1 KORINTUS 2:16 - Susula Malalaok Hehelu Palak Ma Hehelu Beuk

¹⁶ Nai Susula Malalaok dale nanasulak nae, “See ka nde bubuluk Manetualain dudu'a-aafin? Ma see ka nde napalani nanoli-nafa'da nana?” Ita nde tanuu dudu'a-aafik fo sama no Kristu sa!

1 KORINTUS 2:16 Referans Kwoze

ROMA 11:34

Nai Susula Malalaok dale nanasulak nae leo ia, “See ka nde bubuluk Manetualain dudu'a-aafin? See ka nde fe nanoli-nafa'dak neu Manetualain?

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

AYUB 15:8

Ade, o mamanene Manetualain tao dale tutu'un-na do? Ade, ka'da o mesam-ma nde, manuu hataholi daebafak-ka manatee-tenon-na do?

YEREMIA 23:18

Au afa'da ae, “Ta hapu hataholi esa boen neme nabi sila-la, ala bubuluk hata fo manape'da-fuak nai Manetualain dudu'a-aafin dale. Ta hapu neme sila mai-a lamanene hai, ma ala bubuluk ndia dudu'a-aafi manamain-na fa; Ta hapu fo mana tao afik do mana tao malole neu ndia dede'a-kokolan boen.

KEJADIAN 1:12

Leondiak dae-a, ana kalua basa manamoli mata-matak lala'en-na. De Manetualain nita manada'dik ndia, boema namahoko.

1 KORINTUS 12:8

Dula Dalek ndia fe be'ibalakaik neu hataholi esa fo ana kokolak ninik heohak. Neu fe'e kala soona, Dula Dalek fo sama ndia, ana fen be'ibalakaik fo lafa'da mangalele'do see Manetualain ndia.