1 PETRUS 5:12 - Susula Malalaok Hehelu Palak Ma Hehelu Beuk

¹² Au tolanoo salaning Silas fo mana lilinekak ndia, nde tulu-fali au de, au sulak fe emi susula keke'u anak ia. Au hii fe emi manggatek, ma au nau emi mamahele, hata fo au sulak ia, nde bee na hala ndoos la'eneu Manetualain susue-lalain. Fo ela leo bee na, emi ho'u mahehele neu susue-lalaik ndia.

1 PETRUS 5:12 Referans Kwoze

IBRANI 13:22

Au dokodoe, fo ela emi taoafik neu au nanoli-nafadang ia, no boso haelai mamanasa, nanahu au susulang ia, ta manalu nanseli fa.

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.

2 KORINTUS 1:19

Nanahu Yesus Kristus fo Manetualain Anan, fo nananafa'dak neu emi neme Silas, Timotius ma neme au a, ta nde hataholi fo “Hei” ma “Ta.” Nasafali na, Ndia nde bee na natataa “Hei”, neme Manetualain mai.

1 KORINTUS 15:1

Ma besak ia, tolano-tolanoo ngala lemin, au nau emi mafandendele seluk, Hala Malole maneme Manetualain mai fo au tui-benga akahulu kana neu emi so. Emi sipo man de emi mamahele Kristus, nana Hala Malole ndia.

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

2 TESALONIKA 1:1

Tolano-tolanoo salanik manai Tesalonika, fo Amak Manetualain ma Lamatuak Yesus salani nala lemin! Ami fo Paulus, Silas ma Timotius,

1 TESALONIKA 1:1

Tolano-tolanook fo Amak Manetualain ma Lamatuak Kristus Yesus hataholi kamahehelen, manai Tesalonika la lemin! Ami fo nde: Paulus, Silas ma Timotius ami mamahena ela leo been-na, Manetualain fe baba'e-papalak ma so'da-molek neu emi.

YUDAS 1:3

Tolano susue ngala lemin! Au ahiik alanseli, sulak fe emi susulak la'eneu so'da-molek fo, ita basa-basa tala la'ola'din so. Tehu besak ia, au dodoo ae, au muse anoli-afa'da emi tunga susulak ia, fo emi ho'u mahele namahehelek fo Manetualain fe basan neu hataholi kamahehele nala, ka'da la'i esa, losa dodoo na.

3 YOHANIS 1:12

Basa hataholi la koa-kio Demetrius. Manetualain boeo, Ana koa-kion. Ami koa-kion boe, ma hata fo ami kokola kana, hapu nananamahelek.

2 PETRUS 2:15

Hu ka nde ala ta nau tunga eno ndo sa fa de, ala la'ok sala. Ala la'ok tunga enok fo makahulu na, Bileam fo Beor ana na, eno-dalan. Bileam ia, nahiik nanseli, ana hapu doik neme tatao-nono'i mangalau na mai.

2 PETRUS 1:12

Hu ndia de, au fe emi nasanene'dak tataas esa, la'eneu dede'ak ndia, leomae emi bubuluk basan so, ma emi mamahele manseli neu nanolik fo emi sipon neme Manetualain mai ndia.

KOLOSE 4:9

Neukose Onisimus ne'i soona, ana sama-sama no Tikhikus; Onisimus ia, emi hataholim ndia, fo hataholi mana lilinekak de ami sue-lain. Neukose Tikhikus ana tui basa hata manda'dik manai au mamanang ia.

KOLOSE 4:7

Tikhikus, fo ita tolano susue na, neukose nafa'da emi basa hata lala'ena la'eneu au. Ana lilineka nai tatao-nono'i ka dalek sama-sama no au, soaneu Lamatua ka.

KOLOSE 1:7

Epafras fo ami tolano susue-lalaim ndia nde tui-benga dede'ak ndia neu emi a. Epafras ia, Kristus malalau-maoono mana lilinekan, fo nalalau-naoono soaneu ita paluu na.

EFESUS 6:21

Tikhikus, fo ita tolanoon ma ita tia-lai mana lilinekak nai Lamatua ka tatao-nono'in dale ka, neukose nafa'da emi, basa hata lala'e na la'eneu au, fo daenga emi bubuluk au so'da nga ma au ue le'ding.

EFESUS 3:3

Manetualain soi heni dale tutu'u nafuni na de nafa'dan neu au so. (La'eneu dede'ak ndia, au sulak basan nai lain no keke'uk de,

2 KORINTUS 1:24

Au ta laka-akaseti emi la'eneu hata fo emi muse mamahelen, nana emi mamahele manseli neu Kristus so. Ka'da au tao-no'i neu esa o emi, fo ela emi boetai maua-manale.

ROMA 5:2

Hu ka nde ita tamahele Yesus de Ana fe ita Manetualain susue-lalain, de no susue-lalaik ndia de besa ka ita taso'da. Hu ndia de ami mamahoko nana ita tamahena, neukose ita taso'da nai Manetualain fe ua-nale ka dalek!

YOHANIS 21:21

Petrus nitan boema natane Yesus nae, “Lamatuak, neukose, tao leo beek no hataholi ia?”

HATAHOLI 15:22

Boema hataholi nadedenu kala ma Penatua-penatua la lo basa hataholi salani kala, ala ho'i nakeketuk fo ala hele la sila hataholin de'ubee fo ladenus sama-sama lo Paulus ma Barnabas leo Antiokia leu. Boema ala hele Silas no Yudas fo loken soona lae, Barsabas boe. Hataholi kaduak ia la nde bee soona, hataholi nananita-nalelak nai hataholi kamahehelek manai Yerusalem ma dalek.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 4:10

Emi esa-esak sipo basa baba'e-babati mata-mata kala neme Manetualain mai so. Hu ndia de, emi da'dileo hataholi mana ito-ato malole neu Manetualain baba'e-babatin sila la, ela leo bee na emi pake baba'e-babatik sila la soaneu emi basa-basa mala paluu ma.