1 PETRUS 1:1 - Susula Malalaok Hehelu Palak Ma Hehelu Beuk

^1-2 Tolano-tolanook fo Manetualain hataholi kamahehele susue-lalain fo manai dae sepo-danga nai nusa Pontus, Galatia, Kapadokia, Asia ma Bitinia la lemin! Au, Petrus, fo Yesus Kristus hataholi nadedenu na, au amahena ela leo bee na, Manetualain baba'e-papalan ma so'da-mole mana sasikao-kao na, Ana fen neu emi basa-basa mala. Emi nanahele basak da'di Manetualain hataholi kamahehelen, fo nandaa no Amak Manetualain dale tutu'u na. Ma Manetualain Dula Dale na, nakadada'dik basa emi, da'di hataholi kamahehele malalaok ma susuek, soaneu Manetualain mesa kana, fo ela emi tunga Yesus Kristus, fo manatao nalalao emi ninik daa na.

1 PETRUS 1:1 Referans Kwoze

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

EFESUS 2:19

Hu ndia de, emi ta masok hataholi mana mai do hataholi deak so'on. Besak ia, emi da'di hataholi kamahehelek sama-sama moo Manetualain hataholi kamahehele nala so. Emi nde bee na, Manetualain tei dale nala.

MAZMUR 44:11

O po'ilotak ami malai neme ami musum-ma mai, de ala kalo leni ami hata-hetom-mala.

HATAHOLI 8:4

Hataholi kamahehelek fo mana tapasasalak sila la tui-benga Manetualain Hala Malole na leo basa mamanak lala'ena.

YOHANIS 11:52

Boema ta ka'da soaneu leoina Yahudi la mesa kasa fa, tehu soaneu Ana tao nakabubua Manetualain ana mana tapasasala nala.

MATEOS 24:22

Leo uni ka Manetualain ta tao keke'u fai na fa soona, ta hapu hataholi esa boen hapu naso'da fa. Te hu ka nde hataholi kamahehele nala, de Manetualain tao keke'u le'do-fai ndia.

1 PETRUS 2:11

Tolanoo susue-lalai ngala lemin! Emi ia, hataholi mana mai, ma mana sepo-danga nai daebafak ia. Hu ndia de, au oke anseli, fo ela emi boso tunga nasa-melu daebafa ka, fo matati soaneu la'ban samane ka tataas esa.

ESTER 3:8

Boema, Haman nafa'da manek-ka nae, “Ama Manek, hapu leoina matabeuk esa nai basa nusak ia propensin-nala. Ha'dan-nala fe'ek nanseli, no leoina fe'ek-kala. Ala ta tunga nusak-ka hoholo-lalanen-nala fa. Da'di, malole lenak, Ama Manek boso po'ilotak-kasa, fo ala tao tunga ka'da sila dale hihii-nanaun mesan-na.

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

EFESUS 2:12

Nai lelek ndia, emi ta da'di esa mo Kristus fa. Emi nde bee na, hataholi manamai, fo emi ta masok nai Manetualain hataholi kamahehele nala dalek fa. Emi ta masok nai Manetualain hehelu-balataan fo Ana taon no hataholi kamahehele nala dalek fa. Emi maso'da nai daebafa ka, ta no namahehenak ma ta no Manetualain.

2 KORINTUS 1:8

Tolano-tolanoo ngala lemin! Ami nau emi bubuluk la'eneu toto'a-tataak fo ami la'ola'din nai nusa Asia. Doidosok fo ami lu'a-lepak ndia, ana ne'e nambela ami de nalosa ami ta mamahena neukose maso'da so'ok;

HATAHOLI 18:2

Ana losa ndia boema, natongo no hataholi Yahudi esa na'de Akwila, neme nusa Pontu sa mai. Akwila no saon Priskila besa ka leme Italia mai. Ala leo Korintus leu nana, Kesel Klaudiu sa nadenu basa hataholi Yahudi la kalua leme nusa Roma mai. Boema Paulus neu donge-dama duas,

YESKIAL 6:8

Neukose, Au fe sila lumanak, lala kanisak ndia deak, tehu neukose sila nanatao tapasasalak nai leoina-la tala'da;

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

2 TIMOTIUS 1:15

O bubuluk basa, hataholi manai nusa Asia, ala la'oela au so, fo Figelus no Hermogenes lai dalek boe.

1 KORINTUS 16:19

Hataholi kamahehelek manai Asia la, landuku-lalosak sila nate'a na neu emi. Akwila ma Priskila boema hataholi kamahehelek fo lakabubua nai duas uma na boeo, ala haitua fe emi nate'ak boe.

HATAHOLI 19:10

Ana tao leondiak nakandondoohenin teuk dua dale na, de nalosa basa hataholi mana leo nai propensi Asia, nau hataholi Yahudi do hataholi leoina fe'e kala, basa-basas lamanene Lamatua ka dede'a-kokolan.

HATAHOLI 18:23

Ana leo faik de'ubee neme ndia boema, ala la'o seluk de neu donge-dama hataholi salanik manai nusa Galatia no Frigia, fo natetea-nahehele hataholi kamahehelek sila la namahehele nala.

HATAHOLI 6:9

Tehu hapu hataholi la'ban Stefanus; fo uma mamasok esa hataholin sila. Uma mamasok ndia na'de, Hataholi Nanapo'ilota kala Uma Mamason. Uma mamasok ndia hataholi nala hataholi Yahudi, fo leme Kirene ma Aleksandria mai. Hataholi sila la lo hataholi Yahudi maleme Kilikia ma Asia la lase'i lo Stefanus.

YOHANIS 7:35

Boema basa manakoasa Yahudi la esa kokolak no esa nae, “Te Hataholi ia, ana sanga neu leo bee neu, de nalosak nae, ita ta hapu tatotongo ton so'on? Ade, Ana sanga neu leo hataholi Yahudi manaleo nai nusadea, fo nai hataholi Yunani la dalek, fo sue ka nde nanoli hataholi Yunani sila la do?

MATEOS 10:2

Ana mana tunga kasanahulu duak sila la, na'de nala nde ia: makasososa na, Simon fo loken lae Petrus boe no tolanoon Anderias, boema Yakobis no tolanoon Yohanis, fo Zebedeus ana nala.

MATEOS 4:18

Lelek fo Yesus la'o-la'o neme Dano Galilea su'u na, boema nita mana dolu-dala dua; esa na'de Simon, fo loken lae, Petrus boe, no fa'din Anderias. Duas dala i'ak leme dano dale.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

ULANGAN 32:26

Au hii tao amopo-amate la'iesak-kasa, fo ela mopo na'den-nala.

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?