1 PETRUS 1:3 - Susula Malalaok Hehelu Palak Ma Hehelu Beuk

³ Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

1 PETRUS 1:3 Referans Kwoze

1 PETRUS 1:23

Nanahu tunga Manetualain dede'a-kokola maso'dan ma mana ketu basa tak ndia, de nakadada'dik emi da'dileo hataholi nanabongi nasafalik, fo ta nanabongik neme hataholi daebafak mai fa, te neme Amak fo mana ketu basa ta ka mai.

1 YOHANIS 5:4

Nana basa Manetualai nana nala, lapalani sengi daebafa mangalauk ia. Ita sengi daebafa ka ninik ka'da ita namahehele na.

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

2 KORINTUS 1:3

Koa-kio Manetualain fo ita Lamatuan Yesus Kristus Aman. Ndia Amak fo dale na malole nanseli, ma Ndia Manetualain basa oe mata manakokoe-nanasik lala'ena.

1 YOHANIS 3:3

Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.

ROMA 12:12

Ela leo bee na mamahena neu ka'da Lamatua ka no namahokok, boso haelai mamanasa nai toto'a-tataa ka dalek, ma hule-haladoi mahele.

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

KELUARAN 34:6

Basa boema Manetualain la'ok leo Musa uluk neu, de nafa'da nae, “Au Manetualain, nde been-na Manetualain fo dalen-na henuk no dale malole ma susue-lalaik. Au susue-lalaing sasi kao-kao, Au manalilinekak ma ta haelai namanasa fa.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

1 PETRUS 3:21

Naa, mana da'dik ndia, nalupa nakandandaak esa, neme oe salanik fo besak ia, nini so'dak fe emi. Tehu salanik ndia ta nde tao balisi hataholi a ao paa na neme manggenggeo na mai fa, te nalupa emi hehelu-balatam neu Manetualain no dale katema tuak. Salanik ndia nini so'dak fe emi, nanahu Yesus Kristus naso'da falik neme mamate sa mai de,

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

1 TIMOTIUS 1:14

Ma nakalenak bai, ita Lamatua na, Ana fe la'iesak susue-lalain neu au. Ana fe au be'i balakaik, fo au amahelen, ma au sue-lai au nonoo hataholi ngala. Ana fe, be'i balakaik ndia neu basa ita fo manda'di esa to Kristus Yesus a.

EFESUS 2:4

Tehu Manetualain dale malole na, ba'u na seli! Ana sue na ita ba'u na seli,

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

1 KORINTUS 15:20

Tehu nananitak, Kristus nanatao naso'da falik neme mamate sa mai so. Ia nde da'di bua nape'dak esa nae, hataholi manamate basa kala, neukose nanatao naso'da falik.

1 KORINTUS 13:13

Da'di soaneu hatematak ia, hapu dede'ak telu fo ita muse tao-no'i taheles fo nde: namahele ka, namahena ka, ma nasue-nalai ao ka. Neme dede'a ka teluk sila la, fo nanapaluu nanseli a nde, sue-lai hataholi fe'ek.

1 YOHANIS 3:9

Metema Manetualai nanan see soona, hataholi ndia ta bole tao sala-singok nakandondoo henin fa, nana Manetualain ha'da-tataon nai hataholi ndia dalen dale. Boema hu ka nde hataholi ndia aman nde Manetualain, de ana boso boe tao sala-singok nakandondoo henin bai.

1 PETRUS 2:2

Te ela leo bee na, emi da'di ni'iana nanabongi beuk, fo ana maa ma'da neu su'u oe matetu ka tataas esa. No enok ndia, neukose emi moli-da'di ma nanasoi tefak.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

ROMA 8:24

Nana, hu ka nde namahehena ka de, ita hapu so'da ka. Tehu metema ita tita hata fo ita tamahenak ndia soona, namahehenak ta ndia so'on. Nana ita tita hata fo ita tamahena ka so, na ita bei tamahena seluk beek bai?

ROMA 8:11

Metema Manetualain Dula Dalen fo manatao naso'da falik Kristus neme mamate sa mai ndia, naso'da nai emi dalem dale soona, Ndia fo manatao naso'da falik Kristus neme mamate sa mai ndia, neukose Ana tao naso'da falik emi ao paa manamatem ndia boe. Ana tao naso'da falik emi ninik Dula Dalen manai emi dalem dale a.

YOHANIS 1:13

Fo hataholi daebafak ta nde bongi nana fa, nanahu so'da beuk ndia, ana da'di neme Manetualain mai.

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

1 YOHANIS 5:18

Ita bubuluk boeo, basa Manetualai nana nala lala'ena, boso tao sala-singok lakandondoo henin, hu ka nde lamahena Manetualain nasulu-nahapas de Hataholi Mangalauk ndia ta taos le'e esa boen.

1 YOHANIS 5:1

Metema see namahele Mane Mana Fe So'dak fo Manetualain helu ka, fo nde Yesus soona, Manetualai nanan hataholi ndia. Boema metema hataholi a ana sue-lai amak esa, soona ana sue-lai ana na boe.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

ROMA 5:10

Nai lelek fo ita musu to Manetualai na, Kristus mamate na nini mole-dame fe ita to Manetualain, nakalenak bai, besak ia ita to Manetualain da'di esa so, de tao leo beeo Ana fe ita so'dak tunga Kristus so'da na boe.

ROMA 4:25

Yesus ndia nanafe henik soaneu nanataonisak nanahu ita sala-singo nala; boema Manetualain tao naso'da fali kana, soaneu Ana soi enok fe ita malole falik to Manetualain.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

MAZMUR 41:13

O tulu-fali au, nanahu au daleng-nga ndoos, ma ana tao-na au aso'da sama-sama o O, losa dodo-na.

1 TAWARIKH 29:20

Ana hule-haladoi basa nae leondia boema, nafa'da hataholi makadotok fo manamaka bubuak manai sila-la nae, “Koa-kio emi Manetualain leona.” Boema basa hataholi sila-la koa-kio Amak, Manetualain fo sila bei-ba'i kain sene-do'ok-ka. Boema ala sene-do'ok soaneu fe ha'da-holomata neu Manetualain ma manek-ka.

1RAJA-RAJA 8:15

Ana nafa'da nae, “Makahulun-na Manetualain naheluk basa no au amang Dauk nae leo ia: ‘Lelek Au oo Au anang-ngala kalua leme Masir mai, nai basa nusa Israel-la lala'en-na, ta hapu kota esa boen fo Au helen da'di mamanak, fo nai bee muse nafofo'a uma soaneu mamana hule-haladoik neu Au. Tehu o, Dauk, Au helen soaneu paleta Au anang-ngala.’ Kokoa-kikiok ba'eneu Israel Manetualain fo Ana tao natetu hehelu-balataan ndia so!”

1 YOHANIS 4:7

Tolano susue-lalai ngala lemin! Mai fo tasue-talai ao leona, nana susue-lalaik ndia, ana da'di neme Manetualain mai. Hataholi mana sue-lai ka, ana da'di Manetualai nanan, hu ndia de nalelak Manetualain.

1 TESALONIKA 4:13

Tolano-tolanoo ngala lemin! Ami nau emi bubuluk matalolole, hata da'di soaneu hataholi mana mate basa kala; fo ela emi dale ma boso he'di sa, sama leo hataholi fo ala ta lamahena leo lakabubua lo Manetualai na fa.

GALATIA 6:16

Ba'eneu hataholi fo laso'da tunga dale nakeketu leondia ka, ma ba'eneu Manetualain hataholi kamahehelen lala'ena, au amahena, ela leo bee na, Manetualain fes so'da-molek ma susue-lalai na.

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 PETRUS 3:5

Makahulun eli, inak fo lamahele ma lamahena neu Manetualai na, ala bubu'u-dada'a ao ina nala ninik, ala tunga saotou nala paleta na.

1 PETRUS 3:15

Tehu nai emi dalem dale, ela leo bee na emi fe Kristus ha'da-holomata hehelik fo nandaa no nangatutuu na da'dileo Lamatua ka. Ma ela leo bee na emi mahehele aom tataas esa, soaneu emi fe natataak neu hataholi see fo natane, la'eneu emi namahehena ma.

2TAWARIKH 31:8

Manek Hizkia no hataholi mana'a ngga'din-nala lita tutulu-fafalik makadotok sila-la boema, ala koa-kio Manetualain ma ala koa-kio laun Israel fo Manetualain anan-nala.