SEMUEL SUSULAK-KA ESAN-NA 6:5 - Susula Malalaok Hehelu Palak Ma Hehelu Beuk

⁵ Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.

SEMUEL SUSULAK-KA ESAN-NA 6:5 Referans Kwoze

YOSUA 7:19

Yosua nafa'da Akhan nae, “Anang-ngonei, makaheik, fo mafa'da no mangale'dok nai ia, nai Manetualain fo Israel Manetualain-na matan, o taon beek so. Mafa'dan neu au, fo boso mafunin.”

SEMUEL SUSULAK-KA ESAN-NA 5:11

Hu ndia de, laloo basa Filistin manen-nala, fo lakabubua, boema lafa'da lae, “Meni falik Israel Manetualain-na, Peti Hehelu-balataan ndia leo mamana makasososan-na neu, fo daenga ana boso taonisa ita ma ita teidale-bobongin-nala.” Lapangamak-ka da'di nai kota dale lala'en-na, nanahu Manetualain huku laun-na nenik huhuku mabelaina.

YOHANIS 9:24

Boema lalo seluk hataholi fo besa ka nita ndia de lafa'dan lae, “Supa-soo leona mae, o mafa'da tunga ndo na. Te ami bubuluk hataholi mana makahahaik o ndia, hataholi masala-masingok ndia.”

YESAYA 42:12

Malole lenak, ala lamatutua-lamadedema Manetualain, ma taom-ma na'den-na nananita-nalelak, nai nusa dook-kala.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

MAZMUR 32:4

Lele'do-le'odaen, O ne'e au, Manetualain, basa au be'i-balakaing, sama leo le'do haan-na, nakamusi-nan.

SEMUEL SUSULAK-KA ESAN-NA 5:9

Tehu lelek peti ndia losa kota ndia boema, Manetualain huku kota ndia boe de lapangamak matuaina da'di. Kota ndia laun-nala, nau mulik do lasik boe, nanahukuk nenik peta-paek da'di nai aopaan-na.

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.

NINITAK 14:7

Ata nusa so'dak ndia nalo bou-bou napane'e nae, “Bii neu Manetualain leona, ma koa-kio matua-mademan! Nana fai na losa soaneu Manetualain naketu-nala'di hataholi daebafa ka so. Sene-do'ok neu Ndia fo mana makadada'dik lalai a, daebafa ka, tasi a ma basa oemata lala'ena!”

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

YOEL 2:25

Neukose Au nggati basa emi hata manamopom lala'en-na nai teu-teuk, fo lelek lamak-kala la'a heni emi keketu-kokolum buna-boan. Nana, Au nde haitua lamak bubua matuaina sila-la leo emi neu.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

MAZMUR 39:10

Au denge-denge, de au ta huka au bafang-nga fa, nana O nde fepa-li'u au.

MAZMUR 18:44

O soi-po'i au neme teidalek malelesik-kala mai, ma O tao au da'di manakoasa neu leoina-la; leoina fo au ta alelak-kana fa, ana da'di au atang.

BILANGAN 33:4

fo ndia te, lakalulupu latoi-latono sila anaulun fo, Manetualain taonisak-kala. No manada'dik ndia, fo Manetualain fe buti, nae Ndia be'i-balakain lena heni Masir lamatua daebafak-nala.

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

KELUARAN 8:24

Manetualain fe pena makadotok nanseli leo uma manek-ka, ma basa manapaleta-la uma-nala neu. Basa nusa Masir-ra lala'en-na doi-doso lanseli, nanahu pena sila-la.

KELUARAN 8:17

Boema, Harun fepa aitete'en-na neu dae lain, de daesopuk manai Masir lala'en-na, nasafali da'di nenik, de lakamomotu-la hataholi-la ma bana-la.

KELUARAN 8:5

Manetualain nafa'da Musa nae, “Madenu Harun, fo nakandoondoo aitete'en-na neu lee-la, oelolok-kala, ma lifu-la lain, fo ela lo'donggelek-kala poka mai, fo dae Masir-ra henuk no lo'donggelek-ka.”

SEMUEL SUSULAK-KA ESAN-NA 6:8

Basa soona, ho'i-ma Manetualain Peti Hehelu-balataan-na, fo fuan leo nggalobak lain neu, ma pe'da balaka anak-ka neu boboan-na, balaka anak ndia isi-na bua-lo'a lilopilas, fo muse emi tunu-hotu fen, da'di leo soi-tefak neu emi sala-singom. Boso hela nggalobak-ka no sapi sila, nemen-na fo ala la'ok aon.

1 TAWARIKH 16:28

Koa-kio Manetualain leon, hai hataholi daebafak kala lemin! Koa-kio matua-mademan ma be'i-balakain.

1 TAWARIKH 16:29

Koa-kio na'den fo mandela-masa'ak, ma meni tutunu-hohotuk leo uman dale neu. Sene-do'ok Manetualain no pake bua papake makaluku-makatele!

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”