1 PETRUS 3:10 - Susula Malalaok Hehelu Palak Ma Hehelu Beuk

¹⁰ Nai Susula Malalaok dale nanasulak nae leo ia, “See nau hapu so'dak ma ana nau la'oladi fai-fai malole, soona muse nanea bafa na, fo daenga ana boso kokolak dede'a-kokola mangalauk, ma boso kokolak dede'a masapepeko-masandandalik.

1 PETRUS 3:10 Referans Kwoze

YAKOBIS 1:26

Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.

1 PETRUS 2:22

Ana beita tao nita salak, ma beita hapu hataholi namanenen, nasapepeko-nasandandali fa.

1 PETRUS 2:1

Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.

NINITAK 14:5

Ala beita lasapepeko-lasandandali lita fa, ma ta hapu bu'u-ba'ek faa anak nai hataholi sila la fa.

YOHANIS 1:47

Yesus nita Natanael mai boema, nafa'dan nae, “Mete mitak hataholi Israel matetu ka nde ndia. Ta nanasese'do-babalik fa.”

YOHANIS 12:25

Hataholi manasue-lai maso'da na, neukose namopo maso'da na. Tehu hataholi fo namopo maso'da na nai daebafak ia, neukose nakaboboi maso'da na, soaneu maso'da matetu ka ma manaketu basa ta ka.

AMSAL 8:35

Se hapu au soona, ana hapu maso'dak-ka, soona nanda neu Manetualain.

AMSAL 3:2

fo ela o hapu teu naluk, ma o so'dam-ma tetu-temak.

MATEOS 19:17

Boema Yesus nataa nae, “Tao le'e de o matane Au la'eneu hata bee ka nde malole a? Hapu ka'da Esa mesa kana nde malole a. Metema o hii maso'da soona, o muse tao tunga Manetualain paleta nala.”

AMSAL 4:22

Hataholi manabubuluk-kana, neukose naso'da, ma so'da-la'dak.

AMSAL 3:18

Hataholi fo, ana ho'u nahele manatee-tenok-ka, neukose ana hapu so'da matetuk ma maua-manalek-ka.

MARKUS 8:35

Nana hataholi fo ana nau ho'u nahele so'da na, neukose namopo so'da na. Tehu hataholi fo ana tunu-hotu so'da na soaneu Au, ma soaneu Hala Malole fo neme Manetualain mai soona, neukose ana hapu so'da na.

MAZMUR 49:19

Nakalenak, metema hataholi esa, ua-nalen malole nai maso'dan-na dalek, fo nanakoa-nanakiok nanahu ua-nale malolen-na soona,

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

AYUB 33:28

Manetualain ta nau au u leo hataholi manamatek-ka, daebafan-na u fa, nalosa besak ia, au bei aso'da.

AYUB 9:25

Au fai maso'dang-nga, sapu-lalo no lai-laik nanseli, boema mopok-kana, ta no ua-nale malole fa.

ULANGAN 32:47

Nana, nanolik sila-la, ta hala kokola louk fa, te emi so'dam-ma nde ndia. Tunga basa paleta sila-la, fo ela emi hapu teunaluk nai nusak fo, ta dook-ka so'on te, emi mangatuu-man nai Lee Yarden-na selik.”

PENGKHOTBAH 2:3

Au hihii-nanaung nakatutuluk au, fo au da'di hataholi dodole da'uk, ma au daleng-nga kisak soaneu amahoko-setelee nenik au inu angol ma tao feta dote. Au ae daenga, ndia nde enok malole ba'eneu hataholi daebafak-ka, fo ana bubuluk maso'dan-na keke'uanak nai daebafak ia.

MAZMUR 106:5

Ela leo bee-na, au ita O hataholi hehelem-mala tetu-teman, ma amahoko sama-sama o, O anam-mala. Ela leo bee-na, au daleng-nga namatua, ma amahoko-setelee, sama-sama o, hataholi fo ala da'di O nuum so.

AYUB 2:4

Tehu, Nitu-a nataa nae, “Maso'dak ma so'da-la'dak-ka, belin-na lena heni hata-heto. Hataholi daebafak-ka, nau fe heni basa hata-heton lala'en-na, sa'di ana hapu naso'da nahele.