIKH 15:12 Referans Kwoze

2TAWARIKH 35:6

Emi muse do'do bi'ilopo soaneu feta Paskah. Hu ndia de maheheleaom leona, fo ela nandaa sene-do'ok neu Manetualain, ma sadia tutunu-hohotuk fo muse nanatunu-hotuk ba'eneu Manetualainboe, fo ela no enok ndia, hataholi Israel fe'ek-kala hapu lakalala'ok hata fo Manetualain paletan tunga Musa.”

2TAWARIKH 30:15

Neu bulak ndia fain sanahulu haa boema, ala do'do bi'ilopo-la fo ala tunu-hotus da'dileo tutunu-hohotu Paskah. Basa imam ma hataholi Lewi fo manatao nalalao-nalalafu aoina beitak-kala, ala mae lanseli. Boema ala tao lalalao-lalalafu aoinan-nala nalosa ala hapu tunu-hotu tutunu-hohotu nanatunuk nai Manetualain Uman.

1 TAWARIKH 15:14

Da'di, basa imam mala ma hataholi Lewi la tao lalalao-lalalafu aoinan-nala fo ela ala hapu laliheok Amak, fo Israel Manetualain na Peti Hehelu-balataan.

YOHANIS 17:17

Ama ka taos da'di Ama ka nuu hehelin, tunga eno ndo sa. Ama ka dede'a-kokolan nde da'di eno ndo sa.

YESKIAL 48:11

Dae hehelik ndia, neukose ana da'di imam-imam fo, Zadok tititi-nonosin-nala, dae pusakan. Ala lalalau-laoono basa Manetualain, no lilinekak, te ta sama leo hataholi Lewi fo, sila leo esa, ala tunga tao sala-singok sama-sama loo hataholi Israel fe'ek-kala.

2TAWARIKH 5:11

Basa imam manai sila-la, ta ela esa boen laheheleaon soaneu tao feta ndia. Basa manamakameek ma manamakminak sasanu manai leo Lewi-la dalek, fo nde Asaf, Heman, Yedutun ma basa sila teidale-bobongin lala'en-na papaken-ala neme tema abalutu mai. Hataholi Lewi sila-la lapadeik lai mei tunu-hotuk-ka boboan dulu ma ala ho'u simbal ma kecapi. Imam natun esa duahulu fu trompet sama-sama los. Basa manamakameek-kala lakamee de halan-nala da'di halak esa no trompet, simbal sasanu fe'ek-kala liin-nala. Ala lakamee nakameek soaneu Manetualain-na liin-na nae leo ia: “Koa-kio Manetualain nana Ndia malole. Susue-lalain manaketu-basa taak losa dodoon-na.” Nai lelek basa imam-mala kalua leme Manetualain Uman ndia dalek mai boema, no kaiboik Uman ndia henuk no Manetualain mamain-na ndela-sa'an, nalosa ala ta hapu tao feta makaluku-makatele-a fa.

1 TAWARIKH 24:31

Soaneu sila-langganggatiaok bela-ba'un na, de malanga uma loo la esa-esak, sama-sama no fa'di toun esa hela lot sama leo hata fo sila tolano ka'a-fa'din nala taok-ka, fo nde basa imam fo Harun tititi-nonosin nala. Manek Dauk ka sama-sama no Zadok, Ahimelekh boema malanga uma loo la leme imam mala buaon na mai ma leme hataholi Lewi la buaon na mai, sakasii matan hehela lot ndia.

1 TAWARIKH 15:3

Boema Dauk naloo basa hataholi Israel-la lala'en-na mai leo Yerusalem mai, soaneu ala laliheok Manetualain Peti Hehelu-balataan leo mamanak fo ana sadia basan so.

1 TAWARIKH 15:1

Dauk napadedeik uman-nala nai kota Dauk ka, ma ana sadia mamanak soaneu Manetualain Peti Hehelu-balataa na, boema ana tao pandopo ba'eneu Peti ndia.

1 TAWARIKH 9:34

Hataholi nanaseseik sila-la nde been-na Lewi malanga uma loon-nala, tunga sila tititi-nonosin tutuin-na. Sila nde been-na, mauli-malangan fo ala leo nai Yerusalem.

NEHEMIA 13:22

Boema au adenu hataholi Lewi-la tao feta tao balisi aok-ka, ma lanea lelesuina-la fo ela hataholi-la fe ha'da-holomata neu fai Sabat-ta. Au hule-haladoi ae, “Ou Manetualain, mafandele neu au, nanahu dede'ak ndia boe, ma sue-lai au, nandaa no O susue-lalai matuainam-ma.”

1 TAWARIKH 16:1

Peti Hehelu-balataak ndia nanape'dak nai Lalaa Temak fo Dauk sadia basan soaneu Peti ndia so. Boema ala tunu-hotu fe Manetualain tutunu-hohotuk nanatunuk ma tutunu-hohotuk mole-dame.

2TAWARIKH 1:2

Manek Salomo fe paleta neu basa malanga solda'dun lifun esa ma solda'dun natun esa, basa manaho'u paleta-la, ma basa malanga uma loo Israel-la

2TAWARIKH 1:4

Tehu Manetualain Peti Hehelu-balataan nai Yerusalem nai Manek Dauk-ka tao pandopo dalek, fo nai lelek ana lalihenin neme Kiryat-Yearim mai.)

2TAWARIKH 5:2

Basa ndia boema, Manek Salomo nadenu basa mauli-malanga leo-la ma teidale-bobongik-kala leme leoina Israel-la fo lakabubua nai Yerusalem soaneu ala laliheok Manetualain Peti Hehelu-balataan neme Sion, fo Kota Dauk-ka leo Manetualain Uman neu.

YESAYA 52:11

Muu leona! La'oela kota Babel-la, hai emi fo, manaho'i meni Manetualain uman-na, lou-lan! Boso koila'e buas fo, manggenggeok: emi beita la'o fa te, tao malalao-malalafu emi aoinam-ma.