1 PETRUS 2:9 - Susula Malalaok Hehelu Palak Ma Hehelu Beuk

⁹ Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

1 PETRUS 2:9 Referans Kwoze

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

NINITAK 1:6

boema nakadada'dik ita da'di leoina hehelik fo talalau-taoono Manetualain fo Ama na sama leo imam-imam. Yesus Kristus ndia matua-madema ma manakoasa losa dodo na. Amin!

NINITAK 5:10

O taos da'di leoina esa hehelik fo lalalau-laoono ita Manetualain ma ala paleta nai daebafa ka.”

YESAYA 61:6

Neukose loke emi soona lae, Manetualain atan-na ma nanafoik na'de ita Manetualain atan-na. Neukose emi mame'da mita, leoinak-kala su'i-beten, ma emi dalem-ma namatua nanahu sila hata-heton.

2 TIMOTIUS 1:9

Manetualain soi-tefa nala ita, ma nalo ita, fo ela ita da'di Ndia hataholi kamahehelen. Ana tao leondiak nana, ta hu ka nde, hata fo ita tao-no'in fa, te hu ka nde, tunga dale tutu'u mesa na, ma susue-lalain, de ita tunga Yesus Kristus, te daebafak ia beita nananakada'dik fa.

ULANGAN 14:2

Emi nde been-na, emiManetualaim-ma nuun emi; neme basa leoina fo manai daebafak ia lala'en-na, emi nde, Manetualain helen, soaneu da'di Ndia anan-nala.”

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

ULANGAN 10:15

Tehu Manetualain susue-lalain ba'un-na seli, neu emi bei-ba'i kaim-mala, nalosa neme basa leoina lala'en-na, Ana helek-ka nde emi, de losa besak ia boeo, emi da'di Ndia ana hehelen.

YESAYA 26:2

Soiheni lelesuina-la leona, fo ela leoina manalilinekak-kala masok, leoina fo, tao tunga ndia Manetualain-na hihii-nanaun.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

NINITAK 20:6

Maua-manalek neu hataholi fo nanatao naso'da falik nai kala'i makasososan ndia. Sila landaa da'di Manetualain nuun. Mamate kala'i dua, ana ta koasa sila so'on. Neukose ala da'di Manetualain ima mala, ma Kristus ima mala, ma neukose ala paleta sama-sama lon teuk lifun esa dale na.

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

KOLOSE 1:13

Ana soi nala ita teme koasa makahatu ka mai, boema no ita leo Manetualain Ana susue na, nusan dale neu.

1 KORINTUS 3:17

Metema hapu hataholi tao nalutu Manetualain uma na soona, neukose Manetualain boeo tao nalutu hataholi ndia. Nana Manetualain uma na nde bee na, soaneu ka'da Manetualain mesa kana, fo emi nde uma ndia.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

YESAYA 66:21

Neukose Au tao sila nggelok, da'di imam ma hataholi Lewi.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YESAYA 41:8

Tehu o, Israel, Au atang, fo Au ana heheleng-nga, o tititi-nonosik neme Au tia-laing Abraham mai.

YESAYA 9:2

Manetualain, O fes namahoko matuaina, O taom-malas eeki-latadale. Lamahoko-setelee nanahu O dale malolem-ma, sama leo hataholi fo namahoko-setelee nai lelek fai ketu-kolun-na, do nai lelek ala baba'e bua kakalok-kala.

FILIPI 3:14

Hu ndia de au alaik akandoo losa mate'e na, fo au sengi, soona au hapu so'dak manai nusa so'da ka; hu no enok ndia de, Manetualain nalo ita tunga Kristus Yesus.

YESAYA 44:1

Manetualain nafa'da nae, “Mamanene leona, hai Au atang Yakob, hai Israel, fo Au hataholi heheleng-nga!

MATEOS 4:16

Hataholi fo naso'da nai makahatuk dale a, Lita mangale'do mandela-masa'a ka so! Ba'eneu hataholi fo ana leo nai nusa makahatuk ma mamate sa dale ka, mangale'do ka sa'a na tii-to'da mai so!”

LUKAS 1:79

leondiak boe, Ana fe mangale'do na neu basa hataholi fo laso'da nai makahatu ka dalek ma bibii-namata'u ka. Ana hela-nole ita leo enok fo manaleo mole-dame neu.”

MAZMUR 106:5

Ela leo bee-na, au ita O hataholi hehelem-mala tetu-teman, ma amahoko sama-sama o, O anam-mala. Ela leo bee-na, au daleng-nga namatua, ma amahoko-setelee, sama-sama o, hataholi fo ala da'di O nuum so.

ROMA 9:24

Ita nde nalo basa ka, ta ka'da neme leoina Yahudi la mai fa, te nalo neme hataholi fe'e kala boe.

HATAHOLI 26:28

Boema Agripa nafa'da Paulus nae, “O maedaenga mu'dak la'iesa kana o tao ma au da'di hataholi Salanik ka'da nai fai nggenggeloanak esa mesa kana do?”

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

MAZMUR 73:15

Leouni'ka, au kokolak ae leondia soona, au ke'di-ndiu o anam-mala bobongin-nala.

MAZMUR 22:30

Basa hataholi matua-la, neukose ala sene-do'ok lai matan-na, basa hataholi daebafak fo, manasapu-manalalok-kala, neukose ala sene-do'ok-kana.

EFESUS 1:14

Dula dalek ndia nde da'di, bua nape'dak esa nae, neukose ita sipo hata fo Manetualain helu basan neu hataholi kamahehele nala so. Dede'ak ndia nini namahehelek fe ita nae, neukose Manetualain soi-tefa na, hataholi kamahehele nala. Koa-kio Manetualain, nanahu matua-madema na!

YOHANIS 17:19

Au fe Au ao ina nga da'dileo Ama ka nuu hehelin, soaneu sila paluu na, fo ela sila boeo, ala da'di Ama ka nuu hehelin, tunga eno ndo sa.

EFESUS 3:21

Ela leo bee na Manetualain nanakoa-kiok neme bobongik-leo bobongik neu, nai hataholi kamahehele ka dalek, tunga Kristus Yesus. Kokoa-kikiok neu Manetualain losa dodoo na! Amin.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so

MAZMUR 118:27

Amak-ka nde bee-na, Manetualain, dalen-na malole neu ita. Tutulumatak, fo la'ok nongo-nongo, ma ho'u ai ndanak nai emi limam-ma, fo okofeo-ma, Manetualain mei tutunu-hohotun-na.

MAZMUR 135:4

Ana hele Yakob ba'eneu Ndia, ma Ana tao hataholi Israel-la, da'di Ndia nuun.

YESAYA 62:12

Neukose, sila nanafoik na'de: ‘Hataholi malalao-malalafuk’; Hataholi fo, ‘Manetualain soi-tefa-nalas’. Neukose, loke Yerusalem lae, ‘Kota fo Manetualain dalen-na, tu'da neun’, ‘Kota fo Manetualain ta la'oelan so'on’.”

MALEAKHI 3:17

Manetualain Fo Manakoasa, nafa'da nae, “Neukose ala da'di Au anang-ngala. Nai faik fo Au aketu-ala'di, neukose ala da'di Au hata-heto susue-lalaing. Neukose Au sue-lais, sama leo amak manasue-lai anan fo manaleo non-na.

ULANGAN 18:2

Sila ta bole lanuu dae sama leo, leo fe'ek-kala fa, nana Manetualain nde da'di, sila baba'en-na, sama leo Manetualain helu basan neu sila so.