1 KORINTUS 1:4 - Susula Malalaok Hehelu Palak Ma Hehelu Beuk

⁴ Au oke makasi tataas esa neu Manetualain soaneu emi, nana emi sipo basa baba'e-papalak neme Manetualain tunga Kristus Yesus so.

1 KORINTUS 1:4 Referans Kwoze

ROMA 1:8

Au oke makasi makasososa neu Manetualain tunga Yesus Kristus, hu ka nde tolanoo kala. Nana basa daebafa ka lala'ena, lamanene basa lae, emi mamahele te'e-te'e neu Kristus so.

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

1 TIMOTIUS 1:14

Ma nakalenak bai, ita Lamatua na, Ana fe la'iesak susue-lalain neu au. Ana fe au be'i balakaik, fo au amahelen, ma au sue-lai au nonoo hataholi ngala. Ana fe, be'i balakaik ndia neu basa ita fo manda'di esa to Kristus Yesus a.

ROMA 6:17

Tehu moke makasi neu Manetualain! Nana makahulu na, emi da'di sala-singo ka atan, tehu besak ia emi tunga nanoli ndoos fo lanoli emi no dale katematuak.

YOHANIS 15:26

Neukose Au adenu Mana Tulu-Fali ka neme Ama ka mai, soaneu emi. Ndia nde Dula Dalek fo neukose nafa'da ndos la'eneu Manetualain. Metema Ana mai soona, neukose Ana fe sakasii la'eneu Au.

YOHANIS 14:16

neukose Au oke Ama ka fo Ana fe emi, Mana Tulu-Fali fe'ek esa, fo ana leo nakabubua no emi losa dodoo na.

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.

YOHANIS 14:14

Hata fo emi moken minik Au na'de nga soona, neukose Au fe emi.”

YOHANIS 10:30

Au ma Ama ka nde bee na, esa.”

HATAHOLI 21:20

Lamanene Paulus tutuin ndia boema basa-basas koa-kio Manetualain. Basa boema lafa'da Paulus lae, “Tolanoo Paulus! Tolanoo ka muse bubuluk te, hataholi Yahudi la lifu-lifun lamahele Yesus so. Basa-basas tunga Musa hoholo-lalanen no manggatek.

MATEOS 19:11

Yesus nataa nae, “Ta basa hataholi la hapu sipok dede'ak ndia fa. Ka'da hataholi fo Manetualain naketu basa kala dei.