1 PETRUS 3:13 - Susula Malalaok Hehelu Palak Ma Hehelu Beuk

¹³ Metema emi tatao-nono'im malole soona, see ka nde napalani tao mangalauk neu emi a?

1 PETRUS 3:13 Referans Kwoze

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

1 TESALONIKA 5:15

Manea matalolole, fo boso nalosak nggelok balas mangalauk neu nggelok. Sanga enok, fo daenga esa tao malole neu esa nakandoo, ma neu basa hataholi lala'ena.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

3 YOHANIS 1:11

Tolanoo susue ngo nei! Boso nanadulak neme hata mangalau ka mai, te nanadulak neme ka'da hata malole a. Hataholi mana tao malole a, hataholi ndia, Manetualain hataholin. Ma hataholi mana tao mangalau ka, hataholi ndia beita nalelak Manetualain fa.

MAZMUR 38:20

Hataholi manamusu loo au-a, makadotok ma balakaik mesa-mesan, ala ta lahiik au so'dang-nga, eno-dalan fa.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

1 KORINTUS 14:1

Ela leo bee na emi sanga enok fo sue-lai hataholi fe'ek. Ma sanga enok boe, soaneu sipo baba'e-babatik fo Manetualain Dula Dale na fe kala, fo paluu nanseli a nde, be'ibalakaik soaneu tui-benga Manetualain dale tutu'u na neu hataholi daebafa ka.

ROMA 13:3

Nana, hataholi manatao malole a, ta paluu bii manapaleta fa. Ka'da hataholi manatao mangalau ka nde muse ana bii. Metema emi nau fo ela emi boso bii neu manapaleta soona, emi muse tao malole, fo emi nanakoa-kiok.

AMSAL 15:9

Manetualain ta hii hataholi malelesik-ka so'dan-na eno-dalan fa, tehu Ana sue-lai hataholi manasanga enok, fo tao-no'i hihii-nanaun-na.

EFESUS 5:1

Emi nde bee na, Manetualai nana susuen. Hu ndia de, emi muse sanga enok fo tunga Manetualain heheo-hihilun.

AMSAL 12:21

Hataholi malole-a, neukose soe ta la'e fan; tehu hataholi mangalauk-ka, neukose susa la'en tataas esa.

YEREMIA 39:12

“Mu sanga Yeremia, fo manea matalololen. Boso taon le'e esa boen; tao-no'i hata fo ana nokek-kala.”

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.