Biblia Todo Logo
Bib sou entènèt

- Piblisite -




1 PETRUS 5:6 - Susula Malalaok Hehelu Palak Ma Hehelu Beuk

6 Hu ndia de, makaloe-makadae ao ma, nai Manetualain lima mabe'i-balakai na dae, fo ela fai na losa soona, Ana tao namadedema emi.

Gade chapit la Kopi




1 PETRUS 5:6
41 Referans Kwoze  

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.


Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”


Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.


Hataholi fo namatutua-namadedema ao na, neukose nananakaloloe-nakadadaek, ma hataholi fo nakaloe-nakadae ao na, neukose nananamatutua-namadedemak.”


Yesus nae, “Mamahele leona, te nai lelek ala fali le'us leo uma leu te, Manetualain sipo ka nde manasusu bea ndia, te hataholi Farisi ndia fa. Nana basa hataholi fo namatutua-namadedema aoina na, neukose nananakaloloe-nakadadaek; ma basa hataholi fo nakaloe-nakadae aoina na, neukose nananamatutua-namadedemak.”


Nakonaheni mane-mane kala leme kandela mane nala lain mai ma hataholi matasi'da-matasai kala nanatao namadedemak.


Tehu mate'e-na Hizkia ma hataholi Yerusalem-mala lakaloe-lakadae aoina-nala, de nai Hizkia fai maso'da-na dalek, ana ta nakalala'ok huhukuk ndia fa.


Hu kande manek-ka nakaloe-nakadae aoinan-na nai Manetualain matan, ma hu kande bei hapu dede'a malole nai Yehuda boe, de Manetualain nasa-melun neu Rehabeam-ma tenakhenin, de Ana ta tao namate-namopon makandondook fa.


Nai doi-doson-na dalek, besak-ka ana nakaloe-nakadae aoinan-na neu Manetualain ma ana hule-haladoi noke tutulu-fafalik neun.


Muse po'a ketu basa bafak-kala, tao natetu letek ma pupukuk-kala. Dae mapupukuk-ka, neukose ana da'di matetuk, ma manapeko-pakik-ka, neukose ana da'di ndoos.


Tehu losa faik ia emi tanau makaloloe-makadadae emi aopam-mala fa. Emi ta nau fe ha'da-holomata neu Au ma maso'da tunga hoholo-lalanek fo Au fen neu emi ma neu emi bei ba'ikai manamatem-malafa.


Tehu neukose, au tui-benga ahele Yakob Manetualain-na, au akamee nakamee kokoa-kikiok ba'eneun.


Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.


o muse masasale dale, ma makaloe-makadae aoinam-ma, nai Au matang. Au fe basa nasanene'da mahelek so, fo huku Yerusalem no laun-nala. Neukose, Au tao kota ndia da'di hata naniluk esa, fo nini bibii-namata'uk, ma neukose Au tao Yerusalem na'den-na, da'di na'de nanasoo-supak. Tehu lelek o mamanene, la'eneu Au fe nasanene'da mahelek ndia boema, o kii ma o sii-sii lulu'i o bua papakem-ma, fo da'di leo ta'du-tana dale he'dik. Au amanene basa o huhule-haladoim so,


“O mita basa, tao leo beek fo Ahab nakaloe-nakadae ao na nai Au matang so hetu? Hu ndia de, neukose Au ta fe soe mai, nai lelek bei naso'da. Neu anan-na tepo-lelen besak-ka Au fe soe a tuni-ndeni-na teidalen-nala.”


Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.


Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.


Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.


Nai lelek fo ita nai tapandoe sa dalek, Kristus mate soaneu ita, nandaa no Manetualain naketu basa fai na so, te se'kona ita ta deka to Manetualain fa.


Tehu anamanen-na, fo nde Ama Manek, ta nau nakaloe-nakadae aoinan-na fa, leomae Ama Manek nalelak basa dede'ak sila-la so.


Manetualain nafa'da neu au nae, “Madenu manek-ka no ina manek-ka kona neme kandela manen lain mai, nana ti'ilanga manen fo mana'ahiik-ka tu'da henin neme langan mai so.


O nde makadada'dik kii ma kona, Letek Tabor ma Hermon-na, eeki-latadale ba'eneu O.


Tehu hapu hataholi nggelok leme leo Asyer, Manasye, ma Zebulon, ala nau mai leo Yerusalem mai.


Tehu, Amon ta sama leo aman fa, ana ta nakaloe-nakadae aoinan-na ma ana ta fali leo Manetualain mai fa; nakalenak ana nasala-nasingo lena neme aman mai.


Ndia boeo nasala-nasingo neu Manetualain Ana ta nau nakaloe-nakadae aoinan-na ma ana ta nau tunga Nabi Yeremia fo manamanduku-malosak hala heheluk neme Manetualain mai soaneun fa.


Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?


Hai hataholi daebafak fo, manasapu-manalalok-konei, makadii-makau ma mahoo nai hataholi Israel-la matan, nono'kabai o dalem-ma he'dis-sa, ma ketu o namahehenam-ma.


Mafandendelek leona, te Manetualain ndia, te'e-te'e koasan-na ba'un-na seli. Ade, hapu mesen fo, malelan-na leo Ndia do ta?


Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.


Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.


nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,


Musa dokodoe neu Manetualain fo ndia Manetualain-na nae, “Manetualain tao le'e de O muse tao leondiak neu hataholi sila? Ade O ta soi-tefa-malas leme Masir mai, fo nenik koasa ma be'i-balakaik matuaina fa do?


Basa boema, Manetualain nafa'da seluk nae, “Au bubuluk mane Masir-ra, neukose ta po'i emi meu fa, te ka'da metema nananakasetik.


Tolano-tolanoo ngala lemin! Mafandendelek basa nabi fo mana kokolak pake Lamatua ka na'de na, hataholi sila ta haelai lamanasa fa ma lakatatakak nai doidoso ka dalek. Hu ndia de, ho'i natutu'duk neme hataholi sila so'da na mai.


Manetualain nafa'da hehelu-balataan ndia, nandaa no fai na, nai hala hehelun dale. Manetualain fo ita Manasoi-manatefa na, namahele au de, Ana paleta au, fo au u tui-benga hala hehelun ndia.


Neukose, mate solda'du neulaun-nala nai natee-natatik dale, tehu maso'dak-kala, neukose nanatao tapasasalak leo basa bu'u-bu'uk lala'en-na neu. Soona besak-ka Au anang-ngala bubuluk lae Au, nde Manetualain, nde manakokolak-ka.”


Yesus Kristus ia, hataholi daebafak esa, fo Ana fe heni ao ina na, soaneu Ana soi tefa na basa hataholi lala'ena, leme sala-singo nala mai. No enok ndia, Manetualain naketu la'e fai na nae, Ana nau basa hataholi lala'ena, hapu so'dak.


Hu ndia de, makaluku-makatele neu Manetualain, ma laban Nitu a, fo ela Nitu a nalai la'oela emi.


Swiv nou:

Piblisite


Piblisite