1 KORINTUS 1:13 - Susula Malalaok Hehelu Palak Ma Hehelu Beuk

¹³ Hapu nai bee, Kristus nanababa'ek! Paulus ta mate nanalona-nggangek soaneu emi fa! Emi boeo ta nanasalanik soaneu da'di Paulus ana manatungan fa hetu?

1 KORINTUS 1:13 Referans Kwoze

EFESUS 4:5

Hapu ka'da Lamatuak esa, namahehelek esa, ma oe salanik esa,

2 KORINTUS 11:4

Nana meten soona, ka'da emi mamahoko sipo hataholi mai fo nanoli emi Yesus fe'ek, te ta Yesus fo ami tui-bengan neu emi ndia fa. Ma emi boeo nau sipo dula dalek ma hala malole fo fe'ek nanseli no Manetualain Dula Dale na, ma Hala Malole fo emi sipo hain neme ami so.

HATAHOLI 2:38

Boema Petrus nafa'das nae, “Tukatei-saledale meme emi sala-singom mai leona, ma ela leo bee na salani emi ninik Yesus Kristus na'de na; fo ela emi sala-singom hapu do'o do ampon. Soona neukose Manetualain fe hiik Dula Dale na neu emi.

1 KORINTUS 10:2

Soaneu da'di Musa ana manatunga nala de basa-basas lala'ena nanasalanik nai ko'as dale ma nai tasi ndia dalek.

HATAHOLI 19:5

Hataholi sila la lamanene dede'ak ndia boema, ala nau salani sila ninik Yesus na'de na.

HATAHOLI 10:48

Boema Petrus nadenu salani hataholi sila la ninik Yesus Kristus na'de na. Basa ndia boema lafa'da Petrus, fo ana leo nos faik de'ubee dale na.

GALATIA 1:7

Tunga ndo na, ta hapu “hala malole fe'ek” fa. Te hapu ka'da hataholi tui-benga fe emi “hala malole” fe'ek la'eneu Kristus. Fo ala tui-benga popo'de-papaik de, nalosa ala tao tasibu emi.

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 KORINTUS 1:15

Da'di boso nalosak hataholi esa boen nafa'da nae, au salani basa ndia soaneu da'di au ana manatungan. (

ROMA 14:9

Kristus mate de naso'da falik so. Hu ndia de Ana da'di Lamatuak soaneu hataholi maso'da kala ma soaneu hataholi manamate basa kala boe.

HATAHOLI 8:16

nana Manetualain Dula Dale na beita koasa na hataholi sila la esa boen; hataholi sila la besa ka nanasalanik ninik ka'da Lamatuak Yesus na'de na.

MATEOS 3:6

Ala manaku sala-singo nala, de Yohanis salanis leme Lee Yarde na.