1 KORINTUS 4:9 - Susula Malalaok Hehelu Palak Ma Hehelu Beuk

⁹ Nana tunga au hahapu nga soona, ami hataholi nadedenuk fo Manetualain nakadada'dik basa ami dadi leo buas esa, fo lanilun nai hataholi daebafa ka ma ata nusa so'da kala matan. Ami sama na leo hataholi matasi'da-matasaik, fo laketu hukulisan nai lea matan, fo daebafa ka hika-natadale ami.

1 KORINTUS 4:9 Referans Kwoze

IBRANI 10:33

Hapu fai na emi nananakamumulu-nakamamaek, ma nanataok no ta malole nai lea matan. Boeo hapu fai na emi doidoso mo sila fo nanatao leondia ka.

ROMA 8:36

Nai Susula Malalaok dale nanasulak nae leoia, “Fai katemak esa ami maso'da nai susa-soe mamate sa dalek nanahu O. Ala tao ami sama leo bi'ilopo fo sanga do'don.”

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

1 TESALONIKA 3:3

No enok ndia, ta hapu hataholi esa boen neme emi mai a, nakadedeak hu ka nde ita doi-doson ia la. Emi bubuluk, doidosok sila la, nanalekek nai Manetualain dale tutu'u na dalek, soaneu ita.

2 KORINTUS 6:9

Ami ta nananita-nalelak fa, tehu da'dileo hataholi nadedenuk lita-lalelak ami. Laedaenga ami manamatek, te see ko na ami bei maso'dak. Leomae ami nanafepa-li'uk, te ami ta mate fa.

HATAHOLI 19:31

Nusa Asia hataholi matua-mademan de'ubee, ala tao tiak lo Paulus. De ladenu hataholi neu nafa'da Paulus, fo daenga boso natu'du ao na nai mook ndia dalek.

HATAHOLI 19:29

Boema tasi'bu ndia namaloa losa leo basa kota lala'ena neu. Basa boema hataholi mana tao tasi'bu sila la, ala ho'u la Gayus ma Aristarkhus, fo hataholi Makedonia mana la'ok lo Paulu sa de ala lele'a-lolosos leo mook esa nai kota ndia.

MAZMUR 44:22

tao leo bee-o, neukose Ana bubuluk-kana, nana Ana bubuluk dede'a nananafunik manai ami dalem dale-a.

MAZMUR 71:7

Au so'dang-nga, da'di nana'dak ba'eneu hataholi makadotok, nana O nde, au manamasulu-mahapang fo, mabe'i-balakaik.

YEREMIA 20:18

Tao le'e de au muse nanabongik? Ka'da soaneu toto'ak-tataak-ka do? Ma fo ela au so'dang-nga mopo nakandondok-kana nai mamaek-ka dalek do?

1 KORINTUS 15:19

Metema ita namahehenan neu Kristu sa, nate'e ka'da ita maso'dan manai daebafak ia soona, neme basa hataholi daebafak manai daebafak ia lala'ena, ita nde susa-soen ba'una seli!

2 KORINTUS 11:23

Metema sila lamatutua-lamadedema ao nala da'dileo Kristus? Malalau-maoonon soona, au lena seluk bai. Meten soona au samaleo hataholi nggoak nai lelek au afa'da dede'ak ndia. Tehu memak au aue-ale'di sota-mate lena, nasi'a ala tao au leo bui dale neu, la'iba'u ka ala tao la au doidoso ma nasi'a hihii nae mate au.